Facsimile Lines

103

Page

[1]	or
[2]	20
[3]	1
[4]	z
[5]	85
[6]	Urkunden zum Jahre 1425. 175
[7]	der zwischen uns gelegit ist worden von beiden teilen, und
[8]	were ymand, der seinem gefangen nicht gleuben wolde, derselbe
[9]	solle in ausgeben uff erbere burgen uncz zu der obgenanten zeit
[10]	noch geheysse der houptleute von beiden teilen in demselben
[11]	creisse gesessen.
[12]	Item were is sache, das ymand aus uns in desim berednisse
[13]	adir durch desir berednisse willen gefangen wurde, umb ledigunge
[14]	desselbin sollen wir alle mitenander getreulich mit allem unserm
[15]	fleysse sten, wie wir in adir sie aus dem gefenknisse ledig und
[16]	loz machen mochten. Item wer is sache, das!) in desen bered-
[17]	nissen kein?) haus, festen adir stat ymant aus uns adir der
[18]	unsern dirloffen?) adir mit listen. gewunnen adir berant wurde,
[19]	denne alzuhant an seumnisse alle mitenander off sollen seyn
[20]	unde uns bestendiclichen und getreulich helffen sollen wider
[21]	solich argelist, eyner des andern nicht beitende*), wen wir das
[22]	gewor adir dorumb besant wurden; unde sunderlichen were is
[23]	not der stat Prage zu hulffe komen widir die egenanten arge-
[24]	listen; und das?) sie dorumb besant wurden, denne alle dinge
[25]	lossende sollen wir in bereit seyn mit allir unsir macht an allen
[26]	verzok unde widerrede, das diselbe houptstat mochte behalden
[27]	werden ganz unde unvorseret in seynir ordenunge.
[28]	Jtem das diez land zu Behmen von manchirleye muncze
[29]	"wegen, dy vorzeiten entstanden seyn, nicht vorterbit und vorfurt
[30]	werde, zo haben wir uns voreynt und yn craft dis brieffes eyn-
[31]	trechticlichen gewilkurt und gefunden durch des gemeinen nuczes
[32]	willen und das sich dasselbe land wider bessere und zuneme,
[33]	das eyn Behmisch groschen unde phennynk, der uff dem Perge
[34]	geslagen ist, Pragische muncze gut silbryn und rechtfertik mit
[35]	eynem ordenlichen zusacze des iczenden slages und auch, der
[36]	vor zeyten bey kunig Wenczlaw selegir gedechtnisse unde seynem
[37]	tode rechtfertig und silberyn gemacht ist unde gemeineclich
[38]	gegangen ist und genomen, unde das eyn solicher groschen unde
[39]	pfennynk von eynem iczlichen umb allerley kauffmanschacz an
[40]	widirrede uff allen merkten und handelungen sal eintrechticlich
[41]	genommen werden, wir alle herrn, ritter und knechte und stete
[42]	T) Es folgt hier in der Vorlage wir.
[43]	2) irgend ein.
[44]	8) überfallen.
[45]	4) wartend.
[46]	5) merit,

Text view • Facsimile