| s-1
| сара сыхьиз фатимапI |
| s-2
| сара йшвасхIвырныс йстахъыпI сшарыпхьагIвхаз |
| s-3
| сара санхвыцыз сан лаща ари английскала йалрыпхьуштI хIва йгIасайхIвлун |
| s-4
| саргьи ауи схъа йтаскIын апхьарта съадзапхьузгьи сангIалгагьи ауи акIвымкIва закIгьи гьстахъымызтI |
| s-5
| апхьарта сангIалга аинститут сцатI |
| s-6
| йсгвапхадзауата бзидздза йызбауата сапхьатI |
| s-7
| апхьарта сгIалгищтара сквшы гIвынгIважви жвих цIытI |
| s-8
| ауищтарагьи сара апхьарта асабиква ангьлызбызшвала йасрыпхьид |
| s-9
| сара асабиква бзи йызбитI сынхартагьи бзидздза йызбитI |
| s-10
| щарда цIитI ари агIаншижьтара |
| s-11
| апхъа азаман уагIахъата адунай йыквыз шабгаз йазкIкIыта зджьара йбзазун |
| s-12
| ауат зымгIва йщардачвахатI йъатаз |
| s-13
| йасын йхъвыцын унашва рчпатI |
| s-14
| араъа апны хъалырта хIчпапIта анчва спсы зкъвырману йпны хIхъалпIта хIицIгIапI араъа хIтищтырныс |
| s-15
| йалагатI чвымла ауыра рчпауа йалагатI |
| s-16
| ачвымла рчпатI йдыргылын унадзума ажвгIванд ахъахь |
| s-17
| йгьзынамдзатI йагIакIашвахын йкIахIатI |
| s-18
| уадыргIвана апегIамбар дгIаразцIгIатI йачIвыйа йшвтахъху |
| s-19
| хIара анчва спсы зкъвырману хIйыхIвата араъа хIтыцIырныс |
| s-20
| ауыла хIйыхIвушын рхIватI щта |
| s-21
| йшвызйасхIвпI ауи ахабар швызгIазгхпI йхIватI |
| s-22
| йцан заман апегIамбар дгIайтI |
| s-23
| ауи йуитI швара швмурад ауаса араъа йтыцIуа зымгIвагьи йтыцIуа закIызакI хIахъвы швыцтыжвгуштI йхIван |
| s-24
| ауаса йырчпад йасын зымгIвагьи йтыцIыз шабгаз йтыргатI амаша ду апны |
| s-25
| угIахъакI гIанхатI ауаса ауат гьызгIатымцIтI хIахъвыкIгьи гьгIатамхатI |
| s-26
| уадыргIвана апегIамбар алахI дицIгIатI |
| s-27
| ачIвыйа ари йгIанхакваз руыс шпацуш нихIва асхъан алахI ауи йхIватI |
| s-28
| ауат йгIанхаз аугIаква |
| s-29
| ауат злачважвауа абызшва заджвгьи йымдыруата |
| s-30
| ауаса ауат йтыцIкваз рыбызшва ауахьауат зымгIва рыбызшваква гIаргвынгIвуата йбзазуштI |
| s-31
| ауаъа йгIатахакваз абазаква ракIвапI |
| s-32
| йгьи ауат рыбызшва абаза бызшвапI |
| s-33
| асабиква анахь архъа апны йышнаргуаз апхIвысква йрабымхIвума |
| s-34
| апхIвысква рхъачваква арма йаъанта асабихвыц змакву архъа йнаргуанта абари апш ашIуна адына амашаква гIаржуанта асабиква ауаъа йдыргылуанта дара рашвун |
| s-35
| уадыргIвана пхIвыскI лсаби дгIалхъаштылын йхъвлан йгIаталхд архъа |
| s-36
| асаби дчIвыуа дчIвыуа дчIвыуамцара адына ангьи дгIатыцIын аныла дчIвыуид арыла дчIвыуид дныкъвауамцара |
| s-37
| лан дангIайх асхъан асаби дгьлымдырхд дгIаргхдзылщан |
| s-38
| йхъвлата йатахъалхын архъа асаби дчIвыуата дгIащтIырхын дгIаргхд ауандырла даквдырчIван |
| s-39
| абарауи апшта йбзазаквад ауагIа швабыжта швабыжта йгIапсад ауагIа |
| s-40
| ужвы ужвы закIы гьырчпум |
| s-41
| ужвы йырчпауа мачIпI ауи |
| s-42
| псори зымгIвадзуги гIарыквырпсид |
| s-43
| барахлоквагьи хъаги зымгIва йрымаб |
| s-44
| барахлокIгьи гьхIымамызтI хIара |
| s-45
| ахвтан заджвыкI хIымазтын хIара йхIшвахIцIунта архъа хIцун |
| s-46
| саба йахща невинка йгIатыргунта ласа гIаргванта вязать йсчпатI наскьи афронт йаъакву йрыртуашта |
| s-47
| ауат счпауамца тшасрыщцан уыжвгIандзарагьи йсчпитI ауи наскьи уыжвгIандзарагьи |
| s-48
| пятьдесят пятый год агIан хъацIа сйыццатI |
| s-49
| съацаз афронт далата аратквагьи хъагьи йырхвын |
| s-50
| йырхвын ауи йапшта дчмазагIвыта сйыццатI |
| s-51
| йщапIы араъа хIскIолкIакI йалата йгвы араъа йташваз ахы арыла йыхъвда йагIалцIхын |
| s-52
| йыпыцква йыцIырхуамцара аскIолкIаква гIахъаргылхтI закIгьи гьйымахмызтI |
| s-53
| йшйымахымзымцара дпсыхтI йаргьи |
| s-54
| дпсыхтI дгьсымахым ауыгьи дгьсымахым |
| s-55
| па заджвыкI дсыман |
| s-56
| ари ахыгIвхIвсысакIищти пакIи дсыман |
| s-57
| спа акъарчаква дырщын дсызгIаргхтI |
| s-58
| ахча ахъазла |
| s-59
| вот ауат зымгIва са сылагвы йыцIстI зымгIва |
| s-60
| ужвы здоровагьи гьсымахым сгIанхахтI |
| s-61
| сара сан дадыгьаб |
| s-62
| ауи асквшы зкьи жвшви гIважвы жвба аcхъан дгIадрид |
| s-63
| лаба зкьи жвшви гIважвыжвах асхъан дырщитI |
| s-64
| лангьи асквшы зкьи жвшви гIвынгIважва хвба асхъан албыргIан абольница апны атиф дагад |
| s-65
| ауат йгIарылцIла дампхьауата дгIанхатI |
| s-66
| хIара хIнапхьуз асхъан хIхвыцквата хIнапхьуз асхъан ахIарыфква ллырдырын псайспадза зджьакI гIанылхквун |
| s-67
| ауи апшта зны хIыбызшвала апхьарта апны тшазсымрыхIазыруата санца асхъан гIвба гIазгын гIвба стетрадь йаныта хIпны сгIайхд |
| s-68
| хIан дгIасцIгIатI ари йамгIаныйа лхIвад |
| s-69
| йласхIвд мама ари хIыбызшвала акIваб |
| s-70
| угьымпхащума лхIвад уыбызшвала гIвба гIаугныс |
| s-71
| сара ачIвыйа йысчпушыз |
| s-72
| щта йгIазгд схIвад |
| s-73
| уыджвылцIта лхIвад унапIсаргвыцIа азна бацацIахва сызгIагы лхIвад |
| s-74
| саргьи ауи сазхъвыцуа сджвылцIд йзылгвалищд ари бацацIахва хIва |
| s-75
| абацацIахваква ансызгIалгыз асхъан сарманапIы гIалкIын бзита абацацIахваквала сагвылрцыд |
| s-76
| угьымпхьащума лхIвад уара йгьи убызшвата гIвба гIаугуата лхIвад |
| s-77
| сара сазрыпхьарыз дыгьсымамызд сгьампхьазд ауи сгвы йасуа адуней сыкIвб лхIвад |
| s-78
| ауаъа йгIашIарышвта хIан рыцхIа лхIатырла лара адуней дгьыквхым хIан рыцхIа лхIатырла лыбызшвагьи хIлырдырд хIыбызшвагьи хIлырдырд |
| s-79
| апхьага гIасахвта араса йшгIахъсрышвтуа cан сыла дгIацIалид йанакIвызлакIгьи |
| s-80
| ауи спсыхындзкIьа йгьсхъаштылхуашым йсзыгIанхатI тынхата сан рыцIха йылчIвыта |
| s-81
| квтIагъьгIважва гIатурычIвитIта |
| s-82
| ауи аъара столовая ложка дзыта йалаучвахитI |
| s-83
| мхIачIва мхIачIва столько мхIачIва дзыта йалаучвахитI |
| s-84
| афачыгIв угвы йшангIалуа уа йшутахъу йутахъызтын хъгIадзата йчпа йутахъызтын |
| s-85
| ауи чвгьата йыугIватIитI йыугIватIитI |
| s-86
| ари йгIватIитI совсем йапцIхвхвауата почти час можно йыугIватIуаштI сахIаткIдза |
| s-87
| ауаъа йалаупсахитI шыла шылала йыукIвхIитIта |
| s-88
| ашылала йанукIвхIара асхъан йуымрыбагъьан |
| s-89
| йуымрыбагъьауата ауи дыната йчпата йутахъызтын арса чIврыта цIагIвта гIвмачвакI зквшвауала йрыгIв арса лентIа апшта |
| s-90
| ауи ачашврыгIвга гIахв ауаъа йакIвыршата |
| s-91
| акастрюль цIолата хвша дына масло тачвата ауи йтаргылта ауи тшакIвнахуа тшакIвнахуамца арса йдута йбабадза йцитI |
| s-92
| азджьакIгьи са йшсчпауа ауи акIвапI круглата кататьсчпитIта арса цIагъата |
| s-93
| ауи ахIвспала агвы йагIвсырсахитIта йаквсырчIвитIта |
| s-94
| крупно бабадута арса йцахитIта |
| s-95
| вкусно закIта хъгIа аъахым акIвапI ауи са бзидздза йызбитI |
| s-96
| йсчпалитI ауыгьи пироггьи счпитI ауыгьи счпитI |
| s-97
| ахIальыуагьи рчпитI ауеб йшыъу зымгIвагьи йшыъу |
| s-98
| адзырдзагьи хIара дзырдза хIхIвитI акъабардийаква щыпс рхIвитI |