72 Seumer, Goldene Bulle, 11. Teil. (1, 2.
haben und steticlich beweisen. Dovon wann fur unser keiser-
lichen maiestat komen ist der hochgeborn Lodowig, genant
der Romer, .. marggraf zu Brandemburg und zü Lusiez des
heiligen reichs obrister camerer pfallentzgrave bei Rein und
hertzog in Beiern, unser lieber oheim und furst, und hat
an uns begeret und fleizlich gebeten, daz wir im und marg-
grafen Otten, seinem bruder, ire hantfesten und brieve, die
sie uber ire furstentum, lant, herschefte, kur und stymme an
der wale eins Romischen kuniges eins kunftigen keisers
recht, genaden und friheit und ouch uber ander sachen von
seliger gedechtnuzze Romischen keisern und kunigen unsern
vorvarn und ouch von dem heiligen reich erworben und her-
bracht haben, zü bestetigen, bevesten und confirmyren ge-
ruchten von sunderlichen unsern keiserlichen gnaden: so
haben wir angesehen seine redliche und vernunftige bete
und mirklich getrewen dienste und ere, die er mit sampt
seinem vorgenanten bruder uns und dem heiligen reich oft
unverdruzlich erboten hat und steticlich mit gantzen trewen
ertzeiget; mit sunderlichem rate unser fursten und herren,
mit wolbedachtem müte, mit rechtem wizzen und mit keiser-
lichen mechte vollenkomenheit bestetigen, bevesten und con-
firmyren wir in, iren erben und nachkomen margrafen zü
Brandemburg und zü Lusitz und hertzogen in Beiern alle
hantfesten, brieve und schrifte, domit sie von Romischen
keisern und kunigen unsern vorfarn und auch von uns be-
gnadit sin und herbracht haben uber alle ire furstentüm, lant.
lute, herschefte, kur und stymme an der wale eyns Romischen
kunigs eins kunftigen keisers recht, friheit, gnade, besitzung.
eygenschefte, vesten, steten, lute, man, manschefte, lehen.
lehenschefte, weichpilde, creizze, gerichte, czolle, geleite,
muntzen, eren, nutze, gulde und ezinse, gabe und uber alle
andere ding, wie man die benennen mag mit sunderlichen
worten, und bestetigen ouch und confirmiren dieselben hant-
festen und brieve in allen puncten, meynungen und artiklen
von worte zü worte, als sie begriffen und geschrieben sein,
und als sie* herbracht sein, geleicher weisz, als ob sie in
dyesem brieve gentzlich begriffen weren, oder ob sie durch
recht oder gewonheit dorinne begriffen sulten sein. Ouch
a) sel Dr.
