10
15
20
29
30
35
332 November 14. 15.
generalis pro concludendo deliberaciones ipsarum sacrarum deputacionum
desuper factas et habitas. Item concordant omnes sacre deputaciones,
quod ipse miles retineatur et conducatur iuxta tenorem avisamenti, quod-
que reverendissimi ac reverendi patres domini patriarcha Aquilegiensis,
archiepiscopus Lugdunensis, episcopus Burgensis pro deputacione de com-
munibus, Tiburtinus Massiliensis Traiectensis episcopi pro deputacione
reformatorii, episcopus Aurelianensis, elemosinarius Aragonum, magister
Henrricus de Dist pro deputacione fidei, episcopus Parmensis et abbas
Conchensis pro deputacione pacis cum reverendissimis cardinalibus patri-
archis et ipso milite tractent et componant de precio cum potestate con-
cludendi.
Lectis huiusmodi avisamentis reverendissimus dominus cardinalis
legatus exhortatus est dominos deputatos, quod hodie conveniant et tractent
cum dicto milite de singulis tractandis et se expediant. Item similiter
exhortatus est dominos et patres de concilio, quod indilate, saltem infra
paucos dies, velint vacare circa electionem loci.
Hiis et aliis presuppositis super concordatis, ut est moris, conclusit.
Dominus Lubicensis nomine ambassiatorio exhortatus est dominos
et patres de concilio ut suam pollicitacionem adimplerent, velint ante
electionem loci procedere ad reformacionem generalem in eapite et in
membris, quodque capitula iam concepta et conclusa per deputaciones per
sessionem expediantur; de quibus etc.
Prefatus reverendissimus dominus cardinalis legatus ad iddem ex-
hortatus est dominos, ita tamen quod non impediatur electio loci.
Item exhortatus est dominos, ut velint firmum stare in hoc loco
Basiliensi usque ad futurum concilium et ad hoc expresse pollicitus est.
Item dixit se velle obligare ad reformacionem Germanice nacionis, eciam
si cum modico statu, cum octo vel xcem doctoribus faciendam.
Item supplicavit quod domini velint se abstinere de dando aliqua
avisamenta, que modicum faciunt ad factum. Et de capitulis iam con-
ceptis fiat breviter una sessio etc.
Oblacionem, quam fecit dominus legatus de stando in compedibus
et non recedendo nisi reformacione possibili facta, dominus Lubicensis
nomine ambassiatorio lice|t] iocose acceptavit.
Die iovis XV* novembris in sacra deputacione pro communibus
super requesta fratris Anthonii de Ulphiaco prioris prioratus $. Salvatoris
Viennensis diocesis ordinis S. Benedicti, petentis committi iudici cause, ut
constito de assertis summarie, adversario non audito, quousque paritum
fuerit iudicato: placuit ut petitur.
