69

360

CCCLX.

Urbanus papa IV. inquiri mandat, a quibus el quantam pecuniam Petrus de Ponlecurvo pro camera aposlolica receperit. DI. apud Urbem velerem, XV. Kalendas Novembris, 1263.

Wrbanus episcopus seruus seruorum dei. Venerabili fratri . . Epi- scopo Pragensi et dilecto filio B.(artholomeo) decano Olomucensi salutem et apostolicam benedictionem. Cum Petrus de Ponte curvo archidiaconus Gradicensis tunc capelle apostolice Sedis clericus, olim tempore felicis recordationis Alexandri pape predecessoris (sic) nostri in partibus illis eiusdem Sedis nuntius ab ecclesiarum prelatis et clericis ciuitatis et diocesis Pragensis tum de censibus et aliis ecclesie Romane ac terre sancte debitis, tum etiam de redemptione votorum non modicam recepisse dicatur pecunie quantitatem, discretioni vestre per apostolica scripta firmiter precipiendo mandamus, quatenus conuocatis abbatibus, archidiaconis et archipresbyteris ciuitatis et diocesis earundem, a singulis per iuramentum ipsorum, ad quod prestandum rebellis si qui fuerint per vos volumus ecclesiastica censura compelli, quid et quantum et a quibus et ex qua causa clericus ipse per se vel alios recepit in archidiaconatibus aut archipresbyteratibus eorundem diligentius et plenius inquiratis, et quod inueneritis, per vestras patentes literas cum sigillorum vestrorum appensione tenorem de verbo ad verbum presentium continentes nobis plene ac fideliter significare curetis. Scituri, quod si propter defectum vestrum circa inquisitionem huiusmodi aliquid omissum fuerit vel neglectum, illud de vestris manibus requiremus. Quod si non ambo his exequendis potueritis interesse, alter vestrum ea nihilominus exequatur. Datum apud Urbem veterem, XV. Kalendas Nouembris. Ponti-

ficatus nostri anno tertio. In eundem modum . . Episcopo et . . decano Olomucensi . . ,civitalis

el diocesis Olomucensis." In eundem modum . . Episcopo Pataviensi et M. Gerardo plebano

Viennensi capellano nostro . . „civitatis et diocesis Palaviensis".

Ex autographo Regesto Urbani papae IV. tom. 2. anni III. fol. 246. in tabulariis Vaticanis.