| s-1
| Pemo , oinore Pao iere boe oto ji |
| s-2
| Pemo koiare icare ure Pemo metyia iegi . Mare ia pagaboe karega . Nowy Pemo onaregedy . Tonaregedyre ure jeto boe ji pugeje . Mare nowy onaregedy botukare aredy piji . Koia karega ure towyje jamedu |
| s-3
| Ure boecodydo . Nowy Pemore boecodydo . Dytabore icare makore nowy tonaregedy bogai baito . Bai tadare ure tuguwo |
| s-4
| Makore tonaregedy bogai nowy baito to , akore imedy ! Dykeje icare ure iegi . Akore imedy Baraedugume ! Makore pugeje . Akore imedy Braedugume ! |
| s-5
| Akore Aebu mato , awo akowarydo , aerydywo joru ji , aerydywo barogwa kododu ji ; awo akera kabi , awo ae kabi , awo aia kabi , awo awyre kabi ; awo ape kujagu barigu , awo akiguru kujagu barigu ; amearydy awadywo ai ! |
| s-6
| Akore Uw ! Icare makore |
| s-7
| Icare ure boecodydo pugeje . Icare barogwa kododydo , dytabore icare nowy onaregedy makore tumedage ewogai pugeje , akore João ! Makore pugeje , akore João ! Kudugodure , akore Kao ! |
| s-8
| Akore Aebu ! Awo akowarudo , aerydywo joru ji , awo akera kabi , awo ae kabi . Akore awo ape kujagu barigu , awo akiguru kujagu barigu , amearydy awadywo ai |
| s-9
| Icare ure boecodydo pugeje . Icare ure barogwa kododydo pugeje . Icare nowy onaregedy makore pugeje. Akore Mané ! Akore Mané ! Dykeje icare kudugodure , akore Kao ! Akore Aebu mato ! awo akowarudo , aerydywo joruji , awo akera kabi , awo aia kabi , awo awure kabi , amearydy awadywo ai ! |
| s-10
| Ure tuiebu |
| s-11
| Mare nowy ime eerydykare ji . Eerydykare nowy imedy ji , eerydykare Pemo ji . Eerydyre nowy Pemo ji , ukare emearydae reore : aora bokware , joky bokware , enoja bokware , kana bokware , pogora bokware . Ia boe aiarewy padure nono joru okwai : ekure , kujagure , core , kaworure . Oinore ure dure padure nono , nowy inodu renure ji gu ... |
| s-12
| Mare nowy ime eerydykare ji . Eerydykare nowy imedy ji , eerydykare Pemo ji . Eerydyre nowy Pemo ji , ukare emearydae reore : aora bokware , joky bokware , enoja bokware , kana bokware , pogora bokware . Ia boe aiarewy padure nono joru okwai : ekure , kujagure , core , kaworure . Oinore ure , dure padure nono , nowy inodure renu re ji gu ... |
| s-13
| Ca ! Boecodure pugeje . Ure barogwa kododydo pugeje . Icare akore Nowé ! Akore Nowé ! Dykeje icare kudugodure , akore Kao ! Akore Aebu ! Awo akowarudo , aerydywo joru ji , awo akera kabi , awo ae kabi , awo aia kabi , awo awure kabi , awo ape kujagu barigu , awo akiguru kujagu barigu , amearudu awaduwo ai ! |
| s-14
| Icare boecodure pugeje . Icare ure barogwa kododydo pugeje . Icare makore ia imedy bogai pugeje . Akore Kiko ! Akore Kiko ! Kudugodure Kao ! Akore Aebu ! Awo akowarudo , aerydywo joru ji , awo akera kabi , awo ae kabi , awo aia kabi , awo ape kujagu barigu , awo kiguru kujagu barigu , amearydu awaduwo ai . |
| s-15
| Arigao Bororo biagare tuje oino , dykaere boe etaregodyre |
| s-16
| Urugubo , Tadari Umana oinore iere pugeje , okwa ji , Arigao Bororo padyre , mare paru keje jokodu karega , tadadu cobugi padyre |
| s-17
| Arigaodoge ewurea padyre ty keje |
| s-18
| Boe emarure nowy arigaodoge ekoda paru bogai ; mare erydykare koda paru ji |
| s-19
| Awy Aroroere emagere erydyre ca nowy arigaodoge ewurea ji |
| s-20
| Dyrekodajire icare Iwagududoge eigoiare , icare ere Arigao Bororo okwa tawuje |
| s-21
| Eigoiare icare ere Arigao Bororo aru awy Mano Kurirewy , Mano Baru , Baitogogo , Kaborewy epiji |
| s-22
| Ere tugimo pariko tugu etao to ere edo ty ciemagu ji Arigao Bororo ji icai tuipemegado duji |
| s-23
| Boe egore Iwagududoge tugodyie boe Arigao Bororo kae , dytaboie icare Iwagududoge ere Arigao Bororo akudo baragara tabo |
| s-24
| Dytabore icare arigaodoge epadyre towororo Arigao Bororo kajeje |
| s-25
| Boe egore arigao akore kui , kui , kui ; je padyre moto kajeje rugadu |
| s-26
| Ure toiado bai Aroia Kurirewy bure paru to . Boekimo , rema corewy rabodu |
| s-27
| Ia aregodyre arigao pugeje ; akore kui , kui , kui ; je padyre moto kajeje , icare ure toiado bai kuri tuku Butore Agadu bure paru to |
| s-28
| Boekimo rema ! Arigao kujagurewy |
| s-29
| Ia akore pugeje kui , kui , kui ; je padyre moto kejeje pugeje , icare ure toiado bai kuri tuku Okoge Ebowy bure paru kajeje |
| s-30
| Boekimo rema ! Arigao Kigadurewy rabody |
| s-31
| Oino boe egore : dukeje icare arigaodoge etaregodyre , etaregodyre , tuiamedu tabo |
| s-32
| Dytabo Boe egore dytaboie icare arigaodogere tumaedo oino Iwagududoge eiogi |
| s-33
| Oinore Boe egore arigaodoge co pega pegarewyge ; kigadu pega pegarewyge icare ere tumaedo , oino , Iwagududoge eiogi |
| s-34
| Awy arigao co maerewy bure jore co metudu to , kodire core |
| s-35
| Metyia arigao kujagurewy bure jore uro to |
| s-36
| Metyia arigao kigadyrewy bure jore noa to |
| s-37
| Kujagu maere , kigadu maere , co maere , awygere , enoroe pemegare ; kodure boiwuge , emagere enoroe pemegakare |
| s-38
| Dytabore icare Aroia Kurirewyre arigao co maerewy ure maky Akaruio Bokodori ai |
| s-39
| Icare Akaruio Bokodori akore Bakoro Uwuria , oino arigao corewy ji |
| s-40
| Butore Agadu ure arigao Kujagu maerewy maky Kaigu ai , icare Kaigu akore Arigao Koca . Oino tagu arigao ji |
| s-41
| Okoge Ebowu ure Arigao Kigadu maerewy maky Porirewy ai , icare Porirewy akore Arigao Kigadurewy rugadu , ie bokwa |
| s-42
| Iwagududoge ere ia Arigao Kigadurewy maky Ino Kuri ai , eno core |
| s-43
| Icare akore awy arigao iemode Arigao Aeno , oino akore |
| s-44
| Ere tugerago co pega pegarewy ; ere maky Jerigi Otojiwu ai , icare akore Arigao Kogojeba . Oino rugadu |
| s-45
| Iedaga koiare , ure ikie maky inai . Iedagare iere Pemo . Koiare , ure ikie maky inai . Koiare , ure iwadary maky inai |
| s-46
| Koiare ure iorydywado ikerogu boe ji . Koiare ure iorydywado boe pemegarewy ji . Koiare ure itawara motydo . Koiare ure iorubodaregedo |
| s-47
| Iwudure Koroia keje . Iogware , iwagudu , iere Kodoridureu , iere Butoregadu . Imuga Iere Butugo Mugu , Bokodori Eceraredo . Imugure Koroia keje jii , kejere iricodure |
| s-48
| Dykeje icare ityre . ityre woje bakowuboe to , ora kae , ioga apo , imuga apo . Ikodure apowuge emegaguragare . Boe ekodo jii toro , boe etaredodure Kiwabo to . Kiwabo piji Boe eture toro Tuguribo to , dypijire cedyre Tuborebo to , dypijire cedyre Bakurebo to |
| s-49
| Dykejere Boe ere tugirimi mato pugeje , etaidykare toro pugeje kodi . Ekodure mato , mato , Tuguribo to pugeje . Nonore ere bato . Boe emagare . Ia barae mugure Boe ebo . Makore Boe ei boe ewadary tabo ia meriri mako rakarewy tabo . Joru makare nono |
| s-50
| Dykejere eture mato pugeje . Adugo Jari tada , itura kurirewy , ere bato . Emugu raire . Adugo Jari pijire cedyre Bopejao kae |
| s-51
| Icare cedyre piji pugeje . Cegodure jii . Kuruie Emerao to , mano kaere kuruie ety etyre , kodi icare iere Kuruie Emerao , maridoguru . Boe edure nono jii je , togwage tabo tugerogu boe ji : tuge aigujo , tuge mano , tuge otoe |
| s-52
| Boe eedure nono togwage tabo tuge jugo ji , tuge buke ji , tuge apogo ji , tuge okwaru ji , tuge ki ji . Ii ! Boe eke kurinure rugadu ! |
| s-53
| Uw ! Icare Boe eture pugeje . Boe ekodo pugeje jii ... Boe etaregodure Aodorodoge Emerao maridoguru to pugeje |
| s-54
| Uw ! Boe motyre ! Kugaru motyre , ekure , nowy maridoguru jipa ji . Iere Aodorodoge Emerao maridoguru . Nowy mano kaere ipare ere erere |
| s-55
| Ca , nowy piji icare Boe etaregodyre , tumode tugado puiatowy kae . Koroia kaewyge ekodure woje , pagana koborewy jaogwai . Kejari kaewyge woje pagana pemegarewy jaogwai |
| s-56
| Uw ! Icare Boe erore taci , cai tugodure kodi . Enoiogwarire , ekudure , tuiegare tabo . Wo , cai tudure dyji ! Erore toro ta ... Cerore woje ta ... Kejari kae |
| s-57
| Uw ! Boe motyre cedododai . Nowy cemedage ma , boe motyre toro etododai jamedy |
| s-58
| Icare cedaregodyre . Ia boe ewogware , ia boe ewire Kejari keje , dykae radu cedaregodyre . Boe emagare , dykaere cedaregodyre , ia etumedyia bire dykae |
| s-59
| Kodire padyre ba oiadoda . Dykaere cedaregodyre . Kodi icare , nowy ceroino apowu cegimejerage eragodyre , nowy birewy keje . Uw ! Boe emagare kode Boe enure boe motydo ty rugadu . Oino |
| s-60
| ityre Koroia piji dykeje iwiegare tuje , pitorire . Itaregodyre mato Kejari kae dykeje iparedyre imi . Iragoje raire Kejari keje , iparedyre imi dytabo |
| s-61
| Iorydyware jiwygere Meriri Poro , metyiare Kamoreu , tugarege . Iorydyware jiwygere Bakoro Kudu , metyia Akaruio Bokodori , cerae |
| s-62
| Irore jiboe boe otojiwy Mano rekodajiwy Baiia |
| s-63
| Kejari keje iorydyre ji . Batary aregodyre toro , akore : Tugarege , Cerae , tapira bito , itaregodymode toro ! |
| s-64
| Dykeje Badojeba Bakoro Kudu uwadodyre akore : Uw , kodire inago oino ... itore tagae , imedymage tagae |
| s-65
| Ia imedy uwogure |
| s-66
| Nowy imedy , iere Meriri Baru , Paiwedu |
| s-67
| Icare karore togwa to ji |
| s-68
| Ure tumugudo keje akore : inoba boemode ? Tui tumugudo keje |
| s-69
| Akore hm ! |
| s-70
| Icare nowy karo kugudugodyre |
| s-71
| Icare ure to urubaru to . Ure tumugudo keje pobo piji , boe ao kae |
| s-72
| Icare karo akogodyre , akore hm ... hm ... hm , tubadui |
| s-73
| Icare nowy imedyre ipo to aora ji po po po ! Icare ure bito ty |
| s-74
| Ure taiwodo kodudu bogai , jorydyre nonogo ika ji , akore : Awy rugadu ! Awy iwoi pemegare |
| s-75
| Icare ure iwoi tawyje , ure tugera pemegado ji , ure iado , icare ure tugu koja to , icare ure udo turugadu |
| s-76
| Dykeje ure tugera bu bai kajeje , ure udo pobe ma awy metyia bokware |
| s-77
| Icare ure tudugu nowy karo ji , ure bu mato tuboru keje , nowy bai kujiagi , icare ure nowy riwudu jeto taobiri ji , icare utyre apo |
| s-78
| Kodure apo jii je , aregodyre apo ba to |
| s-79
| Akore : itore kugure , tagogwage pemegado , ire karo bito , inure ikedy amado ji |
| s-80
| Ore kugure egore : He e ! He e ! He e ! Page karorogu , page karorogu ! |
| s-81
| Icare ure kagirido ty ... Ure iado , icare akore : Kodoro ! Pawo kogudo ! |
| s-82
| Icare ure kody jamedy kogudo . Icare ure iado , ure akedydo |
| s-83
| Dykeje icare ure jorugo . Ure pobo tugu aria to , ure mugudo joru tada , icare ure nowy kody tugu to |
| s-84
| Icare beregodyre dykejere , akogodyre pugeje . Akore : hm , hm , hm , nowy tuwere inody ji |
| s-85
| Icare nowy imedy Meriri Baru akore : Uw ! Aroe ji rade itogeadyre , iorydyre ! |
| s-86
| Dykeje icare karo makore pugeje , akore : Woie , Woie , Woie ! |
| s-87
| Icare akogodyre pugeje , akore : hm , hm , hm , hm ! |
| s-88
| Icare akore : Woie ... igo ! Woie ... igo ! Woie ... igo ! Woere ikodure , woere itugudyre |
| s-89
| Icare kodyre . Icare ure tawyje . Icare ore kugure ere kowyje |
| s-90
| Dykeje icare ere batagaje towyje , batagaje oia kujagurewy , oia ekurewy . Dykejere icare ere to , ere pemegado , ere towyje |
| s-91
| Dykeje icare ere tubemegado , ere tugujagudo , ere tuiejiwudo , ere taipodo , ere tuiba gogudo , tuwo roia ta tabo |
| s-92
| Icare Tadugore tugeragu butore ji , ure tugera kogudo Ki Bakororo iera ra parugajeje |
| s-93
| Icare ere tugeragu pana ji , pariko ji , bapo kurirewy ji , baporogu ji , dytabore icare eture tabo , ere turemo Ki Bakororo uwai to |
| s-94
| Icare ere cewy Iro ko . Egore : Iroooo ... |
| s-95
| Akedy kejere icare Tadugore tugera bu Ki Bakororo ao keje , akore : Oieigo jetuiaga , Bokodoriware iga oieigo wararere , tagaruio Bokuojeba Bakororo tuiagajejewy onawuio okwabijire . Oieigo jetuiaga |
| s-96
| Dykeje icare ere roia ta ji |
| s-97
| Dykeje icare emagore nowy cimo nonogo ji , emagore nowy cimo kidoguru ji , emagore nowy cimo kiogoagiri ji , emagore nowy cimo kuje bo ji , emagore nowy cimo nabure bu ji , emagore nowy cimo nabure oiaga ji , kuido oiaga ji , emagore nowy cimo nabure aro ji , kuido aro ji , emagore nowy tuie kejewy ciwaboe etoiaga ji , emagore tuguie bokodori ji , emagore tuguie akigu ji , emagore tuguie meriri ji , emagore uworo aroeceba ji , emagore tuworo kuruguga ji , emagore tui aroedu puje dyji , emagore tuwiadawu cugui biri ji , emagore tadugo Bakororo atugo ji , emagore turijo oinono pureore dyji , emagore tuwaiga ao keje dyji , emagore Aije ji . |
| s-98
| Imi iorydyware , ice , imuga koiare ure iorydywado |
| s-99
| Makore boe ewadary tabo , pawadary tabo kodire imagore pawadary ji |
| s-100
| Kodire irijodyre imagore pawadary tabo dyji |