Universal Dependencies - Coptic - Scriptorium

s-1

life_john_kalybites-life_john_kal_01_s0001

▢ ⲡⲁⲓ ⲡⲉ ⲡⲃⲓⲟⲥ ⲙⲡⲙⲁⲕⲁⲣⲓⲟⲥ ⲓⲱϩⲁⲛⲛⲏⲥ ⲡⲙⲟⲛⲁⲭⲟⲥ ⲛⲧⲉⲗⲓⲟⲛ ⲡⲁⲓ ⲛⲧⲁⲛⲉϥⲉⲓⲟⲧⲉ ⲥⲙⲓⲛⲉ ⲛⲁϥ ⲙⲡⲉⲩⲁⲅⲅⲉⲗⲓⲟⲛ ⲛⲛⲟⲩⲃ ·

HERE BEGINNETH THE LIFE OF THE BLESSED JOHN, THE PERFECT MONK, WHOSE PARENTS MADE FOR HIM A GOSPEL OF GOLD

s-2

life_john_kalybites-life_john_kal_01_s0002

ⲉⲁϥϫⲱⲕ ⲉⲃⲟⲗ ⲙⲡⲉϥⲃⲓⲟⲥ ⲉⲧⲛⲁⲛⲟⲩϥ ϩⲛⲟⲩⲙⲛⲧⲧⲉⲗⲓⲟⲥ ⲙⲛⲟⲩϩⲩⲡⲟⲙⲟⲛⲏ ⲉⲛⲁⲛⲟⲩⲥ · ⲛⲥⲟⲩϥⲧⲟⲟⲩ ⲙⲡⲉⲃⲟⲧ · ⲙϣⲓⲣ ϩⲛⲟⲩⲉⲓⲣⲏⲛⲏ ⲛⲧⲉⲡⲛⲟⲩⲧⲉ ⲥⲙⲟⲩ ⲉⲣⲟⲛ ⲧⲏⲣⲛ ϩⲁⲙⲏⲛ ⁛—

AND WHO ENDED HIS LIFE, WITH THE MOST EXCELLENT PATIENT ENDURANCE, ON THE FOURTH DAY OF THE MONTH MEKHIR, IN THE PEACE OF GOD. PRAY FOR US ALL! AMEN.

s-3

life_john_kalybites-life_john_kal_01_s0003

—ⲡⲉⲓⲃⲓⲟⲥ ⲅⲁⲣ ⲧⲉⲛⲟⲩ ⲉⲧⲓⲛⲁϣⲁϫⲉ ⲛⲙⲙⲏⲧⲛ ⲉⲧⲃⲏⲏⲧϥ · ⲡⲁⲣⲁⲟⲩⲣⲱⲙⲉ ⲛⲧⲉⲡⲛⲟⲩⲧⲉ ⲡⲉ ⲁⲩⲱ ⲛϣⲟⲩⲣϣⲡⲏⲣⲉ ⲙⲙⲟϥ ⲛⲧⲁϥϣⲱⲡⲉ ϩⲙⲡⲉⲛⲟⲩⲟⲉⲓϣ ·

This life which I will now describe unto you is that of a man of God, who lived in our time, and it must be regarded with wonder.

s-4

life_john_kalybites-life_john_kal_01_s0004

ⲡⲁⲓ ⲧⲉⲛⲟⲩ ⲛⲉⲩⲛⲟⲩⲣⲱⲙⲉ ϣⲟⲟⲡ ϩⲛⲧⲡⲟⲗⲓⲥ ϩⲣⲱⲙⲏ ⲟⲩⲣⲙⲙⲁⲟ ⲉⲙⲁⲧⲉ ⲡⲉ ·

This man lived in the city of Rome, and he was exceedingly rich;

s-5

life_john_kalybites-life_john_kal_01_s0005

ⲛⲧⲟϥ ⲡⲉ ⲡⲁⲣⲭⲱⲛ ⲛⲧⲡⲟⲗⲓⲥ ·

he was the Archon of the city.

s-6

life_john_kalybites-life_john_kal_01_s0006

ⲡⲉϥⲣⲁⲛ ⲡⲉ ⲉⲩⲧⲣⲟⲡⲓⲟⲥ ·

His name was Eutropius,

s-7

life_john_kalybites-life_john_kal_01_s0007

ⲡⲣⲁⲛ ⲛⲧⲉϥⲥϩⲓⲙⲉ ⲡⲉ ⲑⲉⲟⲇⲱⲣⲁ · ⲁⲩⲱ ⲛⲉⲩⲟ ⲛⲣⲉϥϣⲙϣⲉⲛⲟⲩⲧⲉ ⲙⲡⲉⲥⲛⲁⲩ ϫⲓⲛⲧⲉⲩⲙⲛⲧⲕⲟⲩⲓ ⁛—

and the name of his wife was Theodora; and both of them had been worshippers of God from their youth up.

s-8

life_john_kalybites-life_john_kal_01_s0008

ⲛⲁⲓ ⲇⲉ ⲛⲉⲣⲉϣⲟⲙⲛⲧ ⲛϣⲏⲣⲉ ϣⲟⲟⲡ ⲛⲁⲩ ·

And they had three children.

s-9

life_john_kalybites-life_john_kal_01_s0009

ⲡⲉⲥⲛⲁⲩ ⲙⲉⲛ ⲁⲩϯ ⲛⲁⲩ ⲛⲟⲩⲛⲟϭ ⲛⲧⲁⲝⲓⲥ · ϩⲙⲡⲡⲁⲗⲗⲁϯⲟⲛ ⲛⲛⲣⲣⲱⲩ ·

Now two of these had been appointed to high positions in the Palace of the Emperors,

s-10

life_john_kalybites-life_john_kal_01_s0010

ⲡⲕⲟⲩⲓ ϩⲱⲱϥ ⲁⲩⲧⲁⲁϥ ⲉⲧⲣⲉϥϫⲓⲥⲃⲱ ⲉⲛⲉϩⲃⲏⲩⲉ ⲙⲡⲛⲟⲩⲧⲉ ·

and the youngest had been sent to receive instruction in the works of God.

s-11

life_john_kalybites-life_john_kal_01_s0011

ⲙⲛⲛⲥⲁⲛⲁⲓ ⲇⲉ ⲁϥⲉⲓⲙⲉ ⲉⲛⲱϣ ⲛⲛⲉⲥⲭⲟⲗⲁⲥⲧⲓⲕⲟⲥ · ⲁⲩⲱ ⲛⲉϥϩⲛⲧⲉⲩⲙⲏⲏⲧⲉ ⲡⲉ ·

And after these things he learned the teachings of the wise men, and associated with them.

s-12

life_john_kalybites-life_john_kal_01_s0012

ⲡⲁⲗⲓⲛ ⲟⲛ · ⲁϥⲧⲥⲁⲃⲟ ⲛⲛⲉϩⲃⲏⲩⲉ ⲙⲡⲛⲟⲩⲧⲉ ⲁⲩⲱ ⲛϥⲙⲏⲣ ⲉⲧⲉⲕⲕⲗⲏⲥⲓⲁ ⲉϥϣⲓⲛⲉ ⲛⲥⲁⲡⲛⲟⲩⲧⲉ · ⲙⲡⲉϩⲟⲟⲩ ⲙⲛⲧⲉⲩϣⲏ ·

Moreover he learned the works of God, and attached himself to the church, making enquiries concerning God by day and by night.

s-13

life_john_kalybites-life_john_kal_01_s0013

ⲟⲩϩⲟⲟⲩ ⲇⲉ ⲉⲃⲟⲗ ϩⲛⲟⲩϩⲟⲟⲩ ⲁϥⲡⲁⲣⲁⲅⲉ ⲙⲙⲟϥ ⲛϭⲓⲟⲩⲥⲟⲛ ⲙⲙⲟⲛⲁⲭⲟⲥ ⲛⲧⲉⲧⲙⲟⲛⲏ ⲉⲧⲥⲁϩⲟⲩⲛ · ⲧⲁⲓ ⲉⲧⲟⲩⲙⲟⲩⲧⲉ ⲉⲣⲟⲥ ϫⲉⲛⲉⲧⲉⲙⲉⲩⲛⲕⲟⲧⲕ ⲉϥⲟⲩⲱϣ ⲉⲃⲱⲕ ⲉⲧϩⲓⲉⲣⲟⲩⲥⲁⲗⲏⲙ · ⲉϣⲗⲏⲗ ϩⲛⲙⲙⲁ ⲉⲧⲟⲩⲁⲁⲃ ·

And it came to pass on a day that a certain brother, who was a monk, and who belonged to a Monastery which was inland (or, to the south), and was called after the name of 'those who sleep not,' passed by; and he was wishing to depart to Jerusalem to pray in the Holy Place.

s-14

life_john_kalybites-life_john_kal_01_s0014

ⲡⲁⲓ ⲇⲉ ⲁϥϣⲁϫⲉ ⲙⲛⲓⲱϩⲁⲛⲛⲏⲥ ϩⲁϩⲧⲛⲡⲉϥⲏⲓ · ϩⲙⲡϣⲁϫⲉ ⲙⲡⲛⲟⲩⲧⲉ ·

And this monk spake unto John inside his house with the words of God,

s-15

life_john_kalybites-life_john_kal_01_s0015

ⲁϥⲣϣⲡⲏⲣⲉ ⲛϭⲓⲓⲱϩⲁⲛⲛⲏⲥ ⲉⲡⲉϩⲟⲩⲟ · ⲉϥⲛⲁⲩ ⲉⲡⲥⲟⲛ ⲙⲙⲟⲛⲁⲭⲟⲥ ⲙⲛⲡⲉϥⲥⲭⲏⲙⲁ · ⲙⲛⲧⲉϥϭⲓⲛϣⲁϫⲉ ⲉⲧϩⲟⲗϭ ⲙⲛⲛⲉϥⲙⲉⲉⲩⲉ · ⲉϩⲟⲩⲛ ⲉⲡⲛⲟⲩⲧⲉ ⲛⲧϩⲉ ⲛⲟⲩⲕⲱϩⲧ ⁛

and John marvelled exceedingly when he saw the monkish brother, and his garb, and perceived his pleasant manner of speech, and his internal thought about God, which was like fire.

s-16

life_john_kalybites-life_john_kal_01_s0016

ⲡⲉϫⲉⲓⲱϩⲁⲛⲛⲏⲥ · ϫⲉⲡⲁϫⲟⲉⲓⲥ ⲛⲉⲓⲱⲧ ⲛⲧⲟⲕ ⲡⲁⲧⲱⲛ · ⲏ ⲉⲣⲉⲡⲉⲕⲙⲟⲛⲁⲥⲧⲏⲣⲓⲟⲛ · ⲏ ⲉⲣⲉⲡⲉⲕⲙⲟⲛⲁⲥⲧⲏⲣⲓⲟⲛ ⲧⲱⲛ ·

And John said, 'My lord father, what is thy native place, or where is thy monastery?'

s-17

life_john_kalybites-life_john_kal_01_s0017

ⲡⲉϫⲉⲡⲥⲟⲛ ⲙⲙⲟⲛⲁⲭⲟⲥ ⲛⲁϥ ϫⲉⲁⲛⲟⲕ ⲉⲓϣⲟⲟⲡ ϩⲛⲧⲙⲟⲛⲏ ⲛⲛⲉⲧⲉⲙⲉⲩⲛⲕⲟⲧⲕ ·

The monkish brother said unto him, 'I live in the Monastery of the Sleepless Ones.'

s-18

life_john_kalybites-life_john_kal_01_s0018

ⲁⲩⲱ ⲉⲣϣⲁⲛⲡⲛⲟⲩⲧⲉ ⲣϩⲛⲁϥ ⲉⲓⲟⲩⲱϣ ⲉⲃⲱⲕ ⲉⲧϩⲓⲉⲣⲟⲩⲥⲁⲗⲏⲙ ⲛⲧⲁϣⲗⲏⲗ ⲙⲙⲁⲩ ϩⲙⲡⲙⲁ ⲉⲧⲟⲩⲁⲁⲃ · ⲁⲩⲱ ϩⲙⲡⲟⲩⲱϣ ⲙⲡⲛⲟⲩⲧⲉ · ϯⲛⲁⲕⲧⲟⲓ ⲉⲡⲁⲙⲁ ⲛⲕⲉⲥⲟⲡ ·

And if God pleaseth I wish to go to Jerusalem so that I may pray there in the Holy Place, and, by the will of God, I will return again to my place.

s-19

life_john_kalybites-life_john_kal_01_s0019

ⲁⲩⲱ ⲁⲡⲙⲟⲛⲁⲭⲟⲥ ⲧⲁⲙⲟϥ ⲉⲧⲃⲉϩⲱⲃ ⲛⲓⲙ ⲛⲧⲁⲓⲱϩⲁⲛⲛⲏⲥ ⲧⲁⲙⲟϥ ⲉⲧⲃⲏⲏⲧϥ ·

And the monk informed him concerning everything about which John enquired of him.

s-20

life_john_kalybites-life_john_kal_01_s0020

ⲛⲧⲉⲣⲉϥⲥⲱⲧⲙ ⲇⲉ ⲛϭⲓⲓⲱϩⲁⲛⲛⲏⲥ ⲉⲛⲉⲓϣⲁϫⲉ ⲁϥⲁⲙⲁϩⲧⲉ ⲛⲧϭⲓϫ ⲙⲡⲥⲟⲛ ⲙⲙⲟⲛⲁⲭⲟⲥ ⲁϥϫⲓⲧϥ ⲉⲩⲙⲁ ⲉϥⲉⲥⲩⲭⲁⲍⲉ

And when John had heard these words he laid hold upon the hand of the monkish brother, and took him to a place which was quiet and secret,

s-21

life_john_kalybites-life_john_kal_01_s0021

ⲁⲩⲱ ⲁϥⲧⲁⲣⲕⲟϥ ⲛϩⲉⲛⲛⲟϭ ⲛⲁⲛⲁϣ ⲉϥϫⲱ ⲙⲙⲟⲥ ⲛⲁϥ ϫⲉⲉⲕϣⲁⲛⲃⲱⲕ ⲡⲁⲙⲉⲣⲓⲧ ⲛⲥⲟⲛ ⲉⲧϩⲓⲉⲣⲟⲩⲥⲁⲗⲏⲙ ⲛⲅⲕⲟⲧⲕ ϩⲛⲟⲩⲉⲓⲣⲏⲛⲏ ⲙⲡⲣϩⲟⲡⲕ ⲉⲣⲟⲓ ·

and he made him to swear great oaths, saying unto him, 'My beloved brother, when thou hast gone to Jerusalem, and hast returned in peace, thou shalt not hide thyself from me,

s-22

life_john_kalybites-life_john_kal_01_s0022

ⲟⲩⲇⲉ ⲙⲡⲣⲃⲱⲕ ⲉⲧⲉⲕⲙⲟⲛⲏ ⲛⲅⲕⲁⲁⲧ ⲛⲥⲱⲕ ⲉⲃⲟⲗ ϫⲉⲛϯϩⲡⲗⲁⲁⲩ ⲁⲛ ⲉⲣⲟⲕ ϩⲙⲡⲁⲃⲓⲟⲥ ⲧⲏⲣϥ · ⲉⲡⲉⲓⲇⲏ ⲛⲁⲉⲓⲟⲧⲉ ⲙⲉ ⲙⲙⲟⲓ ⲉⲙⲁⲧⲉ ⲡⲁⲣⲁⲛⲁⲥⲛⲏⲩ ·

neither shalt thou depart to thy monastery and forsake me, and I will not hide anything from thee during the whole course of my life. My parents, however, love me very much more than they love my brethren,

s-23

life_john_kalybites-life_john_kal_01_s0023

ⲕⲁⲓ ⲅⲁⲣ ⲁⲩⲧⲁⲁⲧ ⲉⲧⲟⲟⲧⲟⲩ ⲛϩⲉⲛⲥⲭⲟⲗⲁⲥⲧⲓⲕⲟⲥ ·

for they have placed me in the hands of instructors,

s-24

life_john_kalybites-life_john_kal_01_s0024

ⲁⲩⲱ ⲉⲣⲉⲡⲁⲉⲓⲱⲧ ϫⲱ ⲙⲙⲟⲥ ϫⲉϯⲛⲁϯ ⲛⲁⲕ ⲛϩⲉⲛⲛⲟϭ ⲛⲧⲁⲝⲓⲥ ·

and my father saith, 'I will give thee high offices.'

s-25

life_john_kalybites-life_john_kal_01_s0025

ⲗⲟⲓⲡⲟⲛ ⲕⲁⲧⲁⲛⲉⲧϩⲙⲡⲉϥϩⲏⲧ ⲉϥⲟⲩⲱϣ ⲉϯ ⲛⲁⲓ ⲛⲕⲉⲥⲁϣϥ ⲛⲧⲁⲝⲓⲥ ⲉⲩϫⲟⲥⲉ ⲡⲁⲣⲁⲧⲱϥ ·

Moreover, according to what is in his heart, he wisheth to give me seven offices, each of which is more exalted than his own.

s-26

life_john_kalybites-life_john_kal_01_s0026

ⲁⲩⲱ ⲙⲛⲛⲥⲁⲛⲁⲓ ⲉϥⲟⲩⲱϣ ⲉⲛⲣϣⲉⲗⲉⲉⲧ ⲉⲣⲟⲓ ·

After these things he wisheth to make me a bridegroom.

s-27

life_john_kalybites-life_john_kal_01_s0027

ⲁⲛⲟⲕ ⲇⲉ ϩⲱⲱⲧ ⲟⲛ ⲁⲓⲃⲱⲕ ⲉⲧⲉⲕⲕⲗⲏⲥⲓⲁ · ⲁⲓⲥⲱⲧⲙ ⲉⲣⲟⲟⲩ ⲉⲩⲱϣ ϩⲛⲟⲩⲙⲁ ⲉⲩϫⲱ ⲙⲙⲟⲥ ϫⲉⲡⲉⲟⲟⲩ ⲧⲏⲣϥ ⲙⲡⲉⲓⲕⲟⲥⲙⲟⲥ ⲟⲩϩⲱⲃ ⲛⲥⲱⲃⲉ ⲡⲉ · ⲁⲩⲱ ϫⲉⲡⲉⲧⲛⲁⲕⲁⲧⲁⲫⲣⲟⲛⲉⲓ ⲙⲡⲉⲓⲕⲟⲥⲙⲟⲥ ⲛϥⲟⲩⲁϩϥ ⲛⲥⲁⲡⲉⲭⲣⲓⲥⲧⲟⲥ ϩⲛⲟⲩϩⲏⲧ ⲉϥⲥⲟⲩⲧⲱⲛ · ⲙⲟⲅⲓⲥ ⲛϥⲛⲟⲩϩⲙ ·

And, moreover, when I go into the church I hear them proclaiming and saying, 'Everything in this world is contemptible,' and 'Let him that despiseth this world follow the Christ with a right heart,' and even so he shall hardly be saved.

s-28

life_john_kalybites-life_john_kal_01_s0028

ⲕⲉⲙⲁⲗⲓⲥⲧⲁ ⲡⲁⲥⲟⲛ ⲡⲣⲱⲙⲉ ⲛⲣⲉϥⲣⲛⲟⲃⲉ ⲛⲧⲁⲙⲓⲛⲉ ·

'Surely, my brother, it will be especially difficult for a sinner like myself to be saved.

s-29

life_john_kalybites-life_john_kal_01_s0029

ⲉⲧⲃⲉⲡⲁⲓ ϯⲥⲟⲡⲥⲡ ⲙⲙⲟⲕ ⲡⲁⲉⲓⲱⲧ ⲉⲧⲟⲩⲁⲁⲃ · ⲉⲧⲣⲉⲕϫⲓⲧ ⲛⲙⲙⲁⲕ ⲉⲧⲉⲕⲙⲟⲛⲏ ·

Therefore, I beseech thee, O mighty father, to take me with thee to thy monastery.'

s-30

life_john_kalybites-life_john_kal_01_s0030

ⲛⲧⲉⲣϥⲥⲱⲧⲙ ⲇⲉ ⲉⲛⲁⲓ ⲛϭⲓⲡⲥⲟⲛ ⲙⲙⲟⲛⲁⲭⲟⲥ · ⲁϥⲱⲣⲕ ⲛⲟⲩⲁⲛⲁϣ ϫⲉⲉⲓϣⲁⲛⲕⲧⲟⲓ ϯⲛⲁϫⲓⲧⲕ ⲛⲙⲙⲁⲓ ⲉⲧⲁⲙⲟⲛⲏ ·

And when the monkish brother had heard these things he took an oath, saying, 'When I return I will take thee with me to my monastery';

s-31

life_john_kalybites-life_john_kal_01_s0031

ⲛⲧⲉⲩⲛⲟⲩ ⲇⲉ ⲁⲩⲧⲁϫⲣⲉⲡϣⲁϫⲉ ⲙⲛⲛⲉⲩⲉⲣⲏⲩ ϩⲓⲟⲩⲥⲟⲡ · ⲁⲡⲟⲩⲁ ⲡⲟⲩⲁ ⲙⲙⲟⲟⲩ ⲙⲟⲟϣⲉ ⲉⲧⲉϥⲙⲟⲛⲏ ϩⲛⲟⲩⲉⲓⲣⲏⲛⲏ

and straightway they made a firm compact with each other to this effect very readily, and then each departed to his abode in peace.

s-32

life_john_kalybites-life_john_kal_01_s0032

ⲙⲛⲛⲥⲁⲛⲁⲓ ⲇⲉ ⲁϥϫⲓϣⲟϫⲛⲉ ϩⲙⲡⲉϥϩⲏⲧ ⲛϭⲓⲡⲙⲁⲕⲁⲣⲓⲟⲥ ⲓⲱϩⲁⲛⲛⲏⲥ ⲉϥϫⲱ ⲙⲙⲟⲥ ϫⲉⲡⲣⲱⲧⲱⲛ ⲙⲉⲛ ⲕⲁⲁⲧ ⲛⲧⲁⲃⲱⲕ ϣⲁⲛⲁⲉⲓⲟⲧⲉ ⲛⲧⲁⲧⲣⲉⲩⲥⲙⲓⲛⲉ ⲛⲁⲓ ⲛⲟⲩⲉⲩⲁⲅⲅⲉⲗⲓⲟⲛ ⲛⲧⲁⲱϣ ϩⲓⲱⲱϥ · ϫⲉⲛϯⲥⲟⲟⲩⲛ ⲁⲛ ⲛⲛⲉⲛⲧⲟⲗⲏ ⲙⲡⲉⲭⲣⲓⲥⲧⲟⲥ ·

And after these things the blessed John took counsel with himself, saying, 'First of all let me go to my parents, so that i may make them prepare for me a Gospel wherein I may read, for I do not know the commandments of Christ,

s-33

life_john_kalybites-life_john_kal_01_s0033

ⲁⲩⲱ ⲟⲛ ϯⲛⲁϭⲛⲧϥ ϩⲙⲡⲙⲁ ⲉⲧⲓⲛⲁⲃⲱⲕ ⲉⲣⲟϥ ·

and I would find Him in the place whither I am going.'

s-34

life_john_kalybites-life_john_kal_01_s0034

ⲁϥⲉⲓ ⲇⲉ ⲉⲡⲏⲓ ⲛⲛⲉϥⲉⲓⲟⲧⲉ ·

And he came to the house of his parents,

s-35

life_john_kalybites-life_john_kal_01_s0035

ⲁϥϫⲱ ⲉⲣⲟⲟⲩ ⲛⲟⲩⲗⲟⲓϭⲉ ⲛϯⲙⲓⲛⲉ ⲉϥϫⲱ ⲙⲙⲟⲥ ϫⲉⲁⲛⲁⲩ ⲱ ⲛⲁⲉⲓⲟⲧⲉ · ϫⲉⲁⲛⲟⲕ ϯϣⲟⲟⲡ ϩⲛⲟⲩϣⲓⲛⲉ ⲛⲧⲙⲏⲧⲉ ⲛⲛⲁϣⲃⲏⲣⲥⲭⲟⲗⲁⲥⲧⲓⲕⲟⲥ ϫⲉⲥⲉϣⲟⲟⲡ ⲧⲏⲣⲟⲩ ϩⲛⲧⲉⲥⲭⲟⲗⲏ ⲉⲣⲉⲟⲩⲉⲩⲁⲅⲅⲉⲗⲓⲟⲛ ⲛⲛⲟⲩⲃ ⲛⲧⲟⲟⲧϥ ⲙⲡⲟⲩⲁ ⲡⲟⲩⲁ ⲛⲧⲁⲛⲉⲩⲉⲓⲟⲧⲉ ⲥⲙⲛⲧϥ ⲛⲁⲩ ⲉⲩⲱϣ ϩⲓⲱⲱϥ ·

and he told them the reason [for his desire], and he spake unto them thus: 'Behold, O my parents, I am put to shame among my fellow scholars, for of all those who are at school with me each one hath his own Gospel of gold, which their parents have prepared for them to read in.

s-36

life_john_kalybites-life_john_kal_01_s0036

ⲁⲛⲟⲕ ⲇⲉ ϩⲱ ⲉⲓⲟ ⲛⲧϩⲉ ⲛⲟⲩϩⲏⲕⲉ ϩⲛⲧⲉⲩⲙⲏⲏⲧⲉ ⲉⲙⲛⲧϥⲉⲓⲱⲧ ⲙⲙⲁⲩ ⲏ ⲙⲁⲁⲩ ·

As for me I am like a beggar in their midst, and like one who hath neither father nor mother.'

s-37

life_john_kalybites-life_john_kal_01_s0037

ⲁϥⲡⲁϩⲧϥ ⲇⲉ ⲉϫⲙⲡⲉϥϩⲟ ⲛϭⲓⲓⲱϩⲁⲛⲛⲏⲥ ϩⲁⲣⲁⲧⲟⲩ ⲛⲛⲉϥⲉⲓⲟⲧⲉ ⲉϥϫⲱ ⲙⲙⲟⲥ ϫⲉϯⲥⲟⲡⲥⲡ ⲙⲙⲱⲧⲛ ⲛⲁⲉⲓⲟⲧⲉ ⲉϣⲱⲧ ⲉⲙⲁⲧⲉ ⲧⲛⲥⲙⲓⲛⲉ ⲛⲁⲓ ⲛⲟⲩⲉⲩⲁⲅⲅⲉⲗⲓⲟⲛ ϩⲱ ϫⲉⲕⲁⲥ ⲉⲓⲛⲁϩⲉ ⲉⲣⲟϥ ϩⲛⲛⲁϭⲓϫ ⲛⲧⲁϫⲓⲥⲃⲱ ⲉⲃⲟⲗ ⲛϩⲏⲧϥ ·

And John threw himself down upon his face before his parents, saying, 'I beseech you most earnestly, O my parents, to prepare for me a Gospel, so that I may have it in my hands, and receive instruction therefrom.'

s-38

life_john_kalybites-life_john_kal_01_s0038

ⲛⲧⲉⲣⲉⲥⲥⲱⲧⲙ ⲇⲉ ⲛϭⲓⲧⲉϥⲙⲁⲁⲩ ⲁⲥⲣⲁϣⲉ ⲉⲙⲁⲧⲉ ϫⲉⲛⲉⲥⲟⲩⲱϣ ⲡⲉ ⲉⲧⲣⲉϥⲧⲥⲁⲃⲟ ⲕⲁⲗⲱⲥ ·

And when his mother heard [these words] she rejoiced exceedingly, for it was her wish that he should be well instructed.

s-39

life_john_kalybites-life_john_kal_01_s0039

ⲉⲧⲓ ⲇⲉ ⲉⲥⲉⲓⲣⲉ ϩⲓⲛⲁⲓ ⲁⲥϣⲁϫⲉ ⲙⲛⲡⲉⲥϩⲁⲓ ⲉⲥϫⲱ ⲙⲙⲟⲥ ⲡⲁϫⲟⲉⲓⲥ ⲛⲥⲟⲛ ⲧⲁⲙⲓⲟ ⲛⲟⲩⲉⲩⲁⲅⲅⲉⲗⲓⲟⲛ ⲛⲛⲟⲩⲃ ⲙⲡⲉⲛϣⲏⲣⲉ ⲓⲱϩⲁⲛⲛⲏⲥ ·

And when she had thought over these things she spake unto her husband, saying, 'My lord brother, make a Gospel of gold for our son John.

s-40

life_john_kalybites-life_john_kal_01_s0040

ⲟⲩⲙⲟⲛⲟⲛ ϫⲉⲥϩⲁⲓϥ ⲙⲙⲁⲧⲉ ⲁⲗⲗⲁ ⲕⲟⲥⲙⲉⲓ ⲙⲙⲟϥ ⲕⲁⲗⲱⲥ ϩⲛϩⲉⲛⲱⲛⲉ ⲙⲙⲉ · ⲉⲛⲁϣⲉⲥⲟⲩⲛⲧⲟⲩ ·

Do not have it beautifully written only, but decorate it also beautifully with really precious stones of great value.'

s-41

life_john_kalybites-life_john_kal_01_s0041

ϩⲛⲧⲉⲩⲛⲟⲩ ⲉⲧⲙⲙⲁⲩ ⲁϥⲟⲩⲉϩⲥⲁϩⲛⲉ ⲛϭⲓⲡⲉϥⲉⲓⲱⲧ ·

And straightway his father commanded,

s-42

life_john_kalybites-life_john_kal_01_s0042

ⲁϥⲉⲓⲛⲉ ⲛⲁϥ ⲛϯⲟⲩ ⲛϣⲉ ⲛϩⲟⲗⲟⲕⲟⲧⲧⲓⲛⲟⲥ ⲙⲛϩⲉⲛⲱⲛⲉ ⲙⲙⲉ · ⲉⲩⲧⲁⲓⲏⲩ ⲁϥⲧⲁⲁⲩ ⲛⲟⲩⲥⲁϩ · ⲛϩⲁⲩⲛⲟⲩⲃ ·

and one brought to him five hundred holokottinoi (oboli) and precious stones of great beauty, and he gave them to a cunning goldsmith,

s-43

life_john_kalybites-life_john_kal_01_s0043

ⲁϥⲧⲁⲙⲓⲟ ⲛⲁϥ ⲛⲧⲕⲟⲥⲙⲏⲥⲓⲥ ⲛⲟⲩⲉⲩⲁⲅⲅⲉⲗⲓⲟⲛ ⲛⲧⲁⲩⲥⲁϩϥ ·

and he made for him very beautiful decorations for the Gospel which he had caused to be written.

s-44

life_john_kalybites-life_john_kal_01_s0044

ⲁⲩⲱ ⲁⲡⲉϥⲉⲓⲱⲧ ϫⲓⲧϥ ⲁϥⲧⲁⲁϥ ⲛⲓⲱϩⲁⲛⲛⲏⲥ ⲡⲉϥϣⲏⲣⲉ ·

And John's father took it and gave it to his son,

s-45

life_john_kalybites-life_john_kal_01_s0045

ⲁϥϫⲓⲧϥ ϫⲉⲛϭⲓⲓⲱϩⲁⲛⲛⲏⲥ ⲁϥⲣⲁϣⲉ ⲉϩⲣⲁⲓ ⲉϫⲱϥ ·

and John took it, and rejoiced over it,

s-46

life_john_kalybites-life_john_kal_01_s0046

ⲁⲩⲱ ⲛϥϫⲓⲥⲃⲱ ϩⲣⲁⲓ ⲛϩⲏⲧϥ ϩⲛⲟⲩⲛⲟϭ ⲛⲙⲕⲁϩ ⲛϩⲏⲧ ·

and he studied it with great diligence.

s-47

life_john_kalybites-life_john_kal_01_s0047

ⲁⲩⲱ ⲛϥϭⲱϣⲧ ⲉⲃⲟⲗ ϩⲏⲧϥ ⲙⲡⲥⲟⲛ ⲙⲙⲟⲛⲁⲭⲟⲥ ϣⲁⲛⲧϥⲉⲓ ⲛϥⲃⲱⲕ ⲛⲙⲙⲁϥ ⁛—

And he waited for that brother who was a monk to come in order to depart with him;

s-48

life_john_kalybites-life_john_kal_01_s0048

ⲙⲛⲛⲥⲁϩⲉⲛⲕⲟⲩⲓ ⲇⲉ ⲛϩⲟⲟⲩ ⲁϥⲉⲓ ⲛϭⲓⲡⲥⲟⲛ ⲙⲙⲟⲛⲁⲭⲟⲥ ⲉⲧⲃⲉⲡⲉⲛⲧⲁⲩⲥⲙⲛⲧϥ ⲙⲛⲛⲉⲩⲉⲣⲏⲩ ⁛—

and after a few days that brother who was a monk arrived, according to the compact which they had previously made with each other.

s-49

life_john_kalybites-life_john_kal_01_s0049

ⲛⲧⲉⲣϥⲛⲁⲩ ⲇⲉ ⲛϭⲓⲓⲱϩⲁⲛⲛⲏⲥ ⲉⲡⲥⲟⲛ ⲡⲙⲟⲛⲁⲭⲟⲥ ⲁϥⲣⲁϣⲉ ⲉⲙⲁⲧⲉ ⲁⲩⲱ ⲁϥⲧⲉⲗⲏⲗ ⲁϥⲁⲥⲡⲁⲍⲉ ⲙⲙⲟϥ · ⲉϥϣⲟⲟⲡ ϩⲛⲟⲩⲛⲟϭ ⲛⲣⲁϣⲉ ·

And when John saw the brother who was a monk he rejoiced exceedingly, and was glad, and he saluted him, and he was in a state of great joy.

s-50

life_john_kalybites-life_john_kal_01_s0050

ⲡⲉϫⲁϥ ⲛⲁϥ ϫⲉⲡⲁϫⲟⲉⲓⲥ ⲛⲉⲓⲱⲧ ϯⲥⲟⲟⲩⲛ ⲉⲡⲟⲩⲱϣ ⲛⲛⲁⲉⲓⲟⲧⲉ · ⲙⲛⲡⲉⲩⲙⲉ ⲉϩⲟⲩⲛ ⲉⲣⲟⲓ ·

And he said unto him, 'My lord father, I know the wishes of my parents, and their love towards me,

s-51

life_john_kalybites-life_john_kal_01_s0051

ⲙⲁⲗⲓⲥⲧⲁ ⲧⲁⲙⲁⲁⲩ ⲛϩⲟⲩⲟ ⲉϣⲱⲡⲉ ⲉⲥϣⲁⲛⲥⲱⲧⲙ ⲉϩⲱⲃ ⲛϯⲙⲓⲛⲉ ⲉϩⲟⲩⲛ ⲉⲣⲟⲓ · ϣⲁⲣⲉⲛⲉⲥⲣⲙⲉⲓⲟⲟⲩⲉ ϯϩⲓⲥⲉ ⲛⲁⲓ ⲉⲡⲉϩⲟⲩⲟ ·

and especially the wish and love of my mother. If she were to hear of such a thing as this in connection with me she would weep, and suffer greatly because of me.

s-52

life_john_kalybites-life_john_kal_01_s0052

ⲁⲗⲗⲁ ϯⲥⲟⲡⲥⲡ ⲙⲙⲟⲕ ⲙⲁⲣⲛϩⲉ ⲉⲧϩⲉ ⲛⲧⲛⲃⲱⲕ ⲛⲁⲛ ⲛϫⲓⲟⲩⲉ ·

I therefore beseech thee to let us arrange that we go away secretly,

s-53

life_john_kalybites-life_john_kal_01_s0053

ⲁⲩⲱ ⲙⲡⲣⲧⲣⲉⲗⲁⲁⲩ ⲉⲓⲙⲉ · ⲉⲡⲉⲛϫⲱⲕ ·

and not to let any one know of our departure.'

s-54

life_john_kalybites-life_john_kal_01_s0054

ⲡⲉϫⲉⲡⲙⲟⲛⲁⲭⲟⲥ ⲛⲁϥ ϫⲉⲛⲧϩⲉ ⲉⲧⲣⲁⲛⲁⲕ ϯⲛⲁⲁⲁⲥ ⲛⲙⲙⲁⲕ ·

And the monk said unto him, 'Whatsoever pleaseth thee that will I do with thee,

s-55

life_john_kalybites-life_john_kal_01_s0055

ⲁⲩⲱ ⲡⲉⲛⲧⲁⲕⲉⲡⲉⲓⲑⲩⲙⲓ ⲉⲣⲟϥ ⲡϫⲟⲉⲓⲥ ⲛⲁϫⲟⲕϥ ⲛⲁⲕ ⲉⲃⲟⲗ ·

and that which thou desirest may God fulfill for thee.'

s-56

life_john_kalybites-life_john_kal_01_s0056

ⲁϥⲧⲱⲟⲩⲛ ⲇⲉ ⲛϭⲓⲓⲱϩⲁⲛⲛⲏⲥ ⲙⲛⲡⲙⲟⲛⲁⲭⲟⲥ · ⲁⲩⲃⲱⲕ ⲛⲁⲩ ⲛϫⲓⲟⲩⲉ ·

and they departed secretly.

s-57

life_john_kalybites-life_john_kal_01_s0057

ⲁⲩⲉⲓ ⲇⲉ ⲉϫⲛⲧϩⲁⲗⲗⲁⲥⲁ · ⲉⲩϣⲓⲛⲉ ⲛⲥⲁⲟⲩϫⲟⲓ ⲉⲧⲣⲉⲩⲁⲗⲉ ⲉⲣⲟϥ ·

And they arrived at the sea, and they searched for a boat wherein to embark.

s-58

life_john_kalybites-life_john_kal_01_s0058

ⲁⲩⲱ ⲓⲱϩⲁⲛⲛⲏⲥ ⲁϥϣⲁϫⲉ ⲙⲛⲡⲛⲉⲉϥ ⲙⲡϫⲟⲉⲓ ⲉϥϫⲱ ⲙⲙⲟⲥ · ϫⲉϯⲡⲁⲣⲁⲕⲁⲗⲉⲓ ⲙⲙⲟⲕ ⲡⲁⲥⲟⲛ ⲉⲧⲣⲕⲡⲉⲗⲕⲧϩⲏⲙⲉ ⲛⲙⲙⲁⲛ · ϫⲉⲕⲁⲥ ⲉⲕⲉϫⲓ ⲙⲙⲟⲛ ⲙⲡⲉⲥⲛⲁⲩ ⲉⲧⲙⲟⲛⲏ ⲛⲛⲉⲧⲉⲙⲉⲩⲛⲕⲟⲧⲕ ·

And John spake unto the captain of a ship, saying, 'I charge thee, my brother, to halve the fare in our case, for then thou wilt be able to take the two of us to the Monastery of the Sleepless Ones.'

s-59

life_john_kalybites-life_john_kal_01_s0059

ⲡⲛⲉⲉϥ ⲇⲉ ⲙⲡϫⲟⲉⲓ ⲡⲉϫⲁϥ ⲛⲁⲩ ϫⲉϩⲙⲟⲟⲥ ⲛⲏⲧⲛ ϣⲁⲛⲧⲁⲟⲩⲱⲧⲃ ⲙⲡⲁϫⲟⲉⲓ ⲛⲥⲕⲉⲩⲉ · ⲁⲩⲱ ⲧⲛⲛⲁⲥϭⲏⲣ ϩⲙⲡⲟⲩⲱϣ ⲙⲡⲛⲟⲩⲧⲉ ·

And the captain of the ship said unto them, 'Sit ye down until I have loaded my ship with its freight, and then, by the will of God, we will set sail.'

s-60

life_john_kalybites-life_john_kal_01_s0060

ⲡⲉϫⲉⲓⲱϩⲁⲛⲛⲏⲥ ⲙⲡⲛⲉⲉϥ ϫⲉⲙⲁⲧⲁⲙⲟⲓ ϫⲉⲟⲩⲏⲣ ⲧⲉ ⲧⲉⲕϩⲏⲙⲉ ·

And John said unto the captain, 'Tell me how much the fare is';

s-61

life_john_kalybites-life_john_kal_01_s0061

ⲡⲉϫⲉⲡⲛⲉⲉϥ ⲛⲁϥ ϫⲉϣⲉⲛϩⲟⲗⲟⲕⲟⲧⲧⲓⲛⲟⲥ · ⲧⲉ ⲧϩⲏⲙⲉ ⲙⲡⲁϫⲟⲉⲓ ⁛—

and the captain said unto him, 'One hundred oboli is the passage money for my ship.'

s-62

life_john_kalybites-life_john_kal_01_s0062

ⲧⲟⲧⲉ ⲡⲉϫⲉⲓⲱϩⲁⲛⲛⲏⲥ ⲛⲁϥ ϫⲉϯⲛⲁⲧⲁⲁⲩ ⲛⲁⲕ ·

Then John said unto him, 'I will give them to thee';

s-63

life_john_kalybites-life_john_kal_01_s0063

ⲛⲧⲉⲣⲓⲱϩⲁⲛⲛⲏⲥ ⲇⲉ ⲧⲁⲩⲉⲛⲁⲓ ⲉⲡⲛⲉⲉϥ · ⲁϥⲉⲓ ⲉⲡⲙⲁ ⲉⲧⲉⲣⲉⲡⲥⲟⲛ ⲙⲙⲟⲛⲁⲭⲟⲥ ϩⲓⲱⲱϥ ·

and when John had said this he came to the place where was the brother who was a monk,

s-64

life_john_kalybites-life_john_kal_01_s0064

ⲡⲉϫⲁϥ ⲛⲁϥ ϫⲉⲡⲁⲉⲓⲱⲧ ⲧϩⲏⲙⲉ ⲙⲡϫⲟⲉⲓ ⲟⲩⲛⲟϭ ⲧⲉ ⲁⲩⲱ ⲡⲉⲧϣϣⲉ ⲉⲣⲟⲕ ⲡⲉ ⲉⲧⲣⲉⲛⲃⲱⲕ ⲛⲁⲛ ⲧⲁⲭⲏ · ⲙⲏⲡⲟⲧⲉ ⲛⲥⲉⲉⲓ ⲉϫⲱⲛ ⲥⲉⲥⲟⲩⲛⲉⲛ ⲛⲥⲉϭⲟⲡⲛ ⲛⲧⲉⲟⲩϣⲓⲡⲉ ϣⲱⲡⲉ ⲛⲁⲛ · ϫⲉⲁⲛⲡⲱⲧ ⲛϫⲓⲟⲩⲉ ·

and he said unto him, 'My father, the ship's fare is large, and it is meet for thee that we should depart quickly, lest some people meet us, and they recognize us, and they seize us, and we be put to shame. Therefore, let us flee secretly.'

s-65

life_john_kalybites-life_john_kal_01_s0065

ⲧⲟⲧⲉ ⲁϥⲃⲱⲕ ⲉϩⲟⲩⲛ ⲉⲡⲉϥⲏⲓ ⲛϭⲓⲓⲱϩⲁⲛⲛⲏⲥ ϣⲁⲧⲉϥⲙⲁⲁⲩ ·

Then John went into his house to his mother,

s-66

life_john_kalybites-life_john_kal_01_s0066

ⲡⲉϫⲁϥ ⲛⲁⲥ ϫⲉϯⲥⲟⲡⲥⲡ ⲙⲙⲟ ⲱ ⲧⲁⲙⲉⲣⲓⲧ ⲙⲙⲁⲁⲩ · ϯⲥⲟⲟⲩⲛ ϫⲉⲁⲣϫⲱⲕ ⲉⲃⲟⲗ ⲛⲛⲁⲟⲩⲱϣ ⲧⲏⲣⲟⲩ ·

and he said unto her, 'I make entreaty unto thee, O my beloved mother. I know well that thou fulfillest all my wishes,

s-67

life_john_kalybites-life_john_kal_01_s0067

ⲕⲉⲟⲩⲁ ⲛⲟⲩⲱⲧ ⲡⲉⲧⲓϣⲁⲁⲧ ⲙⲙⲟϥ · ⲉⲩϣⲟⲩϣⲟⲩ ⲛⲁⲛ ⲡⲉ ϩⲓⲟⲩⲥⲟⲡ ·

but there is one thing that I lack, [and which if granted] would cause us both to be praised.'

s-68

life_john_kalybites-life_john_kal_01_s0068

ⲛⲧⲟⲥ ⲇⲉ ⲡⲉϫⲁⲥ ⲛⲁϥ ϫⲉϩⲱⲃ ⲛⲓⲙ ⲉⲧⲕⲟⲩⲁϣϥ ⲡⲁϣⲏⲣⲉ ⲁⲓⲧⲉⲓ ⲙⲙⲟϥ ⲛⲁⲕ ⲛⲧⲟⲟⲧ · ⲁⲩⲱ ⲁⲛⲟⲕ ϯⲛⲁϫⲟⲕϥ ⲛⲁⲕ ⲉⲃⲟⲗ ·

And she said unto him, 'Whatsoever thou wishest ask at my hand, my son, and I will fulfill thy desire for thee.'

s-69

life_john_kalybites-life_john_kal_01_s0069

ⲡⲉϫⲉⲓⲱϩⲁⲛⲛⲏⲥ ⲛⲧⲉϥⲙⲁⲁⲩ ϫⲉⲧⲉⲣⲥⲟⲟⲩⲛ ϫⲉⲛϣⲏⲣⲉ ϣⲏⲙ ⲧⲏⲣⲟⲩ ⲉⲧⲛⲙⲙⲁⲓ ϩⲛⲧⲉⲥⲭⲟⲗⲏ ⲛⲟⲩⲥⲟⲡ ⲛⲟⲩⲱⲧ ⲁⲛ ⲡⲉ · ⲟⲩⲇⲉ ⲛⲥⲛⲁⲩ ⲁⲛ ⲛⲉ · ⲛⲧⲁⲩⲁⲣⲓⲥⲧⲁ ⲙⲙⲟⲓ ϩⲙⲡⲉⲧⲛⲧⲁⲁⲩ · ⲉⲓⲟⲩⲱⲙ ⲉⲃⲟⲗ ϩⲛⲛⲉⲩⲛⲕⲁ ⁛—

And John said unto his mother, 'Thou knowest that all the youths who are with me at school have provided me with meals, and that not once, nor twice, and that I have eaten often of their provisions.

s-70

life_john_kalybites-life_john_kal_01_s0070

ⲁⲛⲟⲕ ϩⲱⲱⲧ ⲛⲉ ⲙⲛⲗⲁⲁⲩ ϣⲟⲟⲡ ⲛⲁⲓ ⲉⲧⲣⲁⲓⲣⲉ ⲛⲙⲙⲁⲩ ⲛⲧϣⲃⲃⲓⲱ ⲛⲛⲉⲛⲧⲁⲩⲁⲁⲩ ⲛⲁⲓ ·

Now there is nothing at all which I can do for them in return for what they have given unto me,

s-71

life_john_kalybites-life_john_kal_01_s0071

ⲁⲩⲱ ⲙⲡϣⲓⲡⲉ ⲕⲱ ⲙⲙⲟⲓ ⲁⲛ ⲛⲕⲉⲥⲟⲡ ⲉⲧⲣⲁⲃⲱⲕ ⲉⲧⲉⲥⲭⲟⲗⲁⲥⲧⲓⲕⲏ ⲉⲧⲃⲉⲡⲉⲓϩⲱⲃ ·

and I am in truth ashamed to enter the school again because of this matter.'

s-72

life_john_kalybites-life_john_kal_01_s0072

ⲡⲉϫⲉⲧⲉϥⲙⲁⲁⲩ ⲛⲁϥ · ϫⲉⲡⲉⲧⲉⲕⲟⲩⲁϣϥ ϯⲛⲁⲁⲁϥ ⲛⲙⲙⲁⲕ ·

His mother saith unto him, 'Whatsoever thou wishest I will do for thee.

s-73

life_john_kalybites-life_john_kal_01_s0073

ⲉⲣϣⲁⲛⲡⲉⲕⲉⲓⲱⲧ ⲉⲓ ⲉϩⲟⲩⲛ ⲙⲡⲛⲁⲩ ⲙⲙⲉⲉⲣⲉ ϯⲛⲁⲧⲣⲉϥⲧⲁⲁϥ ⲛⲁⲕ ϫⲉⲕⲁⲥ ⲉⲕⲛⲁⲉⲓⲣⲉ ⲙⲡⲉⲕⲟⲩⲱϣ ⲛϩⲏⲧϥ ⲙⲛⲛⲉⲕϣⲃⲏⲣ ·

When thy father cometh into the house at the hour of noon I will make him to give it (i.e., money) to thee, so that thou and thy companions mayest do what thou wishest therewith.'

s-74

life_john_kalybites-life_john_kal_01_s0074

ⲧⲟⲧⲉ ⲛⲧⲉⲣⲉⲡⲉϥⲉⲓⲱⲧ ⲉⲓ ⲉϩⲟⲩⲛ ⲙⲡⲛⲁⲩ ⲙⲙⲉⲉⲣⲉ · ⲁⲥϫⲱ ⲉⲣⲟϥ ⲛϩⲱⲃ ⲛⲓⲙ ⲛⲧⲁⲓⲱϩⲁⲛⲛⲏⲥ ϫⲟⲟⲩ ⲛⲁⲥ ·

And when his father came into the house at the hour of noon she told him everything which John had said unto her.

s-75

life_john_kalybites-life_john_kal_01_s0075

ⲛⲧⲟϥ ⲇⲉ ⲁϥⲟⲩⲱϣⲃ ·

And his father answered and said, 'I will give unto him everything that he wisheth for,

s-76

life_john_kalybites-life_john_kal_01_s0076

ⲡⲉϫⲁϥ ϫⲉⲡⲉⲧϥⲟⲩⲁϣϥ ⲧⲏⲣϥ ϯⲛⲁⲧⲁⲁϥ ⲛⲁϥ ·

And his father answered and said, 'I will give unto him everything that he wisheth for,

s-77

life_john_kalybites-life_john_kal_01_s0077

ⲁⲗⲗⲁ ⲙⲁⲣⲛⲧϣⲟⲩϩⲙϩⲁⲗ ⲉⲣⲟϥ ⲛϥⲣⲟⲉⲓⲥ ⲉⲣⲟϥ ϫⲉⲟⲩϣⲏⲣⲉ ϣⲏⲙ ⲡⲉ · ⲙⲏⲡⲟⲧⲉ ⲛϥⲧⲁⲕⲟⲟⲩ · ϩⲛϩⲉⲛϩⲃⲏⲩⲉ ⲉⲩϩⲟⲟⲩ ·

but let us set apart a servant to watch over him, for he is young, lest he squander [the money] in works of wickedness.'

s-78

life_john_kalybites-life_john_kal_01_s0078

ⲁϥⲣⲁⲛⲁⲩ ⲇⲉ ⲛϭⲓⲡϣⲁϫⲉ ⲁⲩⲙⲟⲩⲧⲉ ⲉⲡⲉⲩϣⲏⲣⲉ ⲓⲱϩⲁⲛⲛⲏⲥ ⲁⲩϯ ⲛⲁϥ ⲛⲛⲛⲟⲩⲃ ·

And these words pleased them both, and they called their son John, and they gave him the money,

s-79

life_john_kalybites-life_john_kal_01_s0079

ⲁⲩⲱ ⲁⲩⲧⲉϣⲡϩⲙϩⲁⲗ ⲉⲣⲟϥ ·

and appointed a servant to attend him.

s-80

life_john_kalybites-life_john_kal_01_s0080

ⲛⲧⲉⲣϥϫⲓ ⲛⲛⲛⲟⲩⲃ ⲛϭⲓⲓⲱϩⲁⲛⲛⲏⲥ ⲁϥⲉⲓ ⲉⲡⲙⲁ ⲉⲧⲉⲣⲉⲡⲙⲟⲛⲁⲭⲟⲥ ⲛϩⲏⲧϥ · ⲛⲧⲟϥ ⲙⲛⲡϩⲙϩⲁⲗ ⲉⲧⲙⲟⲟϣⲉ ⲛⲙⲙⲁϥ ⲡⲉϫⲁϥ ⲛⲁϥ ϫⲉⲡⲁϫⲟⲉⲓⲥ ⲛⲥⲟⲛ ⲡⲉⲓϩⲙϩⲁⲗ ⲉⲧⲕⲛⲁⲩ ⲉⲣⲟϥ ⲡⲱⲓ ⲡⲉ ·

And when John had taken the money he went to the place wherein was the monk, both he and the servant who accompanied him, and he said unto the monk, 'My lord brother, this servant whom thou seest belongeth to me.

s-81

life_john_kalybites-life_john_kal_01_s0081

ⲁⲣⲓⲧⲁⲅⲁⲡⲏ ⲛⲅⲕⲁⲁϥ ϩⲁϩⲧⲏⲕ ⲛⲧⲁⲃⲱⲕ ⲉⲡⲙⲁ ⲛⲛⲁϣⲃⲏⲣ ⲧⲁϣⲓⲛⲉ ⲉⲃⲟⲗ ϩⲓⲧⲟⲟⲧϥ ϫⲉⲉⲩⲛⲏⲩ ϣⲁⲣⲟⲓ ⲧⲛⲁⲩ ·

I beseech thee to do me an act of grace, and let him tarry with thee, whilst I go to the place where some neighbours of mine are to enquire concerning a certain person who was coming to me at this hour.'

s-82

life_john_kalybites-life_john_kal_01_s0082

ⲧⲟⲧⲉ ⲁϥⲉⲓⲙⲉ ⲛϭⲓⲡϩⲗⲗⲟ ⲙⲙⲟⲛⲁⲭⲟⲥ ϫⲉⲉϥϣⲁϫⲉ ⲛⲙⲙⲁϥ ⲉⲧⲃⲉⲡⲛⲉⲉϥ ⲙⲡϫⲟⲉⲓ ·

Then the old man, the monk, understood that he was talking to him concerning the captain of the ship,

s-83

life_john_kalybites-life_john_kal_01_s0083

ⲁⲗⲗⲁ ⲛⲧⲁϥⲟⲩⲱϣ ⲉⲡⲟⲟⲛϥ ⲉⲧⲃⲉⲡϩⲙϩⲁⲗ ⲉⲧⲙⲟⲟϣⲉ ⲛⲙⲙⲁϥ ·

and that he wished to go away by himself by reason of the servant who accompanied him.

s-84

life_john_kalybites-life_john_kal_01_s0084

ⲓⲱϩⲁⲛⲛⲏⲥ ⲇⲉ ⲁϥϫⲓ ⲙⲡϣⲉ ⲛϩⲟⲗⲟⲕⲟⲧⲧⲓⲛⲟⲥ ⲁϥⲉⲓ ⲉⲡⲙⲁ ⲙⲡⲛⲟϭ ⲛⲛⲉⲉϥ ⲙⲡϫⲟⲉⲓ ·

And John took the hundred oboli, and came to the place of the captain of the ship,

s-85

life_john_kalybites-life_john_kal_01_s0085

ⲡⲉϫⲁϥ ⲛⲁϥ ϫⲉϯⲥⲟⲡⲥⲡ ⲙⲙⲟⲕ ⲡⲁϫⲟⲉⲓⲥ ⲛⲥⲟⲛ ϫⲉⲕⲁⲥ ⲉⲕⲉⲥⲃⲧⲉⲡϫⲟⲉⲓ ⲉⲃⲟⲗ · ⲛⲧⲛⲃⲱⲕ ⲛⲁⲛ ϩⲛⲟⲩϭⲉⲡⲏ · ⲁⲛⲟⲕ ⲙⲛⲡⲁⲥⲟⲛ ·

I beseech thee, O my lord brother, to make ready to sail, and let us depart quickly, I and my brother.'

s-86

life_john_kalybites-life_john_kal_01_s0086

ⲡⲛⲉⲉϥ ⲇⲉ ⲛⲧⲉⲣϥⲥⲱⲧⲙ ⲉⲛⲁⲓ ϫⲉⲉϥⲟⲩⲱϣ ⲉⲃⲱⲕ ⲛⲁϥ ⲛϫⲓⲟⲩⲉ · ⲡⲉϫⲁϥ ⲛⲁϥ ⲛϭⲓⲡⲛⲉⲉϥ ϫⲉⲁⲓⲟⲩⲱ ⲉⲓⲥⲟⲃⲧⲉ ⲙⲡⲁϫⲟⲉⲓ · ⲁⲩⲱ ⲁⲓⲟⲩⲱ ⲉⲓϫⲱ ⲙⲙⲟⲥ ⲛⲁⲕ ⲛⲕⲉⲥⲟⲡ ϫⲉⲧϩⲏⲙⲉ ⲙⲡⲁϫⲟⲉⲓ ⲟⲩⲛⲟϭ ⲧⲉ ·

And when the captain heard this, [and knew] that he wished to depart secretly, he said unto him, 'I have already finished making my ship ready to sail, and I have already told you that the passage money by my ship is high.

s-87

life_john_kalybites-life_john_kal_01_s0087

ⲁⲗⲗⲁ ⲉϣⲱⲡⲉ ϣⲁⲕϭⲱ ⲙⲡⲉⲓⲙⲁ · ϣⲁⲛⲧⲁⲧⲁⲗⲉⲡⲁⲩⲉⲓⲛ ⲉⲡϫⲟⲉⲓ ϣⲁⲓⲧⲁⲗⲟⲧⲛ ·

However, if thou wilt remain in this place until I have loaded up my vessel, I will embark thee.'

s-88

life_john_kalybites-life_john_kal_01_s0088

ⲡⲉϫⲉⲓⲱϩⲁⲛⲛⲏⲥ ϫⲉⲁⲓⲟⲩⲱ ⲉⲓϫⲱ ⲙⲙⲟⲥ ⲛⲁⲕ ϫⲉϣⲁⲓϯⲧϩⲏⲙⲉ ⲛⲁⲕ ⲕⲁⲧⲁⲧϩⲉ ⲛⲧⲁⲕϫⲟⲟⲥ ·

And John said, 'I have already told thee that I will give thee the passage money, according to what thou didst say.'

s-89

life_john_kalybites-life_john_kal_01_s0089

ⲛⲧⲉⲩⲛⲟⲩ ⲇⲉ ⲁϥⲉⲓⲛⲉ ⲉⲃⲟⲗ ⲙⲡϣⲉ ⲛϩⲟⲗⲟⲕⲟⲧⲧⲓⲛⲟⲥ ⲛⲧⲟⲟⲧϥ ⲉϥⲣⲁϣⲉ ⲉⲙⲁⲧⲉ ·

And straightway he brought out the hundred oboli in his hand, rejoicing greatly,

s-90

life_john_kalybites-life_john_kal_01_s0090

ⲁϥⲧⲁⲁϥ ⲛⲁϥ ⲉϥϫⲱ ⲙⲙⲟⲥ · ϫⲉ ⲛⲉⲛⲧⲁⲕⲧⲁⲙⲟⲓ ⲉϩⲟⲩⲟ ⲉⲛⲁⲓ ϣⲁⲓⲧⲁⲁⲩ ⲛⲁⲕ ·

and he gave them to him, saying, 'Whatsoever thou informest me [is needed] more than these I will give unto thee.

s-91

life_john_kalybites-life_john_kal_01_s0091

ⲁⲛⲁⲩ ϭⲉ ⲧⲉⲛⲟⲩ ⲉϣⲱⲡⲉ ⲡⲁⲏⲣ ⲕⲉⲣⲁ ⲕⲁⲧⲁⲣⲟⲕ ⲁⲣⲓⲥ ⲛⲙⲙⲁⲛ ⲉⲧⲃⲉⲡⲛⲟⲩⲧⲉ · ⲛⲅⲥⲉⲧⲡϫⲟⲉⲓ ⲉⲃⲟⲗ ϩⲛⲟⲩϭⲉⲡⲏ ⲛⲧⲛⲃⲱⲕ ⲛⲁⲛ ⲛϫⲓⲟⲩⲉ ·

But observe now, if by the favour of God the weather be favourable for us, thou must put out to sea quickly, and we will depart secretly.'

s-92

life_john_kalybites-life_john_kal_01_s0092

ⲡⲛⲉⲉϥ ⲇⲉ ⲙⲡϫⲟⲉⲓ ⲛⲧⲉⲣϥⲥⲱⲧⲙ ⲉⲛⲁⲓ · ⲁϥϫⲓ ⲙⲡϣⲉ ⲛϩⲟⲗⲟⲕⲟⲧⲧⲓⲛⲟⲥ ⲛⲧⲟⲟⲧϥ ⲉϥⲣⲁϣⲉ ⲉⲙⲁⲧⲉ ·

And when the captain of the ship heard these words he took the hundred oboli in his hand, and rejoiced exceedingly,

s-93

life_john_kalybites-life_john_kal_01_s0093

ⲡⲉϫⲁϥ ⲛⲓⲱϩⲁⲛⲛⲏⲥ · ϫⲉⲃⲱⲕ ⲁⲛⲓⲡⲉⲕϣⲃⲏⲣ ⲛⲅⲉⲓ ·

and he said unto John, 'Go and bring thy companion, and come [back];

s-94

life_john_kalybites-life_john_kal_01_s0094

ⲉϣⲱⲡⲉ ⲡⲟⲩⲱϣ ⲙⲡⲛⲟⲩⲧⲉ ⲡⲉ ϯⲛⲁϥⲓ ⲙⲡⲉⲧⲛⲣⲟⲟⲩϣ ⲕⲁⲗⲱⲥ ·

if it be the will of God I will take most excellent care of you.'

s-95

life_john_kalybites-life_john_kal_01_s0095

ⲁϥⲕⲟⲧϥ ⲛϭⲓⲓⲱϩⲁⲛⲛⲏⲥ ·

And John returned,

s-96

life_john_kalybites-life_john_kal_01_s0096

ⲁϥⲧⲁⲙⲉⲡⲥⲟⲛ ⲙⲙⲟⲛⲁⲭⲟⲥ ⲉϩⲱⲃ ⲛⲓⲙ ⲛⲧⲁϥϣⲱⲡⲉ ⲙⲙⲟϥ ·

and informed the brother who was a monk about everything that had happened unto him.

s-97

life_john_kalybites-life_john_kal_01_s0097

ⲙⲛⲛⲥⲁⲕⲉϩⲟⲟⲩ ⲇⲉ ⲥⲛⲁⲩ ⲡⲉϫⲉⲓⲱϩⲁⲛⲛⲏⲥ ⲙⲡⲙⲟⲛⲁⲭⲟⲥ · ϫⲉⲧⲱⲟⲩⲛ ⲛⲧⲛⲃⲱⲕ ⲉϫⲛⲧϩⲁⲗⲗⲁⲥⲁ · ⲉⲡⲉⲓⲇⲏ ⲡⲁⲓ ⲡⲉ ⲡⲉϩⲟⲟⲩ ⲉⲧⲓⲛⲁⲥⲃⲧⲉⲡⲁⲣⲓⲥⲧⲟⲛ ⲉⲛⲁϣⲃⲏⲣ ·

And after two days John said unto the monk, 'Rise up, and let us depart by sea, because this is the day whereon I ought to make ready the meal for my fellow learners,

s-98

life_john_kalybites-life_john_kal_01_s0098

ⲉⲓⲟⲩⲱϣ ⲅⲁⲣ ⲉⲕⲱⲧⲉ ⲛⲥⲁⲟⲩϣⲏⲙ ⲛⲧⲃⲧ ⲛⲁⲩ ·

and I ought to seek for some small fish for them.'

s-99

life_john_kalybites-life_john_kal_01_s0099

ⲁⲩⲉⲓ ⲇⲉ ⲉϫⲛⲧϩⲁⲗⲗⲁⲥⲁ ϩⲙⲡⲟⲩⲱϣ ⲙⲡⲛⲟⲩⲧⲉ ·

And they came to the sea-shore by the will of God,

s-100

life_john_kalybites-life_john_kal_01_s0100

ⲁϥⲉⲓ ⲛϭⲓⲟⲩⲧⲏⲩ ⲉⲛⲁⲛⲟⲩϥ ·

and a favorable wind arose,