| s-101
| А с кѣм ꙗз, кнꙗз[ь] велики, имꙋ любѡв[ь] имати и докончѧн[ь]е, и мнѣ, кн[ѧ]зю великомꙋ, в докончѧлные грамоты писат[и] тебѧ, кн[ѧ]зѧ великог[о] Ивана. |
| s-102
| А гдѣ поидꙋ ꙗз, кнꙗз[ь] велики Василеи Васил[ь]евич, рат[ь]ю на своег[о] недрꙋга, и тобѣ, кн[ѧ]зю великомꙋ Иванꙋ Федѡровичю, поити со мъною самомꙋ, без ослꙋшан[і]а. |
| s-103
| А пошлю своих воевѡд, и тобѣ с ним[и] послат[и] своих воевѡд. |
| s-104
| А вотчины ти н[а]шеи, Москвы и Коломны, и всѣх волостеи Москѡвских и Коломенских, что потѧгло к Москвѣ и х Коломнѣ, по рекꙋ по Окꙋ, и всег[о] моег[о] кнѧжен[і]а великог[о], под нами не обидѣти, ни встꙋпатис[ѧ] никоторою хитростью. |
| s-105
| А межи нас рѡздѣл землѣ по рекꙋ по Ѡкꙋ, ѡт Коломны вверхъ по Ѡцѣ, на Московскои сторонѣ, почен Нѡвгородѡк, Лужа, Вереа, Боровескъ, инаа мѣста Резанскаа, котораа ни бꙋдꙋт на тои сторонѣ, то к Москвѣ. |
| s-106
| А на низ по рецѣ по Ѡцѣ, по рѣкꙋ по Цнꙋ, ѡт ꙋсть Цны въверхъ по Цнѣ, што на Московскои сторонѣ, то к Москвѣ, а что на Резанскои сторонѣ, а то Резанѣ. |
| s-107
| А что Володимерское порꙋбеж[ь]е по томꙋ, как было при наших прадѣдех, при великом кн[ѧ]зѣ Иванѣ Даниловичѣ, и при великом кн[ѧ]зѣ Семенѣ Ивановичѣ, и при великом кн[ѧ]зѣ Иванѣ Ивановичѣ, и при моем дѣде, при великом кн[ѧ]зѣ Дмитріе Ивановичѣ и при моем о[т]цѣ, при великом кн[ѧ]зѣ Васил[ь]е Дмитріевичѣ, и при твоем прадѣде, при великом кн[ѧ]зѣ Иванѣ ꙗрославичѣ, и при твоем прадѣде, при великом кн[ѧ]зѣ Иванѣ Ивановичѣ, и при твоем прадѣде, при великом кн[ѧ]зи Иванѣ Ѡлександровичѣ, и при твоем дѣде, при великом кн[ѧ]зѣ Олзѣ Ивановичѣ, и при твоем о[т]цѣ, великом кн[ѧ]зе Ѳедѡрѣ Ѡлговичѣ. |
| s-108
| А что Резанское на Резанскои сторонѣ за Окою, что доселѣ тѧгло к Москвѣ, почен Лопасна, ꙋѣздъ Мстиславль, Жадѣне горѡдищо, Дꙋб, Жадемль, Броднич с мѣсты, как сѧ ѡтстꙋпили торꙋсскіе кн[ѧ]зи Ѳедѡрꙋ Свѧтославичю, и та мѣста к Резани. |
| s-109
| А в Тꙋлꙋ и в Берестеи не встꙋпат[и]сѧ мнѣ, великомꙋ кн[ѧ]зю Васил[ь]ю Васил[ь]евичю, ни моемꙋ братꙋ молодшемꙋ, кн[ѧ]зю Иванꙋ Андрѣевичю, ни нашемꙋ братꙋ молѡдшемꙋ, кн[ѧ]зю Михаилу Андрѣевичю, ни нашемꙋ братꙋ молодшемꙋ, кн[ѧ]зю Васил[ь]ю ꙗрославичю. |
| s-110
| Тако ж в землю в Резанскꙋю не встꙋпатис[ѧ] и во кн[ѧ]зи резанскіе. |
| s-111
| А со кн[ѧ]зем прѡнским и сь ег[о] брат[ь]ею любѡв[ь] взѧл еси ты, кнѧз[ь] велики Иван. |
| s-112
| А что сѧ промеж вас ꙋчинит, ино промеж вас ꙋправити мнѣ, великомꙋ кн[ѧ]зю Васил[ь]ю Васил[ь]евичю, а вам мене слꙋшати. |
| s-113
| А что сѧ ꙋчинит меж вас какова обида, и вам ѡтослат[и] своих боѧръ, ини ꙋчинѧт исправꙋ. |
| s-114
| А о чем сѧ сопрꙋт, ино им трети ѡ[те]ць наш, митрополит. |
| s-115
| А ког[о] митрополит обвинит, ино обидное ѡтдати. |
| s-116
| А не и ѡтдасть, и мнѣ то, великомꙋ кн[ѧ]зю Васил[ь]ю ѡтправит[и], а то ми не в-ызмѣнꙋ. |
| s-117
| Тако ж на обѣ сторонѣ. |
| s-118
| А с торꙋскими кн[ѧ]зи взѧти ти любѡв[ь], а жити ти с ними без обиды, занеж тѣ кн[ѧ]зи со мною, с великим кн[ѧ]зем с Васил[ь]ем Васил[ь]евичем, ѡдинъ ч[е]л[овѣ]къ. |
| s-119
| А новосилски кн[ѧ]зи добьют мнѣ челом, великомꙋ кн[ѧ]зю Васил[ь]ю Васил[ь]евичю, и тебѣ с ними взѧт[и] любѡв[ь] по томꙋ ж, а жит[и] ти с ними без обиды. |
| s-120
| А что сѧ ꙋчинит меж вас в любви с ними, о чем ни бꙋдет слово, о землѣ или ѡ водѣ или об-ыном о чем, и вам ѡтослат[и] своих бѡѧръ, и они, сьѣхавсѧ, ꙋчинѧт исправꙋ. |
| s-121
| И о чем сѧ сопрꙋт, и они ѣдꙋт на третіи, ког[о] собѣ изберꙋт. |
| s-122
| И на ког[о] помолыт третіи, и виноваты ѡтдасть. |
| s-123
| А не ѡтдасть, и правы пошлет ко мнѣ, к великомꙋ кн[ѧ]зю Васил[і]ю Васил[ь]евичю, и мнѣ послати к виноватомꙋ въпервые, и вдрꙋгіе, и втрет[ь]и. |
| s-124
| А не послꙋшает виноваты мене, великог[о] кн[ѧ]зѧ Васил[і]а Васил[ь]евича, а не ѡтдасть, и мнѣ то ѡтправит[и], а целован[і]а не сложит[и], а то ми не в-ызмѣнꙋ. |
| s-125
| А коли позовꙋтсѧ на трети, ког[о] собѣ изобрав, а в то времѧ на тог[о] бꙋдет рат[ь], ког[о] позовꙋт, или бꙋдет сам рат[ь]ю пошѡл кꙋды, инъ за тѣм не поѣдет на трети, ино емꙋ вины нѣт в том. |
| s-126
| А возмꙋт на нег[о] в то времѧ грамотꙋ, ино грамота не въ грамотꙋ, а позовꙋтсѧ изнова на трети, как сѧ ꙋтишит, да ꙋчинѧт исправꙋ изнова. |
| s-127
| А мнѣ, кн[ѧ]зю великомꙋ Васил[ь]ю Васил[ь]евичю, не правит[и] тог[о], что сѧ ꙋчинило в то времѧ замѧтное. |
| s-128
| А что Мещерскаа мѣста, что бꙋдет покꙋпил кнꙗз[ь] велики, дѣд твои, Олег Иванович, или о[те]ць твои, кнꙗз[ь] велики Федѡръ Олгович, или вы, или ваши боѧре, и в та мѣста тебѣ, великомꙋ кн[ѧ]зю Иванꙋ, не встꙋпатис[ѧ], ни твоим боѧром, знати ти свое серебро и твоим боѧром. |
| s-129
| А землѧ к Мещерѣ по давномꙋ. |
| s-130
| А порꙋбеж[ь]е Мещерским землѧм, как было при великом кн[ѧ]зи Иванѣ Ѧрославичѣ, и при кн[ѧ]зѣ Александрѣ Ꙋковичѣ. |
| s-131
| А что бꙋдет дѣд мои, кнꙗз[ь] велики Дмитреи Иванович, ѡт[о]имал мѣста Татарскіе и Мордѡвскаа, а ци переменит б[о]гъ татар, и та мѣста мнѣ, великомꙋ кн[ѧ]зю Васил[ь]ю Васил[ь]евичю. |
| s-132
| А что бꙋдет ѡтнѧл дѣд твои, кнꙗз[ь] велики Олег Иванович, и ѡ[те]ць твои, кнꙗз[ь] велики Федѡръ Ѡлгович, Татарскаа мѣста и Мордѡвскаа, а то тебѣ и есть, великомꙋ кн[ѧ]зю Иванꙋ Федѡровичю, та мѣста. |
| s-133
| А кн[ѧ]зи мещерскіе не ꙋчнꙋт мнѣ, великомꙋ кн[ѧ]зю, правити, и тебѣ их не пріимати, ни в вотчинѣ своеи их не держати, ни твоим боѧром, а добыват[и] ти их мнѣ без хитрости по томꙋ целован[ь]ю. |
| s-134
| А что дѣд твои, кнꙗз[ь] велики Олег Иванович, воевал Коломнꙋ в наше нелюб[ь]е, инаа мѣста в н[а]шеи ѡтчинѣ, и что взѧто и на инѧтцѣх, а то ѡтдати, а чег[о] не взѧто, а тог[о] не взѧти. |
| s-135
| А с порꙋчников порꙋка и целован[ь]е свести. |
| s-136
| А что грабеж, а томꙋ погреб. |
| s-137
| А что была рат[ь] дѣда моег[о], великог[о] кн[ѧ]зѧ Дмитріа Ивановича, въ твоеи вотчинѣ при твоем дѣде, при великом кн[ѧ]зи Ѡлгѣ Ивановичѣ, и кнѧж Володимерова Андрѣевича, и кнѧж Романова новосилског[о], и кн[ѧ]з[е]и торꙋских, и тот нам полѡн ѡтпꙋстит[и] вес[ь]. |
| s-138
| А что взѧто на инѧтцѣх, а то ѡтдати. |
| s-139
| А порꙋка и целован[ь]е свести. |
| s-140
| А грабежꙋ всемꙋ погреб. |
| s-141
| Или что бꙋдет въ н[а]шеи ѡтчинѣ тог[о] полонꙋ, коли была рат[ь] дѣда моег[о], великог[о] кн[ѧ]зѧ, на Скорнищевѣ и ꙋ города, и нам тот полѡн ѡтпꙋстит[и] вес[ь]. |
| s-142
| А тебѣ тако ж, великомꙋ кн[ѧ]зю Иванꙋ, наш полѡн вес[ь] отпꙋстити, и тот полѡн, которои бꙋдет ꙋ татарскои рати ꙋбѣглъ, или н[ы]нѣ ис татар хто побежит, котораа рат[ь] бꙋдет ни полонила, или тѣх людеи, которые бꙋдꙋт з Донꙋ шли, а бꙋдꙋт в вашеи вотчинѣ, и тѣх вам всѣх ѡтпꙋстить без хитрости. |
| s-143
| А сꙋд вопчіи межи нас по преставлен[ь]е великог[о] кн[ѧ]зѧ Дмитріа Ивановича, дѣда моег[о]. |
| s-144
| А которых дѣл не искали при моем дѣде, великом кн[ѧ]зи Дмитреи Иванович[ѣ], пристава не было, за порꙋкꙋ не дан, томꙋ погреб. |
| s-145
| А кто за порꙋкꙋ дан или за приставом, томꙋ сꙋд. |
| s-146
| А которые дѣла сꙋженые или поле не кончѧлѡс[ѧ], а то кончать. |
| s-147
| А нам, кн[ѧ]зем великим, в сꙋд въ вопчеи не встꙋпатис[ѧ]. |
| s-148
| А сꙋд[ь]ꙗм н[а]шим сѣсти сꙋд[и]ти, целовав кр[е]стъ, что им сꙋдит[и] въ правдꙋ, по целован[ь]ю, как сꙋдили сꙋд[ь]и дѣда твоег[о], великог[о] кн[ѧ]зѧ Ѡлга Ивановича, и о[т]ца твоег[о] сꙋд[ь]и, великог[о] кн[ѧ]зѧ Федѡра Ѡлговича, с дѣда моег[о] сꙋд[ь]ꙗми, великог[о] кн[ѧ]зѧ Дмитріа Ивановича, и со отца моег[о] сꙋд[ь]ꙗми, великог[о] кн[ѧ]зѧ Васил[і]а Дмитріевича, и с н[а]ш[и]ми. |
| s-149
| А гдѣ ꙋчинитсѧ розбои, или татба, или наѣздъ из твоеи вотчины на н[а]ших людеи, и ѡ том сꙋда вопчего не ждати, ѡтослат[и] нам на то своих сꙋд[е]и да велѣт[и] им нам исправа ꙋчинит[и] без перевода. |
| s-150
| А не даси исправы, или сꙋд[ь]и твои сꙋдом переведꙋт, и нам свое ѡтняти, а то нам не в-ызмѣнꙋ. |
| s-151
| А что сѧ учинит межи нас н[а]ше дѣло, кн[ѧ]зеи великих, и нам ѡтослат[и] боѧръ, ини сьѣхавсѧ, ꙋчинѧт исправꙋ. |
| s-152
| А о чем не возмогꙋт оуправит[и], о чем сѧ сопрѧт, ини ѣдꙋт на трети. |
| s-153
| И на ког[о] помолыт трети, и виноваты перед правым поклѡнитсѧ, а взѧтое ѡтдасть. |
| s-154
| А не ѡтдасть, ино ꙋ него ѡтнѧти, а то не в-ызмѣнꙋ. |
| s-155
| А рати не замышлѧти. |
| s-156
| Трети меж нас, кто ищет, тот воименꙋет три кн[ѧ]зи хр[е]стіанскіе, а на ком ищꙋт, тот себѣ берет ис трех ѡдинѡг[о]. |
| s-157
| А сꙋд[ь]и наши вопчеи о чем сѧ сопрꙋт, ино им трети по тому ж. |
| s-158
| А сꙋженог[о] не посꙋжати. |
| s-159
| А сꙋженое, и положеное, и порꙋчное, и заемное дати по исправѣ. |
| s-160
| А холопа, и робꙋ, должника, и порꙋчника, татѧ, и розбоиника, и д[у]шег[ꙋ]бца, порꙋбежника по исправѣ выдат[и] ѡт вѣка. |
| s-161
| А пошлин з беглеца с семьи два алтына, а с од[и]нца алт[ы]нъ. |
| s-162
| А мыта нам держат[и] старые и пошлые, которые были при н[а]ших прадѣдех, и при н[а]ших дѣдех, и при н[а]ших о[т]цѣх. |
| s-163
| А новых нам мытѡв не замышлѧти, ни пошлин. |
| s-164
| А мыта с воза в городѣх всѣх пошлин денга, а с пѣшохода мыта нѣт. |
| s-165
| А тамги и всѣх пошлин ѡт рꙋблѧ алт[ы]нъ, а с лод[ь]и с дѡски по алт[ы]нꙋ, а с стрꙋга с набои два алт[ы]на, а без набоѧ денга. |
| s-166
| А со кн[ѧ]зеи великих лодеи пошлин нѣт. |
| s-167
| А вывода нам и рꙋбежа не замышлѧти. |
| s-168
| А боѧром и слꙋгам межи нас волным волѧ. |
| s-169
| А на сем на всем, кнꙗз[ь] велики Иван Ѳедѡрович, целовати ти ко мнѣ кр[е]стъ, къ своемꙋ братꙋ старѣишемꙋ, великомꙋ кн[ѧ]зю Васил[ь]ю Васил[ь]евичю, и к моемꙋ братꙋ молодшемꙋ, ко кн[ѧ]зю Иванꙋ Андрѣевичю, и к нашемꙋ братꙋ молодшемꙋ, кн[ѧ]зю Михаилꙋ Андрѣевичю, и к н[а]шемꙋ братꙋ молодшемꙋ, кн[ѧ]зю Васил[ь]ю ꙗрославичю, по любви, въ правдꙋ, без хитрости. |
| s-170
| А писана на Москвѣ, в лѣт[о] 6955, м[ѣ]с[ѧ]ца июлѧ 20 ден[ь]. |
| s-171
| Приятель мои гсдрь Вавила Тихановичь блгополꙋчьно на вѣки здравствуи Лаврентиико Аничьков з женишком і з дѣтишками челомъ бьем да челомъ бьемъ за твою млсть |
| s-172
| что жалуеш пишешь о своемъ многолѣтномъ здорове і впред жалꙋи пиши к намъ о своемъ многолѣтном пребывании |
| s-173
| а мы желаемъ всечасно слышать о твоемъ многолѣтномъ здорове челом бьемъ Вавила Тихановичь за ленокъ |
| s-174
| а противо твоего писма до нас весь дошелъ в целости прошлогоднои и севогоднои |
| s-175
| Пожалуи приятел мои походи на митрополе дворе за меня чтобъ тои женки указ ꙋчинили что пѡстрижена бывшая моя крстьянка Митрошинская женка |
| s-176
| а ꙋ неи послана челобитная за рꙋкою влдки гсдрю |
| s-177
| а в челобитно она своей написала что де я хочю быть во іноцехъ по прежнему постриганию |
| s-178
| а дрꙋгꙋю такую ж послала в Олександровъ мнстрь къ архимамдртꙋ |
| s-179
| и ты пожалуи если возможно впред то учинть чтоб еѣ і впред быть по тому еѣ постриганию і противъ еѣ челобитя указ ꙋчинит |
| s-180
| і ты пожалуи приятель доложи у Савы Еѳимовича Боровитинова бѣз чево невозможно быть |
| s-181
| а челобитную она тою послала с приставомъ с Онуѳьреиком Івановымъ |
| s-182
| а он сказывалъ что тою челобитную отдалъ де Савы Еѳимовичю |
| s-183
| и ты пожалуи учини над нами млсть чтобъ не возможно ль какъ мужиченка на мѣсто нажилить і с тои бы женнко съ другои ꙋказъ выпромышлять жить |
| s-184
| да скажи Марку Тихановичю что я отдалъ кабалꙋ ему на Перѳилья Судакова і по тои кабале мнѣ Перѳилеи во всемъ по своему обѣщанию солгалъ і чтоб онъ пожаловалъ на немъ по тои кабале на немъ взялъ дньги моі |
| s-185
| а про члвка моего скажи что Аверка Івановъ |
| s-186
| да посмотри приятель моі не... риди ли чево в пиказе с ынымо |
| s-187
| а ѡ чем ты приятел моі писал и я тово в завениі не покину |
| s-188
| да ѡ чем писано выше сего і ты пожалоі походи бого ради |
| s-189
| а за сем вам приятелем всем челом бию женишькои и з детишьками писавы Лашько Аничьковъ челомъ бию |
| s-190
| писана маръта в пятыі день |
| s-191
| А какова челобитная у неи послана и дана запись на собя и с них посланы списки к млсти твоеи і если возможно что учинит приятель мои чтобъ промыслит указ что жит бы мужику с ннешнеи женкои і я бы сталъ і мужиком промышлять |
| s-192
| а что понадобитца днгъ ты приятель мои возми ꙋ Марка Тихановича моіх днгъ |
| s-193
| а пожалуи гсда ради приятел мои Вавила Тихановичь походи за ѣтемъ дѣломъ не мошно ли как мужиченка нажилит |
| s-194
| а противо бы еи челобит і впред еѣ постричь |
| s-195
| а ему бы указ промыслить чтобъ жить с ннешнеи женъкои |
| s-196
| Приятелю моему гсдрю Вавилы Тихановичю Вындомскому |
| s-197
| Гсдрю моемꙋ Вавилы Тихановичю Лаврꙋшка Аничков челомъ биетъ |
| s-198
| здравствꙋи гсдрь мои і на мъножество ниичетных летъ со всемъ своимъ праведънымъ домом |
| s-199
| а про меня изволишъ напаметоват и я в домишке своемъ маръта по девятое число с Матренои и с детишками живъ а впредь воля создавъшего мя |
| s-200
| Да писалъ а к тебѣ приятелю своемꙋ ото зборꙋ с Тиѳины с Петромъ Колюбакинымъ о своемъ деле что ты по мъне порꙋченъ и нетъ ли вамъ приятелемъ моимъ в моемъ деле какои тягости |