Javascript seems to be turned off, or there was a communication error. Turn on Javascript for more display options.
516 Listiny archivu někdy Olešnického
lich mit diesem brief allen den, die in sehen oder horen, das wir durch sunderlicher
trewen willen, der wir vns zu dem edlen Pothen von Czastolowicz, vnserm rate vnd
liben getrewen, genczlich vorsehen, vnd die er ouch in diensten seliger gedechtniss
vnsers herren vnd vaters keiser Karles, dieweilen er lebte, nuczlichen vnd vorsichti-
clichen erczeiget vnd getan hat, vnd nemlichen das bey vnsern czeiten fride vnd
gnade in vnsern landen des herczogtums czu Luczemburg bestalt vnd besorget wer-
den, mit wolbedachtem mute vnd rechter wissen dem egenanten Pothen von Czasto-
lowicz das gancze herczogtum czu Luczemburg vnd alle vnd igliche des ganczen
herczogtums zu Luczemburg lande, slosse, stete, manscheft, vesten, czolle, bete, ren-
ten, nucze, gulten, guter vnd leute, cristen vnd juden, nichts nicht vsgenomen als
vnserm hauptman in dem herczogtum zu Luczemburg von vnsern wegen empfolhen
haben, vnd empfelhen ym die vnd geben in crafft dicz briefes demselben Pothen von
Czastolowicz als vnserm hauptman zu Luczemburg gancze vnd volkommen macht,
dasselbe herczogtum zu Luczemburg, seinelande, slosse, stete, manscheft, vesten vnd
darynn vnsere ampte vnd amptlute zubestellen, zu seczen vnd entseczen, alle vnser
czolle, bete, renten, nucze, gulte vnd guter ynzuvordern vnd vfezuheben, quittan-
czien doruber zu geben, vnd mit allen den vnsern doselbst cristen vnd juden zu
schaffen vnd zu bestellen, zu tun vnd zu lassen, vnd nemlich furbas hauptlute vnd
amptlute seczen vnd entseczen, alle vnd igliche lehen, geistliche vnd wertliche, zu
leihen, als dicke des alles oder ir igliches note geschicht, vnd mit namen alle vnd
igliche sachen des egenanten herczogtums zu Luczemburg, nichtes nicht vsgenomen,
zu schaffen vnd zu bestellen vnd doran von vnsern wegen zu tun vnd zu lassen,
wie im das allernuczlichist dunket. Vnd was er also von vnsern wegen in dem ege-
nanten herczogtum bestellet, schaffet vnd tut, das sol gancze craft vnd macht haben
in aller massen, als abe wir das selber teten. Dorumb gebieten wir allen vnd igli-
chen, epten, clostern, probsten, grefen, freyen, dinstluten, rittern, knechten, steten,
hauptluten, amptluten, czolnern, burgern, gebawern vnd vndersessen vnsers herczogtums
zu Luczemburg, in welcher adel, eren, wirden oder wesen die sein, das sie dem
egenanten Pothen als vnserm hauptmann zu Luczemburg von vnsern wegen in allen
sachen gehorsam vnd gewartend sein sollen, vnd im ouch getrewlich vnd ernstlich
helfen vnd raten gleicherweis als vns selber. Mit vrkunt dicz briefs versigelt mit
vnserr kuniglichen maiestatinsigel. Geben zu Koblencz noch Crists geburd dreiczen-
hundert jar, vnd dornach in dem virvndachezigisten jare, des suntags vor sand Lu-
czientag, vnserr reiche des behmischen in dem XXII und des romischen in dem
newnden jaren. — In plica: ad mandatum domini regis Lampr[echtus], Bambergensis
episcopus, cancellarius. — Verso: R(egistrata. Franciscus de Gewicz. (Privésen ma-
jestát na prouzku pergamenovém s contrasigillem.)
