Javascript seems to be turned off, or there was a communication error. Turn on Javascript for more display options.
391
433.
Die Dominikaner in Brünn erklären, dass sie vom Nonnenkloster Herburg in Brinn einen
Lahn in Birnbaum erhielten, wofür sie sich verpflichten, für die Nonnen einen Beichtvater
zu bestellen und die Oblaten zu liefern. Dt. 28. October 1397.
Mos Jacobus de Antiqua Brunna, protunc prior, Petrus dictus Prepositus subprior,
Mathias lector, Johannes de Auspecz, Martinus Wilde, Wenczesslaus sacristanus, Nicolaus
Albus, Marcus Wenczesslaus caldareator et ceteri fratres seniores totusque conventus monasterii
sancti Michahelis, ordinis Predicatorum in Brunna, Olomucensis diocesis, tenore presencium
universis recognoscimus tam presentibus quam futuris, quod animo deliberato, ac de certa
nostra sciencia, prius inter nos capitulariter masticato, necnon de consensu et bona voluntate
venerabilis patris Nicolai, provincialis nostri ordinis per Boemiam et Moraviam, super hoc
diligenti ruminacione prehabita, propter laneum agrorum et omnibus suis pertinenciis (sic),
cum una curlicula in villa Pirpawm prope civitatem Nawssadlicz situatum, nobis et con-
ventui nostro predicto a religiosis in Christo virginibus monasterii beate Marie virginis ad
Herborgas in Brunna libere datum et condescensum, prout in litteris sub sigillis priorisse
et conventus earum nobis desuper datarum (sic), lucidius continetur; e contra virgines
easdem et earum conventum a tribus modiis, uno videlicet tritici, secundo siliginis et tercio
avene, quos nobis et conventui nostro priscis temporibus censuare annis singulis consue—
verunt, ab ipsis modiis libertavimus dimisimus et virtute presencium libertamus, nichil ab
ipsis, que nunc sunt et a posteris earum, que pro tempore fuerint, postulare nec quidquam
peramplius exigere volumus in eternum. Promittentes insuper bona nostra fide, omni dolo
et machinacione cessantibus, pro nobis et omnibus successoribus nostris prefali nostri
monasterii unum idoneum et discretum fratrem a conventu nostro predicto cum uno socio
ad audiendum confessionem prenominatas virgines tociens, quociens necesse fuerit, seu per
easdem virgines vel nunccios eorum fuerimus requisiti, nullam in hoc negligenciam committentes.
Altendentes eciam, et iusta meditacione pensantes, ne error ab orthodoxe fidei et negligencia
in ecclesia dictarum virginum committantur, oblatas puras et mundas pro sacrificio divini
numinis ipsis, ad earum necessitatem, quando indiguerint, absque omni negacione et temporis
protraccione dare volumus et debemus. Ila expresse, quod nullus prior et sacristanus, seu
quorum interest, qui protunc existunt, iuxta requisicionem earum hoc habeant recusare. In
quorum firmum testimonium et maioris roboris firmitatem sigilla nostra prioris et conventus
ac patris Nicolai, provincialis nostri racione consensus predictorum, presentibus literis: sunt
appensa. Datum anno domini millesimo trecentesimo nonagesimo septimo, in die beatorum
Symonis et Jude apostolorum.
(Orig. Perg. mit 3 anhang. Sig. im mährischen Landes-Archiv Art. Brünner Jesuiten
lit. B/b Nr. 7.)
