10
20
Urfunden zum Jahre 1423. 173
vorwesere unde houptleute heissen unde gebieten werden, und
dohin ittlicher uz uns schuldig ist gehorsam zu seyn, es were
denne eyne redeliche sache, dy einen doran hinderte, die von
den se[l]ben vorwesern und houptleuten vor eyn redeliche sache
ofgenomen wurde; ader!) in unser macht, die wir vermugen, .
das diselbe ausgesant und ausgericht wurde noch dem, als yder-
man vormag, und noch der vorwese[r| und houptlüte geheisse
unde saczunge.
Item, ez ist auch nemelich gewilkuret und ausgetragen,
were is sache, das ymandes nicht welde zu treten zu desem
unserm berednusse wider dy vorterber dicz landis und nicht
helffen welde, soliche unordenung zu dempfen, der?) adir dy sal
oder sollen dorzu genótiget werden, und wir sie vor unse viende
halden sollen und noch geheisse der obgeschreben houptleute
dorzu nótigen. Auch were es sache, das etliche guter weren
derselben, die mit uns in solich berednuss nicht seyn wolden
unde sich wedirten?) zu helffen wider dy vorterbere des landis
adir sust andir unsre viende gewunnen?) wurden, soliche guter
uff den gemeinen nuez gewendet sollen werden noch dem ge-
heisse der obgeschreben houptleute.
Fürbas ist auch gewilkurt und gesaczt, wer is sache, das
got behute, das derselben vorweser und houptleute eyner ab-
ginge adir das etlicher aus in der gemeine nicht gevyle, denne
dieselbe gemeine mag und sal einen andern vorweser ader
houptman an desselben stat kisen, der demselben gleych were.
Item is ist nemlich aufgenommen, das alle guter der herrn,
ritter und knechte und stete, ausgenommen die burger, dy von
dem ihren gegangen seyn und eigene erbegüter, die in desen
krigen von beiden teilen empfremdit und gewunnen seyn, in
diesem berednuss ynwendig in zwen wochen von gebunge dicz
brives an allen langen verzok sollen abgetreten werden und zu
getrowir hand eynem wolgehalden manne desselben teiles, umb
welchen sie sich voreynten, ader noch eyner gewonlichen aus-
burgunge derselben sloss noch geheisse der herrn: des herrn
Czenken, des herrn Hassken unde zweier herrn von Prage und
zweier landleuthe von beiden teilen, die dorzu geruft werden,
2) Aber foweit wir die Streitfräfte haben, follen diefelben ausgefandt . . werden.
2) Sn der Vorlage den.
3) fich weigerten.
4) hat eine allgemeine Bedeutung „fich finden”.
