82

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

81

97.

Markgraf Jodok schenkt den Karthäusern in Dolein seinen Besitz in dem Dorfe Palonin. . Dt. Olmüts 3. Juli 1892.

3 Jodocus dei gracia marchio Brandemburgensis, sacri Romani imperii archicame-

rarius, marchio et dominus Moravie. Notumfacimus tenore presencium universis, quod cum precipue inter omnia opera humane negociacionis pre oculis habeamus, qualiter salutem nostram, quam interdum iuxta inbecillitatem condicionis nature fragilis et caduce propria culpa negligimus, saltem intercessione aliorum, ne aput vineam dominicam stemus ociosi, omnino in conspectu altissimi restauremus, oculos deliberacionis interne ad fratres Carlhusienses convertimus, qui spretis huius seculi ornamentis sub strictura clausure, veste tecti hispida, cibo asperrimo et hoc moderatissimo pro sustentacione vite pocientes devotarum oracionum in odorem suavitatis pro peccatis non solum suis, sed universi populi christiani supplices diebus et noctibus pinguia offerunt altissimo holocausta: quo circa ut oracionum ipsorum et bonorum operum-simus participes religioso ac honorabili fratri Stephano priori et toti conventui ac eorum successoribus nove plantacionis nostre domus Vallis Jozaphat, virginis gloriose Marie, ordinis Carthusiensis in Dolan prope Olomucz et gloriosi Jeronimi doctoris eximii, ubi struendi templi seu ecclesie gracia per se primum lapidem iniecimus fundamento, curias nostras in villa Palonyn sitas, cum agris cultis et incultis, pratis pascuis silvis rubetis aquis fluminibus et singulis aquarum decursibus, ad easdem curias ab antiquo tempore pertinentibus, cum plenis jure et dominio, quemadmodum easdem curias in.suis limitibus et terminis, ab aliis bonis circumadiacentibus distinctis, olim felicis memorie illustris dominus Johannes marchio Moravie, genitor noster tenuit et habuit suis peccuniis comparata, dedimus, donavimus et virtute presencium animo deliberato ac de certa nostra sciencia damus donamus, per ipsum priorem ac conventum ipsius el eorum successores perpetuis temporibus jure here- ditario tenenda habenda fruenda et eciam possidenda. Et possessionem omnium bonorum illorum eis niox dedimus, ut hec nostra donacio robur validius acciperet firmitatis. Mandamus igitur camerario czudario et notario nostre czude Olomucensis officialibus fidelibusque dilectis, ut omnia bona ista iuxta tenorem presentis littere, dum primum tabule terre in Olomucz aperte fuerint, ipsis tabulis more patrie sine alia requisicione mox visis presentibus inscribant pleniter et inponant. Presencium sub nostri appensione sigilli testimonio litterarum. Datum Olomuez anno domini millesimo trecentesimo nonagesimo secundo, lercia die mensis Julii.

(Orig. Perg. mit anh. markgr. Sig. im m. Landes-Archiv. Art. Olm. Karthiiuser. — Auf der Plicatur: De mandato domini marchionis decanus Olomucensis Andreas. Vid. Dobn. Mon, IV. 383. Pez. cod. dipl. II. 93.)

11