272
et grauaminis, tam ab hiis, que uulgariter dicuntur Narok seu swode, guam
ab hiis, gue uocantur Narez aut Nozleh, et a retibus ad uenationem du-
cendis, et a uictualibus canibus dandis ac ipsorum custodibus, qui Holoti
uocantur; ab eo etiam, quod dicitur Ozzep, atque a sex denariis, quod
dicitur Seztne, qui dari debent magistro uenatorie dignitatis. Statuimus
etiam, ne homines memorate Ecclesie grauentur in hoc, quando aliquis
occisus seu strangulatus fuerit, quod materna lingua: Hlaua nuncupatur;
siue se inuicem seditiose uulnerauerint, siue a latronibus uulnerentur, quod
dicitur Ranniz, liberi sint et absoluti, abbati tamen de culpis huiusmodi
responsuri. Si uero aliquis hominum dicte Ciuitatis et Ecclesie suspensus
fuerit, uel suspendendus, quod Wiseleh dicitur Boemice, ipsos penitus de-
cernimus absolutos, arbitrio abbatis nichilominus relinquentes, vi pro hiis
et aliis culpis homines suos pena debita puniat, in usus monasterii, quic-
quid ex culpa prouenerit, conuertendo. Decernimus etiam, quod, quicquid
emolumenti uel utilitatis de molendinis prefate Ecclesie prouenerit, abbas
dumtaxat et nullus alter recipere teneatur. Ad maiorem preterea nostre
liberalitatis concessionem omnia priuilegia predicte Ecclesie a nostris ante-
cessoribus pia consideratione concessa, siue sint realia siue personalia, ad
res seu iura pertinentia, dummodo appareant in prima figura et autenticis
sigillis sigillata, non uitiata, non cancellata, non in aliqua sui parte abolita,
rata habemus et firma, et ea auctoritate presentis scripti confirmamus,
nolentes illa tractu temporis a maliuolis aliquibus ausu temerario uiolari.
In cuius rei testimonium presentes litteras supra dicte Ecclesie pro memoria
prefatorum omnium sempiterna concedimus, sigillorum nostrorum munimine
roboratas, testibus, qui aderant, subnotatis: Bawarus, Camerarius regni
Boemie. Gerossius, Castellanus Pragensis. Chez, iudex terre. Cezama de
Costumlath. Poto de Bodensten. Vlricus de Dudleu. Stiborius de Loschan.
Zawiz, et alii quam plures. Actum Prage. Anno domini M. CC. LVIIII.
Datum per manus magistri Arnoldi, Prothonotarij. Sexto Kalendas Augusti,
apud Pragam.
Ex originali cum sigillo illaeso in archivo ejusdem monasterii.
