Javascript seems to be turned off, or there was a communication error. Turn on Javascript for more display options.
bulles à tous aultres princes et gens de quelque estat que ils soient,
que à mon dit seigneur le duc ils obeissent en ceste partie et à l'aide
de Notre Seigneur y fera le bien et prouffit de la chrétienté et aussi
son honneur.
Item et aprés ce sera remonstré par lesdis ambassadeurs, que
pour les grans guerres que mon dit seigneur le duc a longuement
soustenues pour cause de la mort et murdre perpétré en la per-
sonne de feu monseigneur le duc Jehan, que Dieux pardoinst, et
depuis celles qu'il lui a convenu soustenir pour garder ses héritages
és pays de Henau, Hollande et Zellande, il a moult grandement
frayé et despendu. de sa chevance, et combien qu'il ait telle et si
bonne volenté que dit est, toutes voyes il ne porroit pas mettre
sus hastivement tout à ses despens telle puissance de gens que
à ceste entreprinse appertient, pourquoy lui est nécessité de avoir
l'ayde de notre dit Saint Pére et de l'Eglise.
Item et pour la cause dessus dicte, mon dit seigneur prie à notre
dit Saint Pére que, pour haster et advanchier la besoingne de la
chrétienté et son armée, il lui vuelle prester la somme de etc...
laquelle notre dit Saint Père puet recouvrer par toute la chrétienté,
car nul ne doit prétendre excusation en tel cas. /
Item, dire à notre dit Saint Père que, à l’ayde de Notre Seig-
neur, mon dit seigneur le duc menra en ceste armée une grant et
notable puissance, c’est assavoir de III à IIIIM gentilshommes et IlIIM
hommes de trait ou plus, et espoire que il menra gens de tel estat
qu’il se trouvera bien puissant de XV mille combatans ou plus.
Item, que notre dit Saint Père vuelle envoyer aucun notable prélat
en légation ou royaulme de France en la partie de l’ obéissant du
roy notre seigneur, et en oultre ès pays de Savoye, Bretaigne, Bra-
bant, Liège, Namur, Hollande, Zellande, Henau et la conté de Bour-
goingne, pour par icelluy légat assambler les princes et prélas de
par decà, pour ensamble adviser tout ce qui sera expédient pour
la conduite de ceste sainte entreprinse, tant en finance comme aul-
trement.
Item, apporter par ledit légat lettres de notre dit Saint Père
à monseigneur le régent du royaulme de France, duc de Bethfort,
et les gens des trois estas dudit royaulme soubs son gouvernement,
requerrant instamment icellui seigneur que il vuelle secourir à la
chrétieneté et se employer a l’ encontre des dessus dis hérittes en
la compaignie de monseigneur le duc de Bourgogne, son beau frere,
en délaissant toutes aultres choses, et le induire que pour le bien
de la chrétieneté, il se vuelle emploier en sa personne, et porroit-on,
a) Vacat.
91
