69

103

CXXXV.

Přemysl, marchio Moraviae, Heinrico de Lichtenstein ob merita sua donat oppidum Nicolsburg, si Wilhelmus et Hermannus de Drnoholec suo in id juré renuntiaverint. Dt. Brunae, XVIII. Kal. Februarii, 1249.

Premisl dei gracia Illustrissimi W'encezlai Bohemorum Regis filius, marchio Morauie omnibus hanc paginam inspecturis in perpetuum. Cen- semus conueniens, et honestum, ut eorum, qui se circa serenitatem domini et patris nostri Illustris Regis Wencezlai et nostram exhibuerunt fideles et deuotos recompensemus seruicia beneficiis, et gracia singulari. Ea propter deuota et fidelia seruicia, que fidelis noster vir nobilis Henricus de Lichtenstein domino et patri nostro ac nobis exhibuit, oculo largitatis intuentes, cum dignitatem nostram dona sua deceat promere magnifice ac | habunde, villam Niclaspurg cum ipsius attinenciis in proprietatem donamus ab eo et heredibus suis omni cessante impedimento, donec Wilhelmus de Dyrnholz cum fratre suo Hermanno eidem ville voluntarie renunciauerit, prefatum Henricum et heredes suos pro ipsa deinceps non impediturus, perpetuo possidendam. Kt ut hec prouida nostra nobilitatis donacio effectum consequatur pleniorem: statuimus, firmissime precipientes, ne quis ipsum et heredes suos in iam dicta villa de cetero impedire debeat, seu aggrauare. Ut autem ea, que predicimus, apud posteros perpetuo rata et inconcussa permaneant, presentem paginam sigilli nostri munimine fecimus roborari. Acta hec sunt in Brunna presentibus his testibus: Domino Brunone epi- scopo Olomuzensi, Comite Otthone de Plawen, Hawlone de Lewenberk, Sdezlao de Sternberk. ltem Nobilibus nostris de Morauia. Witkone de Krawar, Hadoldo fratre, Voyslao, Hartleho et Ienzone fratribus, Hermanno de Ninicz, Hincone de Ieromirz, Wilhelmo de Uztopesch, Ceiczone et Sdezlao fratribus. Nobilibus vero de Austria: Pilgrimo de Schwarzeno, Friderico de Gerlochs, et fratre suo Conrado, Albertone, Henrico et Diethmaro fratribus de Boumgarten, et quam pluribus aliis. Datum in Brunna per manum Magistri Wilhelmi curie nostre notarii. Anno Domini MCCXXXXIX. XVIII. Kalendas Februarii.

Dobner — Monumenta IV. 262. ex apographo archivi domus Lichten- steiniae. .