Javascript seems to be turned off, or there was a communication error. Turn on Javascript for more display options.
Jehanne Fourdine disoit que l'eauwe benoite n'est de aucun plus
grand éffet que l'eauwe d'un puch, condempne VII ans.
Jehenne Rose, femme dudit Simon Becquet, qui soustenoit que
le sacrement de l'autel que le prestre celebre n'estoit rien que abus,
condepne sept ans.
Guillaume Lancrin pour avoir non creu le Trinite et que Notre
Dame avoit eu plusieurs enfants avant Notre Seigneur Jhesu Christ,
condempne XV ans.
Jacques Becquet, fils dudit Simon, pour avoir este asseure plusieurs
heresies par especial que l'eauwe benoite n'est que abeuserie creu,
condempne IX ans.
Jehenne Becquet, fille dudit Simon et seroeur dudit Jacques,
pour avoir publié, oy dire, creu que les messes de Requiem ne
valoient rien aux trespasses, que le sacrement de la messe n'est
qu'abus, a este condempne XII ans.
Tassart Fourdin qui avoit un livre par lequel il ne croioit point
au sacrement de l'autel, que l'eauwe benoite est abbus, fut con-
dempne a mettre ce livre au feu et ars devant lui, a XV ans en
cartre.
Giiles des Angniaulx pour avoir jure fraternite de heresie avec ses
compagnons de non accuser l'un l'autre, porte un livre heretical
lequel de nuit il lisoit aux assemblees qu'ils faisoient pour eulx
mouvoir, et creu les choses dessus dites, fut condempne a mettre
le livre au feu de sa main ars devant lui, et en cartre perpetuelle,
au pain et l'iauwe de doleur.
Jehan Fourdin pour avoir dit qu'il n'y a saint ni saintes au
paradis, que la croix vraye n'est que un gibet, qu'on ne doit point
faire le signe de la croix ni le honorer, condempne comme le precedent
et les deux condemnes perpetuellement leurs biens confisquiez.
Apres laquelle condempnation faite contre les dessus nommes
qui s'estoient revocquiez et prie de grace, fu mi a ceulx et a chacun
d'eulx, excepte les deux condempnes perpetuellement, croix gaune
et attachiez a leur poitrine devant et derriere et ledit Monseigneur
l'evesque et l'inquisiteur De Ramons les bastirent sur la tete,
disant chacun escriptures par maniere de punition.
S'ensuit les noms et les causes des condempnes a mort pour ce
que autrefois avoient encheri qu'ils soustenoient leur mauvaisetie.
Pierre des Catoirs qui soustenoit la croix estre un gibet, qu'on
n'y debvoit faire nulle reverence et que Notre Dame avoit eu
plusieurs enffans qu'on ne le devoit rient honorer.
Jehan de Baillon qui avoit parle contre Notre Seigneur et Notre
Dame.
73
