1462
146b
les montaignes, il approuchera le pays de Bourgoingne a deux fron-
tes prés, et là ledit prince pourra parler à lui, et pourra envoier
aucuns de son conseil à Rome avecques le dit roy s' il n' y vou-
loit aler. /
Item, pour savoir la puissance des diz Hous par le raport des
chevaliers du pays à présens fuitifs et de l' ostel du dit roy est
sceu qu' ilz ne se peuent trouver en toute puissance plus de VII
hommes d' armes mais de commune de XXX a XLM combatans,
et dient les diz chevaliers, que se ung puissant prince venoit ou
pays, qu’ il y a pluseurs forteresses et bonnes villes qui lui fe-
roient obéissance et ayde contre les diz Hous, mais sans veoir la
dite puissance ilz ne se oseroient mouvoir, car l’ annee passee pour
tant que les Alemans, que il[z] furent à grosse puissance, ilz s’ en
revinrent fuyans sans ouser actendre la bataille, par quoy ceulx,
qui leur avoient fait obeissance, en furent destruis.
Item, que ledit pays est pays plain et y peuvent aller charros
pour mener tous vivres et aussi est fertile de tous biens excepté
de vins.
Item, par commune extimacion de gens le dit prince pourra avoir
des gens des pays d' Alemaigne de cinq à VIM chevaliers et es-
cuiers.
Item, n' est point possible que nul prince puist entreprendre cest
matiére sans avoir le sceu et consentement du dit roy pour plu-
seurs raisons que l’ on pourra dire au dit prince.
Item, que desia sont levees grans sommes de deniers qui sont
mises en depost és eglises catedrales des cites jusques à ce qu'il
soit advise qui sera chief à la saison qui vient pour la dite armee
et à cellui prince une chacune province lui mendera par escript
les sommes de deniers qu' ilz ont en garde.
Item, pourra l' en encores advertir au dit prince plus de choses
quant il vouldra prendre la charge, mais qui la voudra emprendre
que ce soit en temps deu, car grant fait ne se peut conduire, s' il
n' est mis sus de longue main.
Item, n' est pas possible, que par prince de la langue d' Alemaigne
ceste chose se puisse conduire, la cause si est: car le roy de I’
ampire marche si a pluseurs grosses guerres, dont il est assez
empeschie, et aussi n' a pas gens de ses subges qui sceussent con-
duire une telle matière. /
Item, que le duc Loys conte palatin du Rin, seigneur d’ Edele-
bert! est chief des eliseurs, si est tellement malade du corps, que
de lui ne fault plus faire mémoire.
1 Správně: Heidelberg.
140
