52
wol um mitternacht in sundre hewser und voreinten sich mit ein ander, wider die ander
gemeyn zu sten; do der Rat des gewar wart, daz si besundre rete hetten und machten,
da sant der rat zu in, daz aus iczlichen hantwerk die eldern zu in kemen. Des wolden
di vorgenanten funf hantwerk nicht gehorsam sein, und kamen und prachten mit in den
haufen vil volkes, dacz mit der stat nichtes leydet und ruften zu in die vir gemeynen
und fragten si, ob si bey in sten wolden oder nicht? Do bedochten sich di vir gemein
und sprachen zu in: ]r herren, wir seyn erkoren worden von dem rat und von der
ganzen gemein euren gemeinen nucze suchet der stat; do hab wir recht peyzusten, und
der furmunde sey wir. Do diselben hantwerk horten, dacz di vir gemeinen auf iren leyl
sunderleich nicht sten wolden, do traten si zu hauffen und rekten auf und gelobten zu hauffen
zu sten wider die andern gemein und schrien offenbar: ab ab di vir gemeinen, wir wollen
ir nicht haben und schmechten di vir gemeinen und wolden si abgesaczt haben. Und do
ellich under in vorstanden, daz si unrecht getan hetten, do wurden si zu rate und vor-
pulen under in bei leib und bei gut, daz keiner von in tret, wen si zu same gelobt und
auf gerackt hetten und wer von in tret, den wolden si zu stucken zu hauen. Dornoch
liffen si an di stubtür, do richter und scheppen und di vir gemeinen innen beschlossen
worden und slugen und stissen mit frevel an die tür, dacz man si must ein lassen und
legten den richter und den rate und auch den vir gemeinen und alle, di zu den rechten
gehoren, sulche smacheit an mit iren ungehorsamkeit, di, sider die stat gestanden ist, piderben
leuten ni beweiset und ungehort ist. Und die sache ist auch sunderlich beschriben zu einer
warnung und zu ein ewigen gedechtnuss allen reten, die zukunftüg werden, wen wir
obgenante scheppen eigentlich derfarn haben, daz der tuchbereitter hantwerk der
sache aller ein ursach und ein anevank ist gewesen, und die andern hantwerk dorzu
pracht hat. Und piten wir vorgenante scheppen alle zukunflige rete, daz si die geschicht
geschriben lassen sten zu einer ewigen gedechtnuss und warunge allen künftigen reten,
daz das also bewart wert, daz sulche ungehorsamkeit von den vorigen hantwerken und
von andern lewten nymer geschehe. Doch sint etliche des tuchbereitters hantwerk bei den
sachen nit gewesen, von erste hensel Rohoser und Jakob Rorwolf, die zu den zeiten in
dem rate und unser mitgesworne sein gewesen und Nikusch Plumler, der einer was der
vir gemeinen.
(Cop. in der Bolek'schen Slg. im m, Landes-Archive Nr. 8268.)
64.
Peter Weiss von Zlabings, Kaplan in Neuhaus, stiftet ein Anniversar. Dt. 6. Jinner 1392. s. l.
Ich Petrus der Weiss vom Czlewingz und kaplan zum Neunhaus und ich Hansel
der Waizz sein pruder und ich Dorothea Nikleins dez Waissen wittib, dem got genad,
wir veriechen offnleich an den prief, daz wir dy vleischpanch, dy gelegen ist zum nachst
dem Rotlein, geben haben zu einen ewigen selgeret und iartach nach erber leut rat Niklas
