| s-301
| Приѧтелем нашим милым, паномъ всимъ ратманомъ ризкимъ |
| s-302
| Ѡт бояръ полоцких и мѣстичевъ приятелем нашим милым и соусѣдом нашимъ, посадником ризскым и ратманом. |
| s-303
| Послали есмо до вашеи м(и)л(о)сти брат(ь)ю свою, Митка Троуфановича а Павла Медвѣдѧ, а иныхъ с ними. |
| s-304
| И што боудоутъ вашеи м(и)л(о)сти говорити наша братья, и вы бы имъ вѣрили. |
| s-305
| Боярѧ полоцкые и мѣстичи вашеи м(и)л(о)сти кланѧютьс(ѧ) и челом бьють |
| s-306
| + Приятелем нашим милым и соусѣдом нашим, посадником ризьскым и ратманомъ |
| s-307
| + Ѡт бояръ полоцкых и ѡт мѣстичов и ѡт всег(о) поспол(ь)ства нашим мілым пріятелем и соусѣдом, посадніком ризкым и ратманом. |
| s-308
| Што пішете до нас о своих кꙋпцѣх, што забавлены были в нас ваши кꙋпци, ино про то был въздержилъ ваших кꙋпцевъ пан Ондреи, воевода полоцкыи, наш оспод(и)нъ, што наши ꙋ Невгині были забавлены и посоромочены, и коні ѡтоиманы, а наши ж кони. |
| s-309
| Ино про то был пан Ондреи, воевода полоцкыи, ваших въздержал, доколѣ грамота исходить до невгинска коунтырѧ. |
| s-310
| А как грамота прішла от невгинскаго, и ваши кꙋпци поехали добри здраво, кꙋды хто хочет(ь). |
| s-311
| А што пішете до нас, жалꙋясѧ на нас, што ваших кꙋпцев не пꙋстімъ мы ни до Витебьска и до Смоленьска, а вед(ь) же, панове, вѣдаете вы и мы, што мѣжи нас и вас есть старые записи, што же нашим мімо Рігоу ч(и)стъ пꙋт(ь) и водою и землею, а вашим мімо Полтескъ ч(и)стъ поут(ь) и водою и землею, кꙋдѣ хто хто хочет(ь). |
| s-312
| Ино коли нас постите по старым записем водою и землею мімо Рігоу, ино вашим ч(и)стъ поут(ь) мімо Полтескъ и водою и землею, коудѣ хто хочет(ь). |
| s-313
| Ажь вы нам поставлѧетѣ одінъ Юрьевъ протівъ всѣе нашее дорогы, а вед(ь) вамъ и намъ свѣдомо, што не писан Юрьев ꙋ старих записех. |
| s-314
| И вы нам ѡтлазитѣ одным Юрьевом противꙋ всѣе нашее дорогы. |
| s-315
| А што пішете до нас про давные должникы, ино вед(ь) вѣдаетѣ сами, што истьцю истьца знати. |
| s-316
| А наш оспод(и)нъ пан Ондреи, воевода полоцкыи, вашим коупцем дает(ь) дѣцкых а велит(ь) правити. |
| s-317
| А што намъ пішетѣ, што сѧ нам крівды чінѧт ꙋ вашеи земли а либо оу бискоуповѣ, а либо ꙋ котором городкоу, ино сами и вѣдаетѣ, што нам ни с кым записеи нетъ лише васъ. |
| s-318
| Ино того дѣлѧ вамъ пишем, штобы естѣ говорили кн(ѧ)зю мѣштѣрꙋ и кн(ѧ)зю бискоупоу, штобы нашим не было щкоты на дорозѣ. |
| s-319
| А што повѣдаете нам, што наш оспод(а)рь, вѣлікыи король, жаловал вас по старым записем, ино ведаете же, пановѣ, сами, што мы и- старых записѣи не выстꙋпаемъ ничого. |
| s-320
| Ино хочетѣ ль нас поустити мимо Ригꙋ по старым записем водою и землею, и вы намъ ѡтпишите симъ ч(о)л(о)в(е)к(о)мъ, хто вам сию грамотоу дасть. |
| s-321
| А чересъ то боудте здорово. |
| s-322
| А сія грамота ѡт бояръ полоцкых и ѡт полочанъ |
| s-323
| + Посадніком ризкымъ и ратманом и всимъ рижаномъ |
| s-324
| ꙋ Полоцкꙋ н(а)шо село Погостъ с трима ч(о)л(о)в(е)ки и зъ их землѧми Ивану Бꙋлавину а Сеньку Кошчичу до воли. |
| s-325
| Ген(варя) 5 , инъдик(т) 11 . |
| s-326
| Самъ великии кн(ѧ)зь. |
| s-327
| Сопега. |
| s-328
| А жоне пана Станькове Васце дал корол(ь) Ꙋлꙋ, што был Жикгимонтъ панꙋ Станькꙋ дал, а далъ еи по томꙋ, какъ Стан(ь)ко держалъ. |
| s-329
| Пр(иказал) п(а)н Мих(аило), кан(цлер), а пис(ал) Якꙋбъ. |
| s-330
| А дан ꙋ Новегородъкꙋ, инъдик(т) 13 . |
| s-331
| + Ѡт пана Андрѣева намѣстника полоцког(о) ѡт Вѣрькстнѧ, и ѡт бояръ полоцких и ѡт мѣстичовъ, и ѡт всѣго поспольства к ратманѡм ризкимъ. |
| s-332
| Издес(е) пишетъ к нам панъ Михаило, кальцнѣрь ѡсп(о)д(а)рѧ н(а)ш(о)г(о) великог(о) кролѧ польског(о), воевода смольнског(о), ижбыхѡм дали право смолнѧнину его ч(о)л(ове)кꙋ на имѧ Пашкоу. |
| s-333
| Ино ему мы права не бороним, до ког(о) ему боудеть дѣло. |
| s-334
| Ино тог(о) ч(о)л(ове)ка оу Полоцку нѣ нашол. |
| s-335
| А далѣи пак изнашол тот Пашко оу вас оу Ризѣ. |
| s-336
| А повѣдаетьс(ѧ), и вам, ратманом, жаловалсѧ. |
| s-337
| И вы ему и бирича дали. |
| s-338
| И тот Пашко и с вашим биричом своег(о) виноватца инѧл. |
| s-339
| Ино тог(о) виноватца пришод Гарман да силою ѡтнѧл. |
| s-340
| С вашим ли вѣдомомъ будет(ь) тое оучинил? |
| s-341
| А сами вы и вѣдаетѣ, как мѣжи нас и пѣрвѣи сего право шло и до сих мѣстъ: будет ли вашъ рижанинъ оу нас виноват, ино мы к вам шлем, а будет ли наш полочанинъ оу вас виноватъ, и вы к намъ шлѣтѣ. |
| s-342
| Про то ж вамъ пишом, штобы естѣ за виноватым нѣ стояли: томꙋ бы Пашку его вановатца выдали. |
| s-343
| Занюж то ч(о)л(ове)къ королѣвъ, ѡбадва королѣва ч(о)л(ове)ка, ино мы издес(е) иххъ хочомъ судити. |
| s-344
| + Ратманомъ ризким и всѣмъ рижанѡмъ |