et
10
20
25
30
el
or
Urkunden zum Jahre 1426. 317
Gotscheschoffe bey allen seinen briven privilegia und hantfesten
uber den zol zu Greyfenberg bleiben sal, dy wir vorhort haben,
und auch die erzamen, weizen burgermeyster, rotmanne und
burger zu Gorlicz bey iren briven, privilegia und hantfesten
bleyben sullen, die sie haben obir die strosse. Auff die selbe sune
und vorrichtunge Gotsche Schoffe alle die gefangen der Gorliczer
hot ledig gelosin und den brieff, den her obir dy gefangin ge-
habt hot, als uber achthundert mark und alle ire habe in wider
geben, do her sye mete gefangen hot, nemlich dreyzen pherde
und dreyzen panzer, an arg. Domete habe wir ausgesprochen,
das sie gute frunt bleiben sullen und eyn teil den andern
nymmer aufheben sal in keinem arge und mit allen den, di do-
rumb verdocht sein in den sachen an beiden teilen. Auch sullen
die von Gorliez aus irem statbuch und andir stetbucher alle, die
sie von der sache wegen hetten losen inschreiben, ausschreiben
und austhuen lossin an allen arg. Das hot der obgenante
Gotscheschoff und die egenante stat Gorlicz vor uns globt, den
aussproch und vorrichtunge stete und ganz unvorbrochlich zu
halden an allen arg, argelist und an allis geferde. Dobey seint
gewest und sein gezeugen die gestrengen und woltuchtigen
Tristram von Redern ritter, Hanus Schoff, Hanns von Libental,
Voitlender von Gersdorff, Hanus Bolwericz die zeit ein under-
heuptman zu Gorlicz, Heinrich Bolwerycz zum Ffôrstchen, Waldaw,
Heineze von Ronaw und die erbern, weizen stete die stat
Sweidnicz, die stat Strigaw, die stat Reichenbach, die stat Jawer,
die stat Lemberg, die stat Bunczlaw, die stat Hirsberg, die stat
Budissin, die stat Zittaw, die stat Lawben, die stat Lobaw und
die stat Kamencz. Des zu einem grosir bekentnis und merer
sicherheit haben wir obgenanter Albrecht von Coldicz als ein
voit und heuptman der obgenanten lande unsir ingesigel losen
hengen an disen briff und dorzu gebeten die erzame und weize
stat Lemberg, das sie ir ingesigel auch angehangen hot bey
unns zu einem grossir bekentnisse. Der gegeben ist zu Lemberg
den nesten montag noch dem suntage oculi noch gotis geburth
vierzenhundirt jar dornoch in dem sechs und zwenzigsten jare.
1426. März 18.
Als Geschoss wird in Gürlitz von der Mark 1'/z Gr. eingezogen.
Nach libri exactorum 1426—1430 im Görliger Ratsarchiv.
