Henneguin de Langle, pour faire le sabbat le samedy et autres
causes, fut par Monseigneur degrade de sa clergie en tondant ses
cheveux d'une forchette, et avoit un drap autour du col en lui
hostant et depouillant de sa clergie, et lisant des mots a ce per-
tinent que ne devoit jouir du privilege.
Gille Nepveu pour avoir soutenu que l'eglise n'estoit qu'un
maniere de bordel qu'on paroit pour avoir l'argent ainsi que une
fillette, que les representations de Dieu, de Notre Dame et saints
et saintes estoient pour abuser, que ce n'estoit rien des prestres,
et que a eulx on ne devoit confesser.
Bertoul Thurin pour avoir fait le sabbat en Samedy, non croistre
au sacrement de l'eglise, a trait plusieurs a la fausse loy eulx
remonstre par Escripture.
Catherine Mainarde qui par XXXII ans avoit garde de faux
livres, les leu a plusieurs, fait croire II ses enfants que Notre Dame
avant Notre Seigneur avoit eu plusieurs enffants, filz, filles et autres
choses, induit plusieurs que s'ils alloient a l'eglise et si on celebroit
qu'ils regardassent ailleurs, que s'ils prendroient de l'iauwe benoite
d'un doigt que l'autre l'excusit, que le batesme, confession n'est
rien; les livres ars devant icelle et disant aux autres nommes: nous
n'avons a endurer que deux heures et mourir vraye martir.
Jehan Cornu pour avoir parle de la reverence de Dieu notre
Createur, de la benoite Vierge Marie et tant de maulx que pitie,
fu degrade comme Hennequin de Langle, et a tous les dessus
nommez fu mis mittre pourtraicte de representation de diables.
Apres laquelle sentence ainsi rendue, fu l'un d'jceulx ars a la
justice de Monseigneur I” evesque prestement et eut repentance
priant qu'on ne voulsit mie croire ains qu'il avoit fait, et les autres
furent rendu a la Justice laye de Douay et menes lendemain a
Douay, excepte un condamne perpetuellement qui pour aucunes
causes demeura et illecq fu preschie et ars, et s'estrangla la dite
Catherine elle meme sans repentance comme on dit. Et pendant
leur mort et preschement, le hourt de Douay cheut, et furent
bleschie plusieurs notables clercs, et y eut dessous qui avoient les
gambes et bras rompus jusques XIII dont les aulcuns moururent
qui fu un grand pitie et meschief, et ce par faute du vieux bois
dont estoit fait le hourt.
Z archivu v Pas-de-Calais, Rejstfík BB, 6, fol. 9 otiskl Beuzart
Les hérésies pendant le moyen áge... dans la région de Douai
d'Arras et au pays de l'Alleu, 476 — 478.
74
