82

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

173

bliben ane arg und ane geferde. Were ouch, daz die egenanten unsere sweger der von Miszene ader von Norenberg einer vor ehafter not zu dem tage uf den montag noch Reminiscere, alz vorgeschriben stehet, nicht queme ader komen mochte, so sal der andere under in, der zu dem tage komet, ganze macht haben uns zu scheyden und den uzspruch zu tunde, alz ab sie beide geinwurlig wern und sullen im ouch der scheidunge und uzspruche vorfolgen und gehorsam sin, glich alz sie beidersit die scheidunge und den uzspruch teten und der sal ouch darumb von uns unvordacht bliben. Wir sullen ouch je uf den tag gein Prage uf den montag noch Reminiscere ane sumenizse komen und dez tages warten, is beneme uns denne libes not. Die libes not wir ouch, ab man uns des nicht vorwiszen wil, bewisen sullen alz recht ist und wenne wir die bewist haben alz recht ist, ab man uns des nicht oberheben worlde, so sullen wir umb daz vorsumenizse unvordacht sin und bliben und so mogen unsere sweger vorginante ader ir einer, 'ab sie beide nicht geinwurlig weren, uns ein enandern tag daselbens hin gein Prage legen je noch vor osterm, die schirst komen, zu dem tage wir ouch komen sullen ane vorzog und alle sache halden alz vorgeschriben stehet, ane arg. Ouch ist getedinget, daz zu den tagen und davon wir ouch und alle, die mit uns riten, sicher.geleite haben sullen ane arg. Wir haben ouch globet und globen in guten truwen an eides stat mit diszem brife deme vorgenanten unserm lieben bruder, were daz wir sulehe scheidunge und usspruche, die unsere lieben sweger mergenante zwisschen im und uns uzsprechen werden ader ir einer uzspricht und scheidet alz vorgeschriben stehet, ergent uberfurn, vorbrechen, nicht enhilden ader nicht volzogen àder zu dem tage uf den montag noch Reminiscere, is beneme uns denne libes not alz obgenant ist ader uf den lezten tag, ab man den machen wurde, nicht enquemen, daz wir denne unserm bruder egenanten zehenthusent schog guler groschen vorfallen und im phlichtig sin sulten zu geben und im die vormachen, vorburgen und vorgewiszin sollen zu geben und zu bezalen binnen eime halben jare noch geheisze der egenanten unser lieben sweger, ader ir eins, der uf den ersten oder lezten tag komet, ane alle verczog und ane widerrede. Wir sullen ouch noch enwollen unsere burgen bis uf den tag, dez wir zu Prage warten sullen, nicht manen noch in keinewis anreden ane ‘arge und ane geferde, wie uns ouch die mergenanten unsere lieben swegere der marcgrave von Miszin und der buregrave von Norenberg ader einer, ab sie beide zu dem tage gein Prage uf den montag noch Reminiscere ader uf den lezten tag, ab der gemacht worde, nicht komen mochten alz vorgeschriben stet, mit unserme bruder vorgenant scheiden und zwisschen uns uzsprechen, die scheidunge urid uzspruch sullen und wollen wir unserm lieben bruder vorgewiszin und vormachen zu halden und zu vol- zihene, wie und uf welche zit daz unsere lieben swegere von Miszin und von Nornberg dickegenant ader ir einer uns daz heiszin, vorgewiszen und vormachen und sullen und wollen ouch daz thun ane vorzog und ane widerrede. Daruf sint wir mit dem egenanten unserm lieben bruder genzlich gesunet und habin im ouch in geinwertikeit vil hern und unser freunde eine rechte sune globet und globen im ouch die mit diszim brife in guten truwen vestiglich und genzlich zu halden ane arg und ane geferde vor uns, 'alle unsere helffere und vor alle die, die mit uns und dorch unsern willen gein im in fede komen und