69

244

Iunii. Anno domini Millesimo. Ducentesimo. LVII. consecrationis nostre

anno decimo.

Ex originali in archivo monasterii Ti$iowicensis.

CCLVL

Alexander pape IV. ad petitionem fratrum Minorum Boémiae, Poloniae et Austriae praedicantium verbum crucis inhibet, ne quis cruce signatos a voto absolvere praesumat. .Dt. Viterbii, XVI. Kal. Julii, 1257.

Alexander episcopus seruus seruorum dei. Dilectis filiis . . Ministris et aliis fratribus Boemie, Polonie, et Austrie, predicantibus verbum crucis, ordinis fratrum Minorum, salutem et apostolicam benedictionem. Lecta nobis vestra petitio continebat, quod licet vos de mandato apostolico contra Litwanos et latuerzanos et alios paganos illarum partium predicaueritis verbum crucis, et ad exhortationem vestram multi fideles signo viuifice crucis assumpto proponant in breui contra Paganos eosdem cum dei ad- iutorio proficisci: quidam tamen potius ardore auaritie, quam pietatis zelo succensi, nonnullos de crucesignatis eisdem obtentu pecunie, quam ab ipsis recipiunt, a voto crucis absoluunt pro sue libito voluntatis, asserentes se habere super hoc a Sede apostolica potestatem; propter quod huiusmodi negotii prosecutio in dispendium Christiane fidei non modicum impeditur. Quare fuit ex parte vestra nobis humiliter supplicatum, ut super hoc pro- uidere de opportuno remedio curaremus. Nos igitur vestris supplicatio- nibus inclinati, ne quis de cetero crucesignatos eosdem absque nostro speciali mandato taliter absoluere presumat, auctoritate presentium distri- ctius inhibemus. Nulli ergo omnino hominum liceat, hanc paginam nostre inhibitionis infringere, vel ei ausu temerario contraire. Si quis autem hoc attemptare presumpserit, indignationem omnipotentis dej et beatorum Petri et Pauli apostolorum eius se nouerit incursurum, Datum Viterbii, XVI. Kalendas Iuli. Pontificatus nostri anno tertio.

Ex autographo Regesto Alexandri papae IV. anni III. epist. 346. in ta- bulariis Vaticanis. — Exc. apud Wadding — T. IV. pag. 454.