II, 2.] Urkunden, r. 55. 127
wirdet, inwendig einem manden nicht lazzet, der sol hundert
mark lotiges goldes als oft zu rechter pen vervallen sein,
als oft dowider geschihet, und dieselbe pen sol halbe unsir
keiserlichen camern, und daz ander halbteil den herren, von
den sulche pfalburger sich ziehen, unverzogenlichen gevallen.“
Dovon haben wir angesehen die steten getruwen dienste und
ere, die uns und dem reiche der erwirdig Heinrich apt zu
Fulde, der durchleuchtigen Annen Romischer keiserin und
kunigin zu Beheim, unsir lieben wirtinne, obrister canczler,
unsir heimlicher rat und furste, oft unverdrozzenlich getan
und erboten hat und teglichen tut mit ganczem fleizze, und
wollen von sunderlichen unsirn gnaden, daz sülcher unsir
keiserlichen rechte und gesecze derselbe unsir furste, sein
nachkomen und ir stift zu Fulde genczlichen gebruchen und
geniezzen sullen. Und gebieten allen den obgenanten fursten,
geistlichen und werltlichen, grafen, freyen herren, rittern und
knechten, steten, gemeinscheften und allen andern leuten, wie
die genant sein, und welhes wesens sie sein, ernstlich und
vesteclich by unsirn und des reichs hulden, daz sie des ob-
genanten aptes unsirs fursten und seines stiftes zu Fulde man,
diener, burger und undersezzen noch leute in dheine ire stete,
merkte, burge, gemeinschefte oder vesten zu pfalburgern nicht
einnemen noch empfahen sullen oder turren in dheine weis.
Und wer dowider frevellichen tete, der sol in unsir und des
reichs ungnade und zehen mark lotiges goldes uber die penen,
die in den obgenanten geseczen begriffen ist, zu rechter penen,
als oft daz geschicht, vervallen sein, und die sullen halbe in
unsir und des reichs camer, und daz ander halbteil dem ob-
genanten apt und seinem stifte, die ubervaren wurden, on
alles minnernuzze und genczlich gevallen.
Mit urkunde dits briefs versigelt mit unsirm keiserlichem
insigel, der geben ist zu Mecze nach Cristes geburte druczen-
hundert jare und in dem siben und fumfczigstem jar, an dem
obristen tage, unsir reiche in dem eylften jare und des keiser-
tums in dem andern.
Original im Staatsarchiv zu Marburg (Fuldaer Kaijerurkunden, Stifts-
archiv 106). acy einer von SG. v. d. Ropp mitgeteilten Abidhrift.
Wohlerhaltenes an gelber Seidenfhnur hängendes Siegel mit Rück-
fiegel. Auf dem Buge: Per dominum cancellarium Io. Eystetensis.
Unf der Rückfeite: R. Hertwicus. — Böhmer -Huber Ar. 2590,
