51b
528
s’ il lui plaisoit, trouver le temps pendant aucunes trieuwes ou ab-
stinences de guerre à ses adversaires et d’ un commun acord beson-
gnier, en lui disant que semblable requeste fait notre dit Saint Père
au Dolphin. /
Item et si par monseigneur le régent est prétendu excusacion ob-
stant les affaires et les guerres qui de présent sont ou royaulme de
France, que au moins il se volsist emploier et tenir la main adfin
que par les dessus dictes gens de trois estas aucune bonne ayde
de gens ou de finances se meist sus pour aidier à la chrétienté et
soustenir l’ armée que fait mon dit seigneur de Bourgogne.
Item, samblablement soit par notre dit Saint Père envoyé légat
portant bulles devers le Dolphin et à icellui et les gens des troits
estas de son obéissance requérir samblable requeste que on fait à
mondit seigneur le régent, comme cy-dessus est faite mention.
Item, semblable requeste faire à monseigneur le duc de Brabant,
monseigneur le duc de Bretaigne, monseigneur le duc de Savoye
et les trois estas de leurs pays.
Item que, pour l’ avancement des finances par notre dit Saint
Père soient données bulles et indulgences et apportées par mon dit
seigneur le légat commis au dessis dit royaulme et ès aultres pays
dessus dis, icelles bulles contenant la fourme dont baillera la coppie
révérend père en Dieu, monseigneur I' évesque de Tournay.
Item, demander à notre dit Saint Père, par bonne manière son
advis à qui la conqueste doit estre, que, au plaisir Dieu, se fera
sur lesdis hérittes. /
Seconde partie.
Item, doit mon dit seigneur envoyer une ambaxade bien notable
et de gens bien congnoissans es pays d’ Allemaigne pour y faire
de par mon dit seigneur ce qui s’ensuilt :
Item, parler aux princes, prelas et gouverneurs de citez et bonnes
villes voisines et marchyssans aux ennemis de la foy et leur sera
dit, que mon dit seigneur est bien en volenté de venir en ceste
saison nouvelle à tres grant puissance de gens d’ armes et de trait,
ainsi aultre fois leur a fait savoir et pour ce désire à savoir de
eulx, en quel disposicion ilz sont pour faire guerre contre lesdis
ennemis, et quelle ayde mondit seigneur poroit trouver par delà
tant de gens arme, de finances pour soldoyer lesdits gens d’ armes
et de trait que il menroit en sa compaignie laquelle sera tres grande
et souffissans comme dit est.
Item, demander aux dessus dis princes, prélas et gouverneurs de
92
