69

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

339

gratie sue donis et insignioribus illustratur, decens et congruum estima- mus, ut ad imitationem illius, qui omnibus dat et nulli improperat, illi nostra benignitas gratiosior atque benignior semper illuceat, qui nostro beneplacito voluntatis cum maiori libertate et promptitudine se conformat. Hinc est, quod cum illustris Ofogarus Boemorum rex nullius gratificationis muneribus, sed proprie duntaxat virtutis et liberalitatis instinctu pellectus liberaliter ad nostri cultum dominii sit conuersus, et promittat legaliter se deinceps nostre deuotionis obsequiis, et mandatis coustanter et fideliter adhesurum; nos ipsum ob hoc condignioribus honoribus, et gratioribus beneficiis prosequi cupientes; nosse vos volumus uniuersos quod eundem regem de principatibus Regni Bohemie, et marchionalus Morauie, ac omnibus feudis dictis duobus principatibus attingentibus, quos et que clare memorie pater et progenitores eiusdem iuste et rationabiliter ab imperio tenuerunt authoritate presentium inuestimus, eique dictos princi- patus et feuda simpliciter authoritate regia confirmamus. Et quia non multum gratie tante potentie et claritatis viris per ista videmur impen- dere, que constat claros progenitores suos officiosis laboribus, et gloriosis actibus meruisse; nos ipsum pro sue deuotionis meritis plenius et insignius honorare volentes eidem regi et suis legitimis heredibus, qui ei in bonis feudalibus secundum ius et consuetudinem sacri imperii de iure poterunt, et habebunt pro nobis et nostris successoribus imperatoribus et regibus Romanorum illos duos nobiles principatus, ducatum videlicet Austrie, et marchionatum Stirie ad manum imperii et ad nostram de iure libere deuo- lutos cum omnibus feudis ad dictos duos pertinentibus principatus ab omni imperio debitis et consuetis teneri integraliter et simpliciter in feudum concedimus, eique et huiusmodi suis heredibus in perpetuum presentis scripti patrocinio stabilimus, ab ipso et suis heredibus quemadmodum est prescriptum iure et titulo feudali perpetuo possidendos. Nulla igitur per- sona sublimis vel humilis, ecclesiastica vel mundana presumat huius nostre inuestionis, confirmationis et concessionis nostre paginam infringere, vel ei ausu íemerario contraire; quod si quis fecerit, ipso facto se nouerit bannum imperii, et nostre offensam celsitudinis incurrisse. In istorum autem omnium testimonium et euidentiam pleniorem,. presens scriptum exinde de- scribi, et sigillo maiestatis nostre iussimus communiri. Datum Aquisgrani 43%