69

240

non obstante si religiosis quibuslibet, quod causarum vel negotiorum com- missiones minime teneantur suscipere, quodque excommunicari vel interdici aut suspendi nequeant, a Sede apostolica sit indultum. Sed quia in tam graui crimine cum multa oportet cautela procedi, ut in reos sine ullo pro- feratur errore dure ac digne seueritas ultionis, volumus et mandamus ut vos, vel quos ad hoc duxeritis deputandos in examinatione testium, quos recipi super crimine predicto ipsumque contingentibus oportuerit, adhibeatis vobis duas religiosas et discretas personas, sub quarum presentia per viros idoneos fideliter eorum testium deposita conscribantur. Ceterum cum aliqui. fuerint. iudicandi heretici, vel incarcerationis pena perpetue alicui pro huiusmodi crimine infligenda, ad id te diocesanorum vel vicariorum suo- rum si ipsi diocesanis absentibus presentes fuerint consilio procedatis, ut in tante animaduersionis iudicio non postponenda pontificum auctoritas intercedat. Verum ut predicía possitis utilius et liberius exercere, vobis largiendi viginti vel quadraginta dierum indulgentiam, quoties opportunum videritis, omnibus penitentibus et confessis, qui ad vestram conuocationem propter hoc faciendam accesserint, plenam tenore presentium concedimus facultatem. Vobis siquidem pro huiusmodi negotio laborantibus et omnibus - personaliter vobis assistentibus in eodem illam peccatorum veniam indul- gemus, que succurrentibus terre sancte in generali concilio est concessa. Illos vero, qui ad impugnandum hereticos, fautores et receptatores et de- fensores eorum vobis ex animo auxilium consilium prestiterint vel fauorem, de omnipotentis dei misericordia et beatorum Petri et Pauli apostolorum eius auctoritate confisi, tres annos de iniuncta sibi penitentia relaxamus; et si qui ex hiis in prosecutione huiusmodi negotii forte decesserint, eis peccatorum omnium de quibus corde contriti ac ore confessi fuerint, plenam veniam indulgemus. Compescendi quoque mouitione preuia per censuram apostolicam appellatione postposita predicatores questuarios a predicationis officio, quod ad ipsos nullatenus pertinet, quorum interest tantum caritatina subsidia simpliciter petere, ac indulgentiam si quam forte habent exponere, liberam vobis tribuimus facultatem. ^ Quod si non ambo his exequendis potueritis interesse, aller vestrum ea nihilominus exsequatur. Datum La- terani, XV. Kalendas Maii. Pontificatus nostri anno tertio. Ibidem — epistola 363.