82

305 .

teile und der unsern klage, vorderunge, schaden und gebrechen, die wir am beiderseit denselben scheidleuten irer zwein oder einem beschreben geben, odir zu wissen tun sullen, und denne beider teile solche klage, vorderunge und antworte itwerdes teiles dem andern teile widerumben senden vorschriben, odir zu wissen tun und anderweite antworte horen dorumben von uns am beiderseit. Und ab ein teil under uns seine antworte vorsaumete und die den scheideleuten nicht beschreben gebe odir zu wissen tete,. wir beide obgenante bisschoff oder der marggrave weren innewendig landes oder nicht, so sullen jo die vorgenanten scheidleute aussprechen mit dem rechten, ab si wollen, oder mit fruntschaft mit unser beider guten willen, des wir denselben scheidleuten ganze macht geben von rechter wissen in krafft dicz brives; und was die obgenanten scheidleute, als vorgeschreben steet, aussprechen und wi si uns entscheiden und die bussen und penen doruber vorsichern heissen werden mit iren offenen besegillen briven, mit iren anhangenden insegiln uff par- myte geschreben, das sollen, wollen und geloben wir obgenanter Niclas bisschoff zu Olomuncz und auch wir obgenanter Jost Marggrave zu Merhern vor uns und alle die unsern, unser iclicher dem andern und auch den obgenanten scheidleuten bei unsern guten treuen und eren und bei vorlust und bezalunge der egenanten bussen und penen sechs tausent mark, dieselben summen geltis ein teil undir uns dem vorgenanten bisschoffen und marggraven, das den aussproch der egenanten herren Peters von Sternberg, Erharts von der Cunstat und Pelers von Crawar, odir irer zweien nicht hilde und volfurte, dem andern teile undir uns, das den aussproch hilde zu geben und zu bezalen vorfallen sin sal, uff soliche zil, tage und zeit, als das die vorgenanten scheidleute in irem aussproche und entscheids briven entscheiden, machen und aussprechen werden. Were auch sache, das dheinerlei infalle oder zweifel von wegen des vorgenanten aussproches hernochmals in kunftigen zeiten uff irstunde odir geschege, solchen infall oder zweifel zu leutern, zu erkennen und aussprechen, geben wir vorgenanter bisschoff Niclas zu Olomuncz und auch wir obgenanter marggrave Jost zu Merhern unsere folle und ganze macht den obgenanten scheidleuten allen dreien odir iren zweien undir in, und was die doruber leutern, erkennen, machen und aussprechen werden, das sullen und geloben wir bei unsern guten treuen und eren und auch bei vorlust der egenanten bussen und penen unser iclicher dem andern ganz, stete und unvorrucket zu halden, zu tun und zu volfuren ane alles geverde. Und des zu urkund haben wir obgenanler Niclas bisschoff zu Olomuncz unser ingesegil mit unsern rechten wissen an diesen brieff heisen hengen. Der geben ist zu Meilicz am mantage nach sante Margarethentag. Noch Cristus geburt dreizenhundert jar und dornach in dem sechs

und neunzigistem jare. (Orig. Perg. mit anh. Sig. im m. Landes-Archive. Nr. 198 Misc.)

39