et se ce se pooit conduire, on y leveroit une tres survueilleuse
finance.
Item, se poroit lever ceste dite finance de chacune paroisce par
deux preudonies avec le cure, lesquels yroient d’ ostel en hostel
faire queste, et seroit mis par escript tout ce que chacun auroit
donne et par trois jours de feste solempnel la lire publicquement,
adfin que chacun peust savoir que la finance seroit douenne et
combien elle auroit monte.
Item, que les indulgences qui seront advisees par mon dit seig-
neur de Tournay et dont cy dessus est faite mencion publiees pluseurs-
mens de bonne devocion et pour estre abzolz, douvront de grans
sommes de deniers.
Item, que l' on pora [avoir] grant finansse des dismes des jans
d' eglis(s)e. /
Item, aussi puet advenir que pluseurs seigneurs, chevaliers, gen-
tilzhommes, marchans et riches bourgons y volront aller à leur
despens ou y envoyer gens d’ armes et de trait et tant fauroit
moins de finances.
Quinte partie.
Item toutesfois se mon dit seigneur maine le nombre de IIIM
hommes d'armes et IIIIM hommes de trait, comme dessus est dit,
les gaiges d'iceulx hommes d'armes prendront XX escus et XL gr.
et gens de trait la moitiet, baneres et chevaliers selon leur estat,
à l'avenir montera par mois C mil escus te!s que dits sont, sans
en ce riens comprendre l'estat de mondit seigneur et veu le lon-
taing chemin et qu'il fault partout paier, l'on ne porroit point donner
plus petits gaiges.
Item, et se porront trouver lesdictes gens d'armes et de trait
en la maniére qui s'ensuilt:
Est assavoir sic) mon dit seigneur de Brabant IIIC hommes d'ar-
mes, s'il y venoit en personne, et s'il n'y pooit aller, qu'il com-
mesist aucun notable de son pays pour mener le nombre dessus
dit avec IIC arbalestriers ou aultre nombre convenable. /
Item, monseigneur le duc de Bretaigne, se samblablement n'y
pooit venir, qu'il volsist envoyer IlI€ hommes d'armes et IIIC arba-
lestriers ou archiers, ou aultre nombre samblement que dessus.
Item, Révérend Pére en Dieu, monseigneur l'evésque de Liége,
a tout II€ hommes d'armes et IIC arbalestriers.
Item, que monseigneur le duc de Savoy volsist envoyer le prince,
son fils, acompaigné de III hommes d'armes et de IIIC arbalestriers,
95
54b
552
