IL 2.] Urkunden, Zir. 50. 117
bürde der warheit nicht getragen durch den last irer lugen,
und domit so vallen sie in die betrubnüzze, die sie gemachet
hatten, und vervewen sich in die stricke irer ungerechten
meynung, also daz sie daz liecht ein vinsternüzze und daz
vinsternüzze ein liecht entscheiden: so meinen wir durch
merer sicherheit und uf die rede, daz der egen(ant) durch-
leuchtig fürste und herre der kunig zu Beheim, sein erben
und nachkomen kunige ze Beheim, ewiclichen mit sicherheit
gewaret werden, und daz ouch abe sey alles zweivels ergerung,
und daz muzzigen claffern wege irer bosheit und lugen nicht
gelazzen werden, und dovon mit wolbedachtem mite, nicht
von irresal oder unbedechticlichen, sunder von rechter under-
weisung, die wir warhaftiglichen wol erfunden haben, mit-
sampt allen andern unsern mitkürfursten, geistlichen und
werltlichen, so erkennen wir uns und sprechen mit rechter
wizzen und kundigen daz offembar allermeniglichen, daz die
durchleuchtigen fürsten, die hochgeborn kunige von Beheim,
von iren urenen, enen, vetern, eltern und vorfarn von sulcher
langer zeit, der gedechtnüzze bei den leuten ietzunt nicht
gesein mag, durch langes alters willen alleweg gehabt haben
und noch haben und ouch steticlichen haben sullen vollen-
kumenliches recht und ouch stymme genczlich glich uns und
andern unsern mitkurfürsten, geistlichen und werltlichen, in
der wale und küre eins Romischen kuniges eines kunftigen
keysers, also wenn und als ofte ez zu sulichen schulden
kumet, daz man kyesen sol, daz man denn den durchleuch-
tigen fürsten, den hochgebornen herrn den kunig ze Beheim,
der in zeiten wirdet, zu derselben kure erberlichen ruffen
sol; und der sol denne in der küre und wal, als dovor be-
griffen ist, alle seine recht, stat und stymme und alle ander
ding, die dor zú gehóren, genczlichen haben und sich der
frówen und geniezzen, oder von seinen wegen seine boten,
die er dor zu sendet, gleich uns und allen andern unsern
mitkurfürsten, geistlichen und werltlichen, die nà sint oder in
kumftigen zeiten werdent, mit allen wirden und eren, als
durch recht und gewonheit des heilichen reichs sulche recht,
stymme und küre besezzen haben in vorgangenen zeiten.
Ouch sprechen, bekennen und kundigen wir mit rechter
wizzen, als dovor begriffen ist, daz der egenant durchleuch-
