365
CCCLXIV.
Idem Thomae, famulo suo, villas „Zewiz” et Zerolice in Boemia feudali
jure conferl. Dt. Olomucii, III. Kalendas Maji, 1264.
Bruno dei gratia Episcopus Olomucensis. Dilecto sibi Thome famulo
suo et heredibus in perpetuum. Equitati proximum et rationi non dissonum
arbitramur, vt ad fideles nostros, qui nobis et ecclesie nostre, rebus non
parcentes et personis fideliter deseruiunt et constanter, retributionis manum
liberaliter extendamus, ut in eisdem possint efficacius persistere seruiciis,
ipsorumque magis erga nos et ecclesiam nostram deuotio et fidelitas ex-
ardescat. Hinc est quod nos gratanter inspectis fidelitatis tue seruiciis que
nobis ad augmentum honoris nostri et ecclesie nostre profectum diucius
ac incessanter gratuito impendisti, pro quibus ut condecet te remunerare
volumus quod fructuosus appareat labor tuus, et fidelitas tua magis erga
nos et ecclesiam nostram per buiusmodi retributionis premium accendatur,
damus et conferimus libenter ac liberaliter tibi et heredibus tuis iure feu-
dali villam episcopalem Zewiz, sitam in Boemia, cum vniuersis suis per-
tinentiis, censu, decimis, allodio, iudicio, stura, siluis, pratis, pascuis, molen-
dinis, aquis, piscationibus, ortis, curüiculis, humulariis, agris cultis et in-
culüis, et omnibus aliis seruiciis et. redditibus, nullo diminuto penitus vel
excepto, per te ac heredes tuos perpetuo possidendam. Hoc autem de
consilio canonicorum nostrorum ordinauimus et statuimus quod vassallus
quilibet ecclesie nostre qui per nos de bonis Episcopalibus infeudatus
existit, comparare debet alias hereditates et bona, que medietatem valeant
bonorum episcopalium collatorum sibi, et eadem ecclesie nostre dare
libere ac solute, et in feudo a nobis recipere bona similiter comparata;
qui vulí feudi sui ab ecclesia sua stabilitate ac firmitate gaudere. Ideo-
que presentibus inserendum duximus quod tu secundum ordinationem hanc,
araturam vnam, tabernas duas molendinum vnum super Albiam in Boemia,
que omnia data sunt tibi cum vxore tua, et villam Serofiz quam cum aliis
ierris et possessionibus inmediate adiacentibus ipsi ville apud dominum
Iohannem Pragensem Episcopum pro XXXVI. marcis argenti, emptionis
titulo comparasti, sitam in Boemia apud predictam villam Zewiz quam tibi
ei heredibus tuis contulimus, et translatam ad ipsam per te, ita quod vna
