| s-1
| Ij kuuʹǩǩ leämmaž mieʹccest, iʹttli kuʹmpp väʹst mååust. |
| s-2
| tõt sluužbäiʹǧǧ leäi kuâhttlovitt eeʹjj. |
| s-3
| kõõjji, štõ leäk-a tiõrvâs, jiõk leäkku tiõrvâs, lij-a piâr vai iʹlla. |
| s-4
| teʹl piʹjje čiččâm ekka sluužba. |
| s-5
| čiččâm eeʹǩǩed mâânn ouddâl ko peäss. |
| s-6
| Na teʹl âʹtte čiččâm eeʹjj feʹrttji leeʹd säldten ja vasta puätt mååust. |
| s-7
| Ja seeʹst vueʹppes leäi Laurikainen |
| s-8
| Oummu vuejjle de mõʹnne de mieʹldd čuõiggle. |
| s-9
| Vuõššân leäi källsaž, källsaž leäi de son jåått âʹtte mieʹccest. |
| s-10
| Son jåått mieʹccest... son lij ooumžen vuâlggjam, mâŋŋa näuʹdden suõʹppjââtt. |
| s-11
| Näʹde näuʹdden suõʹppjââtt, kämmǥižžen âʹtte måttmešt ja kueʹllen vuâjj. |
| s-12
| Kueʹllen vuâjj ja låʹdden ǩeârdd. |
| s-13
| De måttmešt vaaʹldi de... suʹst liâ kueʹhtt pääʹrn, kueʹhtt mââʹnj liâ, kueʹhtt kaappi. |
| s-14
| Näʹde muõrid räʹjje, räʹjje, räʹjje. |
| s-15
| Räʹjje, räʹjje muõrid de son ceälkk što «ååʹn tij mõõnnâd kuätta ja mon vuâlǥam», ceälkk «vâl viǯǯled vuâlǥam muõrid». |
| s-16
| No vuâlgg, vuõʹlji. |
| s-17
| No nuʹbb kaav mieʹldd väʹʒʒlõõʹtti, mieʹldd vaaʹʒʒi, vaaʹʒʒi de ǩeäčč mäʹhtt tõt mâânn. |
| s-18
| Son mõõni, ääušas lueʹšti, tõzz kuõʹđi, pirr njikkõnj täävtõõđi, kooum vuâra jåårǥli de oʹlvvji, kämmǥižžen šõõddi, di mõõni teâđast. |
| s-19
| No kaav tõt seämmanalla mõõni tõn njikkõnja ja piirâs jåårǥli âʹtte kooum vuâra oʹlvvji, de son še šõõddi kämmǥižžen, de son mieʹldd mõõni. |
| s-20
| Mõõni, mõõni de kueʹtt lij, kämmǥa kueʹtt lij, di son mõõni tõzz de tut ceälkk što: ”No mõõzz ton puõʹttiǩ. |
| s-21
| A mäʹhtt šât ton še puõʹttiǩ.” |
| s-22
| De son jeeʹres tõzz-e tok kuäʹđ... jiijjâs kuäʹđ jeeʹres årra tok raaji pääiʹǩi ja de tok pääkkai mõõnnâd. |
| s-23
| Leša mõõni de nääiʹt ǩiõđâs piiji, källsaž piiji, ceälkk: kulddâl mâka peeʹlljin tän suu ǩiõđ âʹlnn. |
| s-24
| Son kulddleškuõʹđi, toʹb koll’je, ruuʹdid täkka da tõid. |
| s-25
| Källsaž ceälkk tõt što ”ååʹn muännaid kåʹdde”. |
| s-26
| No son mâʹst teâtt ... |
| s-27
| Na källsaž ceälkk: ”Muu ko kooʹddže ton jiõk õõlǥ käggõõttâd vuõʹste. |
| s-28
| Muu ko kooʹddže de aaudže de tueʹllj piijže dõõzz-e kuäʹttnjälmma de näʹde ton õõk njuiʹǩǩeed pâʹjjel tõn tueʹllj õõk njuiʹǩǩeed, di jos piâzzžiǩ pâʹjjel tueʹllj de teʹl jiâ kååʹdd tuu.” |
| s-29
| No son âʹtte vaaʹldi, teä koll’je, puõʹtte teâđast kaarbivuiʹm käʹrbbe, šeʹlle, puõʹtte. |
| s-30
| De suu teâđast ... son käggõõđi teä suu koʹdde, pačču di koʹdde. |
| s-31
| Na aʹhtte... kueʹhtt oummu liâ, aʹhtte di tueʹllj leâvvje, son ǩiiččad, ǩiiččad mäʹhtt. |
| s-32
| Na son njuiʹǩǩii pâʹjjel tõn tueʹllj, njuiʹǩǩii de kuåsti mutta õhtt peäʹlǧǧ kuõski de tõt šõõddi kämmǥa peäʹlǧǧ. |
| s-33
| Ceälkk: ”No mõõzz eeʹjjed kooʹddid.” |
| s-34
| Na tuk ceäʹlǩǩe: ”Gu lij nåkkam nuʹt lij šõddâm ja tok-i ton še leʹjjiǩ mõõnnâd mutta jeäʹp teâttam.” |
| s-35
| Son leäi pieʹʒʒid vueʹtǩǩmen. |
| s-36
| De leäi, leäi de ooumaž puõʹđi. |
| s-37
| Son leäi mieʹccest pieʹʒʒ vueʹtǩǩmen, ooumaž puõʹđi suu luzz, säärntõlškuõʹđi. |
| s-38
| De suu vaaʹldi kaavân tõt ooumaž, son vuõʹlji. |
| s-39
| Na suäna jälsteškueʹtte, jälste, jälste de suännast päʹrnn šõõddi. |
| s-40
| Päʹrnn šõõddi de ooumaž ceälkk što ”tueʹllj jiõk õõlǥ, kåʹddtueʹlljid jiõk õõlǥ kooǯǯted”. |
| s-41
| Son mieʹccest jåått de kooʹddid kådd di ceälkk što pärnna tueʹllj jiõk õõlǥ kooǯǯted. |
| s-42
| Na joo jälste, jälste âʹtte što måttmešt puõʹđi di de lij tueʹllj koǯstam kåʹddtueʹllj, päärnaž lij koǯstam kåʹddtueʹllj. |
| s-43
| De ceälkk: ”Muu kâʹl jiõk teänab kuuʹǩǩ vueiʹn mon leäm vuâlggam.” |
| s-44
| Di teʹl tõt vuõʹlji tõt ooumaž, tõt kuâđđji kaav paaʹrnines jälsted, päärnaž âʹtte lij siõmpäärnaž. |
| s-45
| Mâŋŋa dââʹst šõõddi ... vitmlo ekksaž päʹrnn šõõddi. |
| s-46
| De son še jåått âʹtte muõrid kuâdd da jåått ... kooʹddid šeell, kooʹddid šeell. |
| s-47
| Måttmešt puõʹđi suäʹrv puuʹti, vuälggõõǥǥ puuʹti, luâdškuõʹđi ǩeeʹjjmieʹldd muõr luâdškuõʹđi, ceäksti. |
| s-48
| ”Puäʹđ, puäʹđ jeännam puäʹđ,” ceälkk, ”oiʹǧǧe juâlǥad tõn kõʹsǩǩe.” |
| s-49
| Tõt puõʹđi, jueʹljes oiʹǧǧii, son ääušas roʹttji meädda, ceälkk: ”Mõʹnt jeäʹnn, mõʹnt jeäʹnn muʹst eʹčč iʹlleäk, säärn ton što mäʹhtt ton leäk muu raajjâm jeäʹnn ko eʹčč iʹlleäk?” |
| s-50
| No jeäʹnnes päkk leäi särnnad, ceälkk: ”Eččad leäi nuʹt... eččad leäi kaunnâm muu mieʹccest, mon leʹjjem pieʹʒʒ vueʹtǩǩmen de eččad leäi muu kaunnâm mieʹccest, de vaaʹldi muu kaavân. |
| s-51
| Di kaavân ǥu vaaʹldi de ton âʹtte šõʹddiǩ. |
| s-52
| Mieʹccest jåått di ceälkk, što tueʹllj i-ǥõl kooǯǯted, kåʹddtueʹllj i-ǥõl pärnna kooǯǯted. |
| s-53
| No kuuʹǩǩ ääiʹj mij jieʹlim ...”, jeäʹnnes ceälkk, ”jiõm leäkku kooǯǯtam. |
| s-54
| Måttmešt vaʹlddem di teä koǯǯâm leäk tueʹllj. |
| s-55
| Koozz lee vuõʹlǧǧem, koǯǯâm leäk tueʹllj. |
| s-56
| De eččad puõʹđi, eččad puõʹđi mieʹccest de ceälkk: ’Jaa ton leäk kåʹddtueʹllj kooǯǯtam pärnna. |
| s-57
| De mon vuâlǥam ja muu jiõk kaaun teänab.’ |
| s-58
| De son vuõʹlji.” |
| s-59
| Näʹde mäʹhtt vâl. |
| s-60
| Kâʹl son še vuâlgg, aštââll, kâʹl son še vuâlgg. |
| s-61
| Näʹde täävtõõđi âʹtte peeʹlljid pärnnses täävtõõđi. |
| s-62
| De reäkk da särnn da mättat što mäʹhtt âlgg jååʹtted što oummooumaž ij kååddče tuu, naa. |
| s-63
| Näʹde son âʹtte vuõʹlji, näʹde tät jeäʹnnes teâđast nuʹt-i paaʹʒʒi pääʹltâʹstted, di leuʹdd âʹtte leäi mâŋŋa tõʹst: |
| s-64
| Kåʹddpäärnaž, kåʹddpäärnaž, ton veʹt vueʹljžiǩ-a, ton veʹt vueʹljžiǩ. |
| s-65
| Tuõddâr jânnam šõllneškuõʹđež di reiʹǧǧruʹvdd poouǩeškueʹđež. |
| s-66
| Tiâr olgglab, tiâr olgglab-a. |
| s-67
| Kåʹddpäärnaž, kåʹddpäärnaž, muõrrmaddja kâssneškueʹđež de reiʹǧǧruʹvdd poouǩeškueʹđež. |
| s-68
| Tiâr olgglab, tiâr olgglab. |
| s-69
| Čeäkkleemaainâs lij nuʹt što ... |
| s-70
| Oummu liâ jååʹttmen di ǩeäzz ko son tätt čuäjtõõttâd de tõt-i vuâmmaš. |
| s-71
| Son âʹtte lij ko... nåkkam lij... suõvv älgg kueʹstted nåkkam, de tõn suõv luzz ko väʒʒ de ij ni mii kueʹst. |
| s-72
| Mutta tõn suõv luzz ko väʒʒ de vuõddjez nuâll de peejj, tõn suõv ool peejj juâlǥašm. |
| s-73
| Näʹde tok ... pâi-i nuâll, tok ǩeâss. |
| s-74
| ”Ǩiõzzam ǩiõzzam čuõlmmääm, ǩiõzzam ǩiõzzam čuõlmmääm” toʹb kollai “ǩiõzzam ǩiõzzam čuõlmmääm, ǩiõzzam ǩiõzzam čuõlmmääm.” |
| s-75
| De ko poott, tõt pââjas ko ǩieʹzzškuätt, de čeäkkli eett, puätt, son lij mâʹte ooumaž. |
| s-76
| Puätt, de tõt ooumaž väldd dõnnõǥškuätt što ”mâiʹd pooutak?” |
| s-77
| Na son âʹtte pohtt puk jällmõõžžâz toʹben, pohtt, pohtt, pohtt, pohtt tõzz ool de iʹlmstââvv. |
| s-78
| De ceälkk što ”jiânnai-a vääldak?” |
| s-79
| Tõt ooumaž ceälkk, jos ij täätt puk väʹldded, ceälkk što ”no peäʹl vääldam, peäʹl jällmõõžž vääldam.” |
| s-80
| A kååʹtt ko lij... nuʹt še lij kaađâš ooumaž ko lij što ”mon puk-i vääldam”. |
| s-81
| Näʹde son âʹtte puk oudd, di jiõčč tietenki tok kuättses mâânn, leša tõʹst ij šõõdd šiõǥǥ jieʹllem, puk ku väldd čeäkklee jällmõõžž. |
| s-82
| Tõzz ij šõõdd šiõǥǥ jieʹllem, mutta kååʹtt ko peäʹl väldd tai kuälmõõzz ko väldd ni tõt lij reeʹǧǧesvuõtt ja šiõǥǥ jieʹllem lij tõn oummust. |
| s-83
| Joo mon tõn räjja teâđam, jäänab jiõm tieʹđ. |
| s-84
| Mutta mon jiõm muuʹšt mainsted puârast. |
| s-85
| Niõđâž âʹpet lij, de toʹben lij ääkkaž de tõn ääkka håiddmen âma lij niõđâž di ... tõk liâ teâđast dõõk... a hoiʹddje toʹben ... |
| s-86
| Leäi, leäi di âʹpet ooumaž lij tõn niõđ teâđstam di son tõn niõđ vuõddmâstõlškuõʹđi ja sitten son mâŋŋa vaaʹldi kaavân. |
| s-87
| Näʹde järraz âʹtte gõs tõn ääkka kâʹčče, što koʹst lij ja mäʹhtt lij tõt nijdd šât. |
| s-88
| Son ceälkk, son ij tieʹđ, näʹde måttam liâ teâđstam teâđast että kuuskõõzz liâ tõn niõđ välddam, de mâiʹd toʹb rõssad ni måttam liâ teâđstam. |
| s-89
| No kâʹčče, kâʹčče: |
| s-90
| “Mâiʹd ääkka niõđâž rõssad?” |
| s-91
| – ”Ääkka niõđâž ij ni mâiʹd, ääkka niõđâž pâi peeiʹvin da mannuin seârr, kåʹllkåʹđđnjõõzzid kååđđ.” |
| s-92
| De âʹpet nuʹt-i jälsteškuäʹtte, jälste, jälste. |
| s-93
| Âʹpet toʹb da måttam vuâra aalmi-han kâʹl jåått da teâtt. |
| s-94
| Mâŋŋa teâđsti di tõid teâđstââll što mâiʹd tõt nijdd rõssad. |
| s-95
| A pâi ceäʹlǩǩe, što ääkka niõđâž kåʹllkåʹđđnjõõzzid kååđđ, miõtt-talkknid kâʒʒ, kåʹllkåʹđđnjõõzzid kååđđ, peeiʹvin da mannuin seârr. |
| s-96
| Leäi kueʹhtt viillj liâ de õhtt nijdd lij. |
| s-97
| Õhtt vuäʹbb lij seeʹst. |
| s-98
| Di sij koozz vueʹlǧǧe, de puk vuäbbses poʹhtte põʹrtte. |
| s-99
| Čääʹʒʒid di muõrid di puk poʹhtte, vuäʹbbes i-ǥõl ni koʹst jååʹtted. |
| s-100
| No måttmešt vaʹldde... de liâ čääʹʒʒtää kuâđđam, čääʹʒʒ jeäʹla kuâddam. |