356
zogelich werde: zum ersten ern Johanse von der Lipen fumff hundert schok und sechs
schok, Hanse von Wethow druthalbhundert schog, Henriche Schelmberg zweihundert schok
und drisig schog, Bohusen von Schevall sechezig schog, Ulriche von Lewnow sebin und
nunynzig schog, Johanken von Dirnho hundert schog, Miklasche von Rohezowa zweiund
sebinzig schog, Albrech von Gurewicz anderhalbhundert schog, und Derhlan von Stahla
hundert schog und fumff und dreisig schog, allis guter Bemischer groschen Prager muncze.
So umbe Dirskrai gnant Buben habin wir gescheiden und ausgeszprochen, sinddemmale sin
vater und er unsers hern des konigs amptman gewest und er noch ist, wann er im
gerechend, blibet im denn unser herre der konig von der rechnunge icht schuldig, das
gibt er im billich. In dise richtunge und sune sein auch alle andern, wie die genant sin,
mitte gezogin und begriffen, die durch iren willen entsagit habin und in die fehede komen
sin umb die selbin, und die obingeschrebin Jan und Albrecht gebrudere von Kolowrat,
Miklasch von Czestinakostela Peschik von Strestes, Hroch von Knyezicz und Sdenke von
Doamyle habin wir auch gescheiden und uzgeszprochin als hirnach geschrebin stehit:
welcher undir in zu unserm herre dem konige schulde hat, wez er in doran bekentlich
ist, das schal er in haldin und gehin lasen, wes in aber unser herre der konig daran
nicht bekentlich ist, des sullen sie in erinren mit seinen brieffen, adir mit seinen reten
zwen ader dren, den darumbe wissentlich ist. Ouch umb die fredebruche, di binnen frede
geschen sin, die sal ein iderman ousrichten, den man darumb anreicht, und beschuldiget.
Ouch sullin alle gefangin uf beidesiten ledig und losz sein. Ouch' umb die stutpferde di
dem Herdegen genumen sint, die sullen die wedirgebin, die sie genumen haben. Und
domitte soll alle unwille zweitracht und fehede zwiszen unserm herren dem konige und
den obgenanten von der Lipen und seinen helferen und gesellen vorgeschriben, und ouch
mit allen. anderm, di durch iren willen entsagit habin und unsern herren den konig irer
schulde, der er nicht bekente mit briffen oder mit seinem rate erinren sollen, als oben
geschriben stehit, gesunet gericht und allerdinge hingelegit sin, und sie sollen vurbas mer
keine vorderunge noch manungen an unserm herren dem konige, seinen landen und leuten,
noch unser herre der konig an in noch an den iren bedirsit haben noch thun, noch thun
lassin von der sache wegin, noch di brichte sache gein einander uffruchken in arge in
dheineweis. Des zu bedeuchtnisse habin wir unsir insigeln bei einandir wissintlichen an
disen brieff lassin hengin, der geben ist zu Prage noch gotis geburte dreizenhundert jar,
dornac in dem sebin und neunzigstem jare am dinstage noch dem suntage in der vasten
als man singel Judica.
(Abschrift aus dem in Wien befindlichen Originale mitgetheilt vom kónigl. bóhm. Landes-
Archive.)
H
I
1
3
