234
CCXLVIII.
Idem Olomucensi et Wralislaviensi episcopis mandal, ut Danielem, regem
Russiae, ad promissa servanda cogant censuris ecclesiasticis. Dt. Laterani,
Idibus Februarii, 1257.
Alexander episcopus seruus seruorum dei. Venerabilibus fratribus . .
Olomucensi el. . Wralislauiensi episcopis, salutem et apostolicam benedictionem.
Inter alia que nobis ex iniuncto apostolatus incumbunt officio, animarum nos
conuenit precipue inuigilare saluti, ut eas regum regi, qui nos illarum licet
immeritos voluit preesse regimini, lucrafacere sua nobis cooperante gratia
valeamus. Verum quia non est deo acceptum obsequium, quod sine fide presta-
tur, nec peruenitur operum edificio ad salutem, quod supra firmitatem fidei non
consurgit, ad propagandam eam et corroborandam in mentibus omnium et
specialiter regum et principum intentione tota omnique sollicitudine ac verbi et
operis efficacia laborare debemus, ui christiana religione latius diffusa per
orbem, patris eterni filius multiplicatis seruitoribus plenius honoretur. Sane
Daniel Rex Ruscie olim cupiens de infidelitatis tenebris, que postquam etiam
renatus fuit fonte baptismatis oculos sue mentis inuoluerant ad lumen catho-
lice fidei, sine qua nemo saluatur et ad obedientiam ecclesie Romane non
sine diuina inspiratione redire iuramento prestito promisit, ecclesie predicte
tamquam fidelis eius filius obedire, ac fidem catholicam sicut alii orthodoxi
mundi principes obseruare; propter quod ecclesia eadem volens eum in sui
deuotione congruis firmare fauoribus et condignis gratiis confouere, per-
sonam suam ad regalis dignitatis apicem sublimauit, faciendo eum inungi
sacri crismatis oleo, suoque imponi capiti regum diadema. Sed ille sicut
ad audientiam nostram non sine cordis turbatione peruenit, tam spiritualium
quam temporalium beneficiorum ipsius ecclesie immemor, tanteque gratie
prorsus ingratus, prestiti iuramenti religione contempta id quod circa obe-
dientiam eiusdem ecclesie ac predicte obseruationem fidei promisisse di-
noscitur obseruare postmodum non curauit in anime sue periculum, ipsius
iniuriam fidei, ecclesie predicte contemptum et opprobrium Iesu Christi.
Super quo tanto vehementius contristamur, quanto feruentius super omnia
cordis nostri desiderabilia cupimus, ut cultus eiusdem fidei per orbem lon-
gius latiusque diffusus continuum auctore domino suscipiat incrementum.
»:
