821

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

518 Listiny archiwu někdy Olešnického

nostra sciencia eidem Jesconi hanc graciam fecimus et facimus per presentes, vt videlicet ipse vniuersa et singula bona. sua, que inpresenciarum obtinet, uel processu temporis acquirere poterit deo dante, in quibuscumque consistant, quibusve speciali- bus et expressis possint vocabulis designari, et signanter villas Lobcowicz et Mleco- gied cum vniuersis et singulis ipsarum pertinenciis, nec non et pleno dominio, prout in ipsarum villarum possessione pacifica ad presens fore dinoscitur, dare, donare, assignare et legare in vita seu in morte possit et valeat cuicumque seu quibuscum- que personis, ecclesiasticis dumtaxat exceptis, et alias de ipsis disponere, prout sibi melius, vtilius et conueniencius videbitur expedire; decernentes et auctoritate regia Boemie omnino volentes, quod talis uel tales, cui uel quibus prefatus Jesco bona sua huiusmodi dederit, donauerit seu assignauerit, ipsa bona sine cuiuscumque ho: minis impeticione, contradiccione et impedimento habere, tenere possint et valeant ac legittime possidere. In casum vero, quo dictum Jesconem absque legitimis mascu- lini sexus heredibus mori contingat, disposicione bonorum suorum huiusmodi minime consumata, extunc vni vel pluribus ex fratribus suis germanis bona sua predicta in toto uel in parte iuxta sue voluntatis arbitrium dare poterit et eciam assignare. Quam quidem donacionem seu assignacionem obtinere volumus plenariam roboris fir- mitatem. Verum si in donacione, legacione seu deputacione huiusmodi prefatus Jesco nulum penitus ex fratribus suis nominauerit seu expresserit, extunc vniuersa et sin- gula bona sua, que, vt premittitur, nunc obtinet uel in futurum acquirere poterit, ad fidelem nostrum Pesconem dictum Oczas de Zassady patrem suum, Jesconem, Herssonem, Jesconem, Jesconem et Jesconem fratres suos, directo iure successionis ve- nire debeant et deuolui. Ceterum de vberioris munificencie nostre dono volentes dicto Jesconi graciam facere ampliorem, regia auctoritate predicta decernimus, vt prefatus Jesco et heredes sui legitimi huiusmodi bona sua pro nunc acquisita et in posterum acquirenda sine impedimentis cuiuspiam habere, tenere et pacifice debeant possidere, quodque ipsis viuentibus prefato Pesconi patri et fratribus dicti Jesconis nullum penitus ius, quoad assecucionem bonorum ipsorum competere debeat quouis modo, nisi in eum euentum, quo ipsum Jesconem absque legitimis masculini sexus heredibus decedere contingeret, vt prefertur; supplentes omnem defectum, si quis racione consuetudinis regni Boemie uel sollempnitatis obmisse seu alio quouis modo compertus fuerit in premissis, quibus omnibus, in quantum presenti gracie nostre obuiare possent, predicta auctoritate regia et de certa nostra sciencia penitus dero- gamus. Presencium sub regie nostre maiestatis sigillo testimonio litterarum dat. Prage a. d. mill. trecent. octuag. quinto, die XI mensis Februarii, regnorum nosíro- rum a. Boemie vicesimo secundo, Romanorum vero nono. In plica: Per dom. ducem Thessinensem Wlachnico de Weytenmule. — Verso: R(egistrata). Bartholomeus de Noua Ciuitate. (Na listu privésena petet majestátní na prouZku pergamenovém s contrasigillem.)