103

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

458 Urfunden zum Jahre 1427.

ex

20

30

35

das die stat von Eger einen brieff schrib den Sechs steten, des ausschrift ich euch selbir ausgeschreben habe und Erhart eurem diener geantwort habe, die meynunge ir wol vornemen wert. — Item wisset, lieben herren, das, das wir an dem sontage in die Bartholomei [August 24] zogen von Dresden und Hannus von Polenez und lant und stete zoge uff den Stolpen zu dem genedigen herren her Johannes Huffeman . . .!) bischoffe und bleben do obir nacht. Alzo an dem montage noch Bartholomei [August 25] quam hir Birke von dem Hoensteyne uff den Stulpe, mit dem quam [Langelheyncze, der gewest ist bie ern Reynhart von Prage zu Preslaw . . .!) vor und rette mit mir, wie das er euir weysset hetten in an . . .1), des euch der edle hirre her Birke von dem Hoensteyne dorumb geschreben hatte und im noch nichtes antwort dovon wurden were. Und sagete mir, das er

5 den von Nwrenberg geschreben hette, das nymant sin gut zu

der von Breslaw gut laden sulde, alzo das ich wol vornemen mochte, er brechte die stat zu Preslaw gerne zu schaden. Das brochte ich von euirtwegen an meynen gmnedigen herren den erwelten bischoffe und an Hannus von Polencz und an lant und stete. Also retten sie mit her Birken vom Hoenstein und mit Langeheinczen, das er der stat zu Preslaw keynen schaden nicht zuzoge, man horte denne auch der stat von Preslaw antwort.

Und ich bat er Birken vom Hoensteyne und auch Heynczen, das .

sie die sachen gutlichen lisen stehen waz?) uff Michaelis [Septemb. 29], so welde ich indes her Birken von dem Hoensteyne selber eine antwort brengen und Heynczen. Das er allis ausslug. Also sagete Hannus von Polencz mit der lant und stete rat: Wisse, Langeheyncze, das die stat Breslaw unsers genedigen herren des koniges ist und hir Birke von dem Hoensteyne auch sin man ist un getrauen im wol, das er dorzu nicht behulffin ist, das du keynen zugriff uff der strossin tuhist, sundir zint dem mole, das du meynest, die von Breslaw zu feden, so sage wir dir auch uff, das du in den Sechs steten auch nicht salt sicher vor uns sin und auch in dem selben lande. Item tuhe ich euir weyssheyt zu wissen, das ich Hannus Polenez desen tag bat zu Budissin, das er schribe dem houptmanne kein Dresden und ouch dem rate und ich schrib in auch in eyme brieff, das sie

l| Das Papier ift ausgeriffen. ?) f. oben S. 455, 17.