Պէտք չէր պատրանքներ ունենալ, մարդասիրական օգնութիւն սպասել, կամ՝ Հայաստանի պետական շահերու պաշտպանութեան գործին մէջ գործընկերական ու դաշնակցային մեծ ակնկալութիւններ ունենալ, երբ նոյնիսկ Հայաստանի քաղաքական դասը ինք չունի երկրին պետական մարմիններուն հանդէպ այդ յարգանքն ու զօրակցութիւնը, երբ օտար ուժերու կողմէ Հայաստանի պարտադրուած պարտութիւնը կը դիտուի բացարձակապէս իշխանութիւնը հարուածելու եւ տապալելու առիթ։
Մինչ կառավարական պատասխանատուներ հակազդեցին ՀԱՊԿ-ի այս անհեթեթ յայտարարութեան, յիշեցնելով որ՝ սահմանային միջադէպերը անվնաս չանցան, հայկական կողմը ունեցաւ սպանուած զինուոր մը, վիրաւորներ եւ վեց գերեվարուածներ..., երեւոյթը չարժանացաւ խորհրդարանական ընդդիմութեան հակազդեցութեան։
Այլապէս, ՀԱՊԿ-ի յայտարարութիւնը շատ կարեւոր ազդանշան է անդրադառնալու համար Հայաստանի անվտանգութեան համակարգի կաթուածահար վիճակին, որուն միակ ելքը քաղաքական ուժերու համատեղ ջանքերը պիտի ըլլային։
Սակայն, հայաստանեան ընդդիմադիր ուժերուն հետաքրքրութիւնը այլ է, Սահմանադրական դատարանին մէջ վիճարկել խորհրդարանական ընտրութիւններուն արդիւնքները, զանոնք ջնջել տալու նպատակով։
Եթէ չըլլային Հայաստանի Հանրապետութեան առջեւ ծառացած անվտանգութեան հարցերը, սահմանագծումի խնդիրները, թուրքեւազէրական ռազմական գործընկերութենէն բխող սպառնալիքները, ընդդիմութեան կողմէ Սահմանադրական դատարանի դիմումը կարելի էր դրական երեւոյթ համարել։
Վերջապէս, նախագահ Քոչարեան, նախագահ Սարգսեան, որոնք տարիներ շարունակ ընտրական խախտումներով եւ ընտրական կեղծիքներով իշխանութեան գլուխ մնացին, այսօր արդարութենէ կը խօսին, արդարութիւն կը պահանջեն, իշխանութիւնը կ՚ամբաստանեն վարչական միջոցներու ապօրինի գործածութիւնով։
Նոյնն է պարագան ՀՅԴ-ին, որ տարիներ շարունակ իշխանութեան ապօրինութիւններուն աչք փակեց, օգտուեցաւ անոնց առատաձեռնութենէն եւ այսօր յախուռն կերպով կը դիմէ Սահմանադրական դատարան, դատապարտելու համար իշխանութիւններու կատարած կարծեցեալ ընտրական խախտումները։
Noynn ē paragan HYD-in, or tariner šarownak išxanowt’ean apòrinowt’iwnnerown ačk’ p’akec’, ògtowec’aw anonc’ aṙatajeṙnowt’enēn ew aysòr yaxowṙn kerpov kë dimē Sahmanadrakan dataran, datapartelow hamar išxanowt’iwnnerow kataraç karçec’eal ëntrakan xaxtowmnerë.
2015-ի սահմանադրական փոփոխութիւնները Հայաստանի մէջ հաստատեցին խորհրդարանական կարգ, որուն մեծագոյն ջատագովներէն էր ՀՅԴ-ն, որ ոգի ի բռին պաշտպանեց անոր ընդունումը, նոյնիսկ խանդավառութեամբ պահ մը յայտարարեց 3-րդ Հանրապետութեան վախճանը եւ 4-րդին սկիզբը, հակառակ բազմաթիւ ընտրական խախտումներու եւ հակառակ փոփոխուած Սահմանադրութեան բազմաթիւ թերիներուն ու հակասութիւններուն, որոնք ի յայտ եկան Սերժ Սարգսեանի եւ յետոյ Փաշինեանի՝ իշխանութեան գլուխ գալով։
2015-i sahmanadrakan p’op’oxowt’iwnnerë Hayastani mēǰ hastatec’in xorhrdaranakan karg, orown meçagoyn ǰatagovnerēn ēr HYD-n, or ogi i bṙin paštpanec’ anor ëndownowmë, noynisk xandavaṙowt’eamb pah më yaytararec’ 3-rd Hanrapetowt’ean vaxč̣anë ew 4-rdin skizbë, hakaṙak bazmat’iw ëntrakan xaxtowmnerow ew hakaṙak p’op’oxowaç Sahmanadrowt’ean bazmat’iw t’erinerown ow hakasowt’iwnnerown, oronk’ i yayt ekan Serž Sargseani ew yetoy P’ašineani, išxanowt’ean glowx galov.
Ի շարս այլ կարեւոր որոշումներու, նորընտիր խորհրդարանի պարտականութիւններէն մէկը պիտի ըլլայ այս հարցը, որուն վերստին անդրադարձաւ Հանրապետութեան նախագահը Յուլիս 5-ին, Սահմանադրութեան տօնին առթիւ։
Այս բոլորով հանդերձ կան դրական ազդանշաններ՝ ԱՄՆ-էն եւ Եւրոպական Միութենէն, որոնք տնտեսական օժանդակութեան առատաձեռն խոստումներ կատարեցին, նեցուկ հանդիսանալով տնտեսութեան զարգացման եւ սահմանադրական կարգի ամրապնդման, որոնք երկրի անվտանգութեան կարեւոր բաղադրիչներէն են։
Ays bolorov handerj kan drakan azdanšanner, AMN-ēn ew EWropakan Miowt’enēn, oronk’ tntesakan òžandakowt’ean aṙatajeṙn xostowmner katarec’in, nec’owk handisanalov tntesowt’ean zargac’man ew sahmanadrakan kargi amrapndman, oronk’ erkri anvtangowt’ean karewor baġadričnerēn en.