69

236

coram nobis questio uerteretur, tandem ambe partes pro bono pacis et concordie in nos tanquam in personam amicabilem concorditer conuenerunt, promittentes in manus nostras fide prestita, ratum habere, quicquid super hiis statuere curaremus. Cognitis igitur iuribus utriusque partis sic habito consilio statuimus et ordinauimus inter partes, quod predicte soror Her- burgis et conuentus Celle sancte Marie prefato fratri G. magistro hospi- talis sancti Iohannis et suis successoribus et eorum nomine hospitali pre- dicto sexaginta denarios nomine decime de aratura vna in Cuneghesueld, quam ibidem babent sepedicte soror Herburgis et conuentus, in festo sancti Martini singulis annis soluant. Hoc saluo, ut si de terra illa, de qua decime petebantur, plus est, quam aratura, dicte sorores et earum claustrum secundum extimationem et ratam predicte solutionis, eidem hospi- tali de superfluo vnius arature, decimas in eodem termino soluere teneantur. Quam ordinationem soror Herburgis et Gotfridus procurator sororum, habens super hoc speciale mandatum et frater Ricquinus pro ipso hospitali man- datum habens simile, ratam habuerunt et spontanee acceptarunt. In cuius rei testimonium presentem scribi paginam et sigilli nostri iussimus muni- mine roborari. Actum in Puztimir IV. Kal. Martii Anno domini MCCLVII. presentibus hiis testibus: Bartholomeo archidiacono Olomucensi. Magistro ' Iohanne archidiacono Prerouensi. Heydolfo archidiacono Opauiensi. Ma- gistro Stephano, Alexio, canonicis Olomucensibus Friderico vicario sancti Mauritii in Olomuz et aliis quam pluribus.

Ex originali in archivo S. J. Brunensis.

CCL.

Alexander papa 14V. ordini fratrum Praedicatorum. de electione suorum priorum praescribit insltulum. DI. Laterani, XVII. Kalendas Aprilis, 1257.

Alexander episcopus seruus seruorum dei. Dilectis filiis magistro et uniuersis prioribus ac fratribus ordinis predicatorum Salutem et aposto- licam benedictionem. Ut ea que uobis interdum circa electionis negocium incumbunt expedienda pro tempore citius et salubrius ualeant expediri