| s-1
| ϭⲟⲗ · |
| s-2
| ⲛⲉⲛⲧⲁⲩⲕⲗⲏⲣⲟⲛⲟⲙⲉⲓ ⲉⲛⲉϩ ⲛⲧⲙⲛⲧⲣⲣⲟ ⲙⲡⲛⲟⲩⲧⲉ · |
| s-3
| ⲙⲁⲗⲓⲥⲧⲁ ⲇⲉ ϫⲉϩⲉⲛⲁⲕⲁⲑⲁⲣⲧⲟⲥ ⲙⲙⲁⲗⲁⲕⲟⲥ · ⲙⲛⲛⲣⲉϥⲛⲕⲟⲧⲕ ⲙⲛⲛϩⲟⲟⲩⲧ · ⲙⲛⲟⲩⲟⲛ ⲛⲓⲙ ⲉⲧⲛⲁϫⲁϩⲙⲟⲩ ⲕⲁⲧⲁⲗⲁⲁⲩ ⲛⲥⲙⲟⲧ · ⲉⲓⲧⲉ ϩⲟⲟⲩⲧ · ⲉⲓⲧⲉ ⲥϩⲓⲙⲉ ϩⲣⲁⲓ ϩⲛⲉⲩⲥⲩⲛⲁⲅⲱⲅⲏ ⲛⲓⲙ ⲉⲧϣⲟⲟⲡ ⲕⲁⲧⲁⲡⲉⲛⲃⲓⲟⲥ |
| s-4
| ⲡⲁⲓ · ⲙⲛⲟⲩⲟⲛ ⲛⲓⲙ ⲉⲧⲉⲓⲣⲉ ⲛϩⲉⲛⲕⲣⲟϥ · ⲙⲙⲁⲁⲩ ⲛⲓⲙ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ϩⲛⲟⲩϩⲱⲡ · ⲏ ϩⲛⲟⲩⲟⲩⲱⲛϩ ⲉⲃⲟⲗ : |
| s-5
| ⲉϣⲱⲡⲉ ⲉⲧⲉⲧⲛϣⲁⲛⲧⲙⲛⲁⲩ ⲉⲣⲱⲧⲛ ⲙⲙⲓⲛⲙⲙⲱⲧⲛ ⲉⲧⲉⲧⲛⲟ ⲛⲧϩⲉ ⲙⲡⲥⲁⲧⲁⲛⲁⲥ ϩⲣⲁⲓ ϩⲛⲧⲉϩⲣⲱ ⲛⲕⲱϩⲧ ⲉⲧⲙⲟⲩϩ · |
| s-6
| ⲉⲩⲕⲟⲗⲁⲍⲉ ⲙⲙⲱⲧⲛ ϩⲓⲟⲩⲥⲟⲡ ϩⲣⲁⲓ ϩⲛⲁⲙⲛⲧⲉ · |
| s-7
| ⲉⲓⲉ ⲛⲉⲧⲛϩⲃⲏⲩⲉ ⲧⲏⲣ ⲟⲩ ⲁⲩⲱ ⲛⲉⲧⲛϣⲟϫⲛⲉ ⲧⲏⲣⲟⲩ ϩⲉⲛⲙⲉ ⲛⲉ · |
| s-8
| ⲛϣⲁϫⲉ ⲙⲡⲁⲓ ⲉⲧϫⲱ ⲛⲛⲁⲓ ϩⲉⲛϭⲟⲗ ⲛⲉ : |
| s-9
| ⲧⲟⲩ ⲁⲩⲧⲟⲩ : |
| s-10
| ⲉⲧⲃⲉⲡⲁⲓ ⲙⲡⲣⲧⲣⲉⲛⲁⲡⲟⲧⲁⲥⲥⲉ ⲉⲧⲙϥⲓ ϩⲁⲛⲉⲛⲉⲣⲏⲩ ϫⲉⲛⲛⲉⲡⲛⲟⲩⲧⲉ ϭⲱⲛⲧ ⲉⲣⲟⲛ ϫⲉⲙⲡⲁⲧⲛⲱⲥⲕ ⲅⲁⲣ ⲉⲛϥⲓ ϩⲁⲛⲉⲛⲉⲣⲏⲩ ⲛⲧϩⲉ ⲙⲡϫⲟⲉⲓⲥ ⲁⲩⲱ ⲡⲉϥⲭⲣⲓⲥⲧⲟⲥ ⲙⲛⲛⲉϥⲁⲅⲅⲉⲗⲟⲥ ⲉⲧⲟⲩⲁⲁⲃ ⲉⲧϥⲓ ϩⲁⲣⲟⲛ ϫⲓⲛⲧⲁⲣⲭⲏ ⲙⲡⲥⲱⲛⲧ ϣⲁϩⲣⲁⲓ ⲉⲡϩⲟⲟⲩ ⲛϩⲟⲟⲩ ⲁⲩⲱ ⲟⲛ ϣⲁⲉⲛⲉϩ · |
| s-11
| ⲁⲗⲗⲁ ⲙⲁⲣⲛⲣϩⲙϩⲁⲗ ⲛⲛⲉⲛⲉⲣⲏⲩ ⲛⲧϩⲉ ⲛⲓⲏⲥⲟⲩⲥ · ⲡⲁⲓ ⲛⲧⲁϥϫⲓ ⲛⲟⲩⲙⲟⲣⲫⲏ ⲛϩⲙϩⲁⲗ ⲉⲧⲃⲏⲏⲧⲛ · |
| s-12
| ⲁⲩⲱ ⲛⲧϩⲉ ⲙⲡⲁⲩⲗⲟⲥ ⲡϩⲙϩⲁⲗ ⲛⲓⲏⲥⲟⲩⲥ · |
| s-13
| ⲁⲩⲱ ⲛⲧϩⲉ ⲛⲛⲁⲡⲟⲥⲧⲟⲗⲟⲥ ⲧⲏⲣⲟⲩ ⲙⲛⲛⲉⲡⲣⲟⲫⲏⲧⲏⲥ ⲧⲏⲣⲟⲩ · ⲛⲁⲓ ⲛⲧⲁⲩϣⲱⲡⲉ ⲛϩⲙϩⲁⲗ ⲙⲡϫⲟⲉⲓⲥ ⲡⲉϥⲭⲣⲓⲥⲧⲟⲥ ⲓⲏⲥⲟⲩⲥ |
| s-14
| ⲛⲕⲁⲧⲁⲛⲉⲅⲣⲁⲫⲏ ϫⲉⲁⲓⲧⲛⲛⲟⲟⲩ ϣⲁⲣⲱⲧⲛ ⲛⲛⲁϩⲙϩⲁⲗ ⲛⲉⲡⲣⲟⲫⲏⲧⲏⲥ ⲙⲡϫⲡⲉϩⲟⲟⲩ ⲙⲡⲛⲁⲩ ⲛϣⲱⲣⲡ ⲁⲩⲱ ⲁⲓⲧⲛⲛⲟⲟⲩⲟⲟⲩ · ⲁⲩⲱ ⲙⲡⲉⲧⲛⲥⲱⲧⲙ : |
| s-15
| ⲛⲧⲁⲛⲉⲡⲣⲟⲫⲏⲧⲏⲥ ⲙⲛⲛⲁⲡⲟⲥⲧⲟⲗⲟⲥ ⲣϩⲙϩⲁⲗ ⲙⲡϫⲟⲉⲓⲥ ⲏ ⲡⲉϥⲭⲣⲓⲥⲧⲟⲥ ϩⲛⲟⲩⲭⲉⲓⲙⲏⲧⲓ ⲉⲧⲣⲉⲩϩⲟⲧⲡ ⲥⲛⲁⲩ ⲉϣⲡϩⲓⲥⲉ ⲙⲛϩⲉⲛⲕⲟⲟⲩⲉ · ⲁⲩⲱ ⲛⲥⲉⲙⲟⲩ ϩⲁⲡⲣⲁⲛ ⲛⲓⲏⲥⲟⲩⲥ : |
| s-16
| ⲉⲧⲃⲉⲡⲁⲓ ⲛⲧⲉⲣⲉϥϣⲣⲡⲉⲓⲙⲉ ⲛϭⲓⲡϫⲟⲉⲓⲥ ⲓⲏⲥⲟⲩⲥ ϫⲉⲛⲉⲛⲉⲓⲟⲧⲉ ⲛⲁⲡⲟⲥⲧⲟⲗⲟⲥ ⲛⲁⲉⲓⲣⲉ ⲛϩⲱⲃ ⲛⲓⲙ ⲉⲛⲧⲁϥⲟⲩⲉϩⲥⲁϩⲛⲉ ⲙⲙⲟⲟⲩ ⲉϥⲛⲁⲃⲱⲕ ⲉⲃⲟⲗ ϩⲓⲧⲟⲟⲧⲟⲩ ⲉϩⲣⲁⲓ ⲉⲙⲡⲏⲩⲉ ⲕⲁⲧⲁⲛⲉⲅⲣⲁⲫⲏ · |
| s-17
| ⲁⲩⲱ ⲛⲧϩⲉ ⲟⲛ ⲛⲧⲁⲩϫⲱⲕ ⲉⲃⲟⲗ ⲛⲛⲉⲛⲧⲁϥⲟⲩⲉϩⲥⲁϩⲛⲉ ⲙⲙⲟⲟⲩ ⲛⲁⲩ ϫⲓⲛⲛϣⲟⲣⲡ ⲉϥϣⲟⲟⲡ ⲛⲙⲙⲁⲩ ⲛϭⲓⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ : |
| s-18
| ⲉⲧⲃⲉⲡⲁⲓ ⲡⲉϫⲁϥ ⲛⲁⲩ ϫⲉⲛϯⲛⲁⲙⲟⲩⲧⲉ ϭⲉ ⲁⲛ ⲉⲣⲱⲧⲛ ϫⲉⲛⲁϩⲙϩⲁⲗ ϫⲉⲙⲡϩⲙϩⲁⲗ ⲥⲟⲟⲩⲛ ⲁⲛ ϫⲉⲟⲩ ⲡⲉⲧⲉⲣⲉⲡⲉϥϫⲟⲉⲓⲥ ⲉⲓⲣⲉ ⲙⲙⲟϥ · |
| s-19
| ⲁⲗⲗⲁ ⲉⲓⲛⲁⲙⲟⲩⲧⲉ ⲉⲣⲱⲧⲛ ϫⲉⲛⲁⲥⲛⲏⲩ ⲁⲩⲱ ⲛⲁϣⲃⲉⲉⲣ · ϫⲉⲛⲉⲛⲧⲁⲓⲥⲟⲧⲙⲟⲩ ⲧⲏⲣⲟⲩ ⲛⲧⲉⲡⲁⲉⲓⲱⲧ ⲁⲓⲧⲁⲙⲱⲧⲛ ⲉⲣⲟⲟⲩ · |
| s-20
| ⲛⲧⲱⲧⲛ ⲁⲛ ⲡⲉϫⲁϥ ⲁⲧⲉⲧⲛⲥⲟⲧⲡⲧ · |
| s-21
| ⲁⲗⲗⲁ ⲁⲛⲟⲕ ⲁⲓⲥⲉⲧⲡⲧⲏⲩⲧⲛ · |
| s-22
| ⲁⲩⲱ ϯϫⲟⲟⲩ ⲙⲙⲱⲧⲛ ⲛⲧϩⲉ ⲛϩⲉⲛⲉⲥⲟⲟⲩ ⲛⲧⲙⲏⲧⲉ ⲛϩⲉⲛⲟⲩⲱⲛϣ : |
| s-23
| ⲙⲡⲣⲣϩⲟⲧⲉ ϩⲏⲧⲟⲩ ⲛⲛⲉⲧⲛⲁⲙⲟⲩⲟⲩⲧ ⲙⲡⲉⲧⲛⲥⲱⲙⲁ · |
| s-24
| ⲉϣϫⲉ ⲁⲩⲡⲱⲧ ⲛⲥⲱⲓ ⲥⲉⲛⲁⲡⲱⲧ ⲛⲥⲁⲧⲏⲩⲧⲛ · |
| s-25
| ⲉϣϫⲉ ⲁⲩϩⲁⲣⲉϩ ⲉⲡⲁϣⲁϫⲉ ⲥⲉⲛⲁϩⲁⲣⲉϩ ⲟⲛ ⲉⲡⲱⲧⲛ : |
| s-26
| ⲉϣϫⲉ ⲁⲩⲙⲟⲩⲧⲉ ⲉ |
| s-27
| ⳾ ⲥⲉⲛⲟⲩⲑⲓⲟⲩ ⲉⲡⲓⲥⲧⲟⲗⲏ : ⳾ |
| s-28
| ⲁⲃⲣⲁϩⲁⲙ ⲡⲉⲛⲉⲓⲱⲧ ⲛⲉϥⲟⲩⲱϣ ⲡⲉ ⲉⲧⲣⲉϩⲉⲛϣⲏⲣⲉϣⲱⲡⲉ ⲛⲁϥ ⲉⲃⲟⲗ ϩⲛⲥⲁⲣⲣⲁ · |
| s-29
| ⲁⲩⲱ ⲥⲁⲣⲣⲁ ⲛⲉⲥⲟⲩⲱϣ ⲡⲉ · ⲉⲧⲣⲉϩⲉⲛϣⲏⲣⲉ ϣⲱⲡⲉ ⲛⲁⲥ ⲉⲃⲟⲗ ϩⲛⲁⲃⲣⲁϩⲁⲙ · |
| s-30
| ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁⲡϫⲟⲉⲓⲥ ⲡⲛⲟⲩⲧⲉ ϯ ⲛⲟⲩϣⲏⲣⲉ ⲛⲁⲃⲣⲁϩⲁⲙ ϩⲛⲧⲉϥⲙⲛⲧϩⲗⲗⲟ · |
| s-31
| ⲉⲁϥϫⲡⲟ ⲛⲓⲥⲁⲁⲕ ⲉⲃⲟⲗ ϩⲛⲥⲁⲣⲣⲁ ϩⲛⲧⲉⲥⲙⲛⲧϩⲗⲗⲱ · |
| s-32
| ⲁϥϣⲱⲡⲉ ⲛⲁⲩ ⲛⲟⲩϣⲏⲣⲉ ⲙⲙⲉⲣⲓⲧ ⲛⲧϩⲉ ⲛⲟⲩⲧⲃⲁ ⲛϣⲏⲣⲉ ⲉⲟⲩⲁ ⲡⲉ · |
| s-33
| ⲉⲃ[........]ⲟⲩⲇ[.......]ⲡⲉ · ⲉ[.....]ⲛⲥⲁ ⲡⲉϥ[.....] |
| s-34
| ⲛⲧⲁϥⲉⲓ ⲉⲃⲟⲗ ϩⲛⲛⲉϥⲙⲉⲣⲟⲥ · |
| s-35
| ⲉϥϯⲙⲧⲟⲛ ⲇⲉ ⲟⲛ ⲛⲧⲙⲁⲁⲩ ⲛⲧⲁⲥϫⲡⲟϥ · |
| s-36
| ⲁⲩⲱ ⲛⲧⲉⲓϩⲉ ⲁϥⲕⲗⲏⲣⲟⲛⲟⲙⲉⲓ ⲛⲧⲉⲕⲗⲏⲣⲟⲛⲟⲙⲓⲁ ⲛⲛⲉϥⲉⲓⲟⲧⲉ , |
| s-37
| ⲕⲁⲧⲁⲡⲉⲛⲧⲁⲩϫⲟⲟϥ ⲛⲁⲃⲣⲁϩⲁⲙ ⲉⲃⲟⲗ ϩⲓⲧⲙⲡⲛⲟⲩⲧⲉ ϫⲉⲡⲁⲓ ⲉⲧⲙⲙⲁⲩ ⲉⲧⲉⲓⲥⲙⲁⲏⲗ ⲡⲉ ⲛϥⲛⲁⲕⲗⲏⲣⲟⲛⲟⲙⲉⲓ ⲙⲙⲟⲕ ⲁⲛ · |
| s-38
| ⲡⲗⲏⲛ ϯⲛⲁⲥⲙⲟⲩ ⲇⲉ ⲟⲛ ⲉⲣⲟϥ ⲉⲧⲃⲏⲏⲧⲕ ⲧⲁⲁⲩⲝⲁⲛⲉ ⲙⲙⲟϥ ⲉⲙⲁⲧⲉ ⲛⲧⲁⲁⲁϥ ⲛⲟⲩⲛⲟϭ ⲛϩⲉⲑⲛⲟⲥ ⲉⲛⲁϣⲱϥ · |
| s-39
| ⲁⲩⲱ ⲡⲉⲧⲛⲏⲩ ⲉⲃⲟⲗ ϩⲛⲛⲉⲕ · [....]ⲥ · |
| s-40
| ⲓⲥⲁⲁⲕ [...]ϥ ⲡⲉⲧⲛⲁⲕⲗⲏⲣⲟⲛⲟⲙⲉⲓ ⲙⲙⲟⲕ · |
| s-41
| ⲉⲧⲃⲉⲡⲁⲓ ⲣⲱ ⲁⲥϫⲟⲟⲥ ϩⲛⲟⲩⲡⲁⲣⲣⲏⲥⲓⲁ ϩⲙⲡⲥⲟⲟⲩⲛ ⲙⲡⲛⲟⲩⲧⲉ ⲛϭⲓⲧⲙⲁⲁⲩ ⲙⲡϣⲏⲣⲉ ⲉⲧⲟⲓ ⲛⲧⲟⲟⲧⲥ · ϫⲉⲛⲟⲩϫⲉ ⲉⲃⲟⲗ ⲛⲧⲉⲓϩⲙϩⲁⲗ ⲙⲛⲡⲉⲥϣⲏⲣⲉ · ⲛⲛⲉϥⲕⲗⲏⲣⲟⲛⲟⲙⲉⲓ ⲅⲁⲣ ⲛϭⲓⲡϣⲏⲣⲉ ⲛⲧⲉⲓϩⲙϩⲁⲗ ⲙⲛⲡⲁϣⲏⲣⲉ ⲓⲥⲁⲁⲕ · |
| s-42
| ⲓⲥⲁⲁⲕ ⲛⲉϥⲧⲱⲃϩ ⲙⲡϫⲟⲉⲓⲥ ⲡⲉ · ⲉϥⲟⲩⲱϣ ⲉⲧⲣⲉϩⲉⲛϣⲏⲣⲉ ϣⲱⲡⲉ ⲛⲁϥ ⲉⲃⲟⲗ ϩⲛϩⲣⲉⲃⲉⲕⲕⲁ · |
| s-43
| ⲁⲩⲱ ϩⲣⲉⲃⲉⲕⲕⲁ ⲛⲉⲥⲟⲩⲱϣ ⲉⲧⲣⲉϩⲉⲛϣⲏⲣⲉ ϣⲱⲡⲉ ⲛⲁⲥ ⲉⲃⲟⲗ ϩⲛⲓⲥⲁⲁⲕ · |
| s-44
| ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁⲡϫⲟⲉⲓⲥ ⲡⲛⲟⲩⲧⲉ ϯ ⲛⲁⲩ ⲕⲁⲧⲁⲡⲉⲩϩⲏⲧ · |
| s-45
| ⲉⲁϥϫⲱⲕ ⲉⲃⲟⲗ ⲛⲛⲉⲩⲁⲓⲧⲏⲙⲁ ⲧⲏⲣⲟⲩ · |
| s-46
| ⲉⲁⲩϫⲡⲟ ⲛⲏⲥⲁⲩ ⲙⲛⲓⲁⲕⲱⲃ · |
| s-47
| ⲉⲁⲓⲥⲁⲁⲕ ⲇⲉ ⲥⲙⲟⲩ ⲉⲓⲁⲕⲱⲃ · ⲉⲃⲟⲗ ϩⲓⲧⲙⲡⲛⲟⲩⲧⲉ · ϩⲙⲡϣⲟϫⲛⲉ ⲛϩⲣⲉⲃⲉⲕⲕⲁ ⲧⲙⲁⲁⲩ ⲛⲓⲁⲕⲱⲃ |
| s-48
| ⲉⲁⲏⲥⲁⲩ ϣⲱⲡⲉ ⲛϩⲙϩⲁⲗ ⲛⲓⲁⲕⲱⲃ ⲕⲁⲧⲁⲛⲉⲅⲣⲁⲫⲏ ϫⲉⲡⲛⲟϭ ⲛⲁⲣϩⲙϩⲁⲗ ⲙⲡⲕⲟⲩⲓ ⲁⲩⲱ ⲟⲛ ϫⲉⲓⲁⲕⲱⲃ ⲁⲓⲙⲉⲣⲓⲧϥ ⲏⲥⲁⲩ ⲇⲉ ⲁⲓⲙⲉⲥⲧⲱϥ · |
| s-49
| ⲓⲁⲕⲱⲃ ⲇⲉ ⲛⲉϥⲟⲩⲱϣ ⲡⲉ ⲉⲧⲣⲉϩⲉⲛϣⲏⲣⲉ ϣⲱⲡⲉ ⲛⲁϥ ⲉⲃⲟⲗ ϩⲛϩⲣⲁⲭⲏⲗ · |
| s-50
| ⲛⲧϩⲉ ⲛⲛⲉⲛⲧⲁⲩϣⲱⲡⲉ ⲛⲁϥ ⲉⲃⲟⲗ ϩⲛⲗⲓⲁ · ⲙⲛⲛⲉⲛⲧⲁⲩϣⲱⲡⲉ ⲛⲁϥ ⲉⲃⲟⲗ ϩⲛⲍⲉⲗⲫⲁ ⲙⲛⲃⲁⲗⲗⲁ · |
| s-51
| ϩⲣⲁⲭⲏⲗ ⲇⲉ ⲛⲉⲥⲟⲩⲱϣ ⲉⲧⲣⲉϩⲉⲛϣⲏⲣⲉ ϣⲱⲡⲉ ⲛⲁⲥ ⲉⲃⲟⲗ ϩⲛⲓⲁⲕⲱⲃ · |
| s-52
| ⲁⲩⲱ ⲛⲉⲥⲙⲟⲕϩ ⲛϩⲏⲧ ⲡⲉ ⲉⲥϭⲛⲁⲣⲓⲕⲉ ⲉⲓⲁⲕⲱⲃ ϩⲛⲧⲉⲥⲙⲛⲧⲁⲧⲥⲟⲟⲩⲛ ϩⲙⲡⲁϣⲁⲓ ⲙⲡⲉⲙⲕⲁϩ ⲛϩⲏⲧ ϫⲉⲙⲁ ⲛⲁⲓ ⲛϩⲉⲛϣⲏⲣⲉ ⲉϣⲱⲡⲉ ⲙⲙⲟⲛ ϯⲛⲁⲙⲟⲩ · |
| s-53
| ⲁⲩⲱ ⲓⲁⲕⲱⲃ ⲛⲉϥϫⲱ ⲙⲙⲟⲥ ⲛⲁⲥ ⲡⲉ ⲉϥⲟⲩⲟⲗⲥ ⲛϩⲏⲧ · ϫⲉⲙⲏ ⲁⲛⲅⲡϫⲟⲉⲓⲥ ⲁⲛⲟⲕ ⲡⲁ[…]ϥⲟϭⲉ ⲙⲡ[…]ⲡⲟⲥ ⲛϩⲏ[..]ⲉ · |
| s-54
| ⲁⲩⲱ ⲛⲧⲁϥϫⲉ ⲡⲁⲓ ϩⲛⲟⲩⲛⲟⲩϭⲥ ⲛϭⲓⲓⲁⲕⲱⲃ ⲉⲃⲟⲗ ϫⲉⲛⲉϥⲟⲩⲱϣ ϩⲱⲱϥ ⲡⲉ · ⲉⲧⲣⲉϩⲉⲛϣⲏⲣⲉ ϣⲱⲡⲉ ⲛⲁϥ ⲉⲃⲟⲗ ϩⲛϩⲣⲁⲭⲏⲗ |
| s-55
| ⲁⲩⲱ ⲛⲧⲉⲓϩⲉ ⲁⲡⲛⲟⲩⲧⲉ ⲛⲁⲩ ⲉⲡⲉⲩⲙⲕⲁϩ · ⲉⲁϥϯ ⲛϩⲉⲛϣⲏⲣⲉ ⲛⲓⲁⲕⲱⲃ ⲉⲃⲟⲗ ϩⲛϩⲣⲁⲭⲏⲗ · ⲓⲱⲥⲏⲫ ⲙⲛⲃⲉⲛⲓⲁⲙⲓⲛ · |
| s-56
| ⲁⲩⲱ ⲓⲁⲕⲱⲃ ⲁϥⲥⲙⲟⲩ ⲉⲛⲉϥϣⲏⲣⲉ ⲧⲏⲣⲟⲩ ⲉⲃⲟⲗ ϩⲓⲧⲙⲡϫⲟⲉⲓⲥ ⲡⲛⲟⲩⲧⲉ · |
| s-57
| ⲡⲁⲓ ⲛⲧⲁϥⲥⲙⲟⲩ ⲉⲁⲃⲣⲁϩⲁⲙ ⲙⲛⲓⲥⲁⲁⲕ ⲙⲛⲓⲁⲕⲱⲃ · ⲙⲛⲛϣⲏⲣⲉ |
| s-58
| ⲁ ⲟⲩⲁ ⲛⲛⲉⲥⲛⲏⲩ ϫⲛⲉⲁⲡⲁ ⲡⲁⲥⲧⲁⲙⲱⲛ ϫⲉⲟⲩ ⲡⲉ ϯⲛⲁⲁⲁϥ ϫⲉⲥⲉⲑⲗⲓⲃⲉ ⲙⲙⲟⲓ ⲉⲓϯ ⲙⲡⲁϩⲱⲃ ⲛϭⲓϫ ⲉⲃⲟⲗ . |
| s-59
| ⲁϥⲟⲩⲱϣⲃ ⲛϭⲓⲡϩⲗⲗⲟ ⲡⲉϫⲁϥ ϫⲉⲡⲕⲉ · ⲁⲡⲁ ϫⲓϫⲱⲓ · ⲙⲛⲡⲕⲉⲥⲉⲉⲡⲉ ϣⲁⲩϯⲡⲉⲩϩⲱⲃ ⲛϭⲓϫ ⲉⲃⲟⲗ . ⲡⲁⲓ ⲛⲟⲩⲟⲥⲉ ⲁⲛ ⲡⲉ . |
| s-60
| ⲉⲕϣⲁⲛⲛⲟⲩ ⲇⲉ ⲉϯ ⲁϫⲓⲧϯⲙⲏ ⲛⲟⲩⲥⲟⲡ ⲛⲟⲩⲱⲧ ⲛⲧⲉⲡⲉⲓⲇⲟⲥ ⲉⲕϣⲁⲛⲟⲩⲱϣ ⲇⲉ ⲉⲕⲁ ⲟⲩⲕⲟⲩⲓ ⲉⲃⲟⲗ ϩⲛⲥⲟⲩⲛⲧϥ · ⲛⲧⲟⲕ ⲉⲧⲧⲱϣ . ⲧⲁⲓ ⲧⲉ ⲧϩⲉ ⲉⲧⲉⲕⲛⲁϭⲛⲙⲧⲟⲛ . |
| s-61
| ⲡⲉϫⲉ ⲡⲥⲟⲛ ⲛⲁϥ ϫⲉⲉϣⲱⲡⲉ ⲟⲩⲛⲧⲁⲓ ⲧⲁⲭⲣⲉⲓⲁ ⲙⲙⲁⲩ · ⲕⲟⲩⲱϣ ⲉⲧⲙⲧⲣⲁϥⲉⲓⲣⲟⲟⲩϣ ϩⲁϩⲱⲃ ⲛϭⲓϫ · |
| s-62
| ⲁϥⲟⲩⲱϣⲃ ⲛϭⲓⲡϩⲗⲗⲟ ϫⲉ ⲕⲁⲛ ⲟⲩⲛⲧⲁⲕ ϩⲱⲃ ⲛⲓⲙ ⲙⲡⲣⲕⲁ ⲡϩⲱⲃ ⲛϭⲓϫ ⲉⲃⲟⲗ ⲡⲉⲧⲉⲟⲩⲛϭⲟⲙ ⲙⲙⲟⲕ ⲉⲁⲁϥ ⲁⲣⲓϥ — ⲙⲱⲛⲟⲛ ϩⲛⲟⲩϣⲧⲟⲣⲧⲣ ⲁⲛ . |
| s-63
| ⲁⲟⲩⲥⲟⲛ ϫⲛⲉⲁⲡⲁ ⲥⲁⲣⲁⲡⲓⲟⲛ ϫⲉⲁϫⲓ ⲟⲩϣⲁϫⲉ ⲉⲣⲟⲓ . |
| s-64
| ⲡⲉϫⲉⲡϩⲗⲗⲟ ⲛⲁϥ ϫⲉⲉⲓⲛⲁϫⲉ ⲟⲩ ⲛⲁⲕ ϫⲉⲁⲕϥⲓ ⲛⲉⲛⲕⲁ ⲛⲛϩⲏⲕⲉ . ⲙⲛⲛⲉⲭⲏⲣⲁ ⲙⲛⲛⲟⲣⲫⲁⲛⲟⲥ . |
| s-65
| ⲁⲕⲕⲁⲁⲩ ϩⲙⲡϣⲟⲩϣⲧ . |
| s-66
| ⲁϥⲛⲁⲩ ⲅⲁⲣ ⲉⲡϣⲟⲩϣⲧ ⲉϥⲙⲉϩ ⲛϫⲱⲱⲙⲉ . |
| s-67
| ⲁⲩϫⲛⲉⲧⲙⲁⲕⲁⲣⲓⲁ ⲥⲩⲛⲕⲗⲏⲧⲓⲕⲏ · ϫⲉⲛⲉⲟⲩⲁⲅⲁⲑⲟⲛ ⲉϥϫⲏⲕ ⲉⲃⲟⲗ ⲧⲉ ⲧⲙⲛⲧⲁⲧϩⲛⲁⲁⲩ · |
| s-68
| ⲁⲥⲟⲩⲱϣⲃ ϫⲉⲟⲩⲁⲅⲁⲑⲟⲛ ⲛϩⲟⲩⲟ ⲡⲉ ⲉϥϫⲏⲕ ⲉⲃⲟⲗ ⲛⲛⲉⲧⲉⲙⲛϭⲟⲙ ⲙⲙⲟⲟⲩ . |
| s-69
| ⲛⲉⲛⲧⲁⲩϩⲩⲡⲟⲙⲓⲛⲉ ⲅⲁⲣ ϩⲙⲡⲁⲓ ⲟⲩⲛⲧⲁⲩ ⲙⲙⲁⲩ ⲛⲟⲩⲑⲗⲓⲯⲓⲥ ϩⲛⲧⲥⲁⲣⲝ · ϩⲛⲧⲉⲯⲩⲭⲏ ⲇⲉ ⲟⲩⲛⲧⲁⲩ ⲙⲙⲁⲩ ⲛⲟⲩϩⲙⲟⲧ . |
| s-70
| ⲛⲧϩⲉ ⲅⲁⲣ ⲛϩⲉⲛϩⲟⲓⲧⲉ ⲉⲩϫⲟⲟⲣ ⲉⲩϩⲱⲙ ⲉϫⲱⲟⲩ · ⲁⲩⲱ ⲉⲩϣⲱⲙ ⲙⲙⲟⲟⲩ |
| s-71
| ϣⲁⲩⲧⲣⲉⲩⲕⲱⲧⲉ ϩⲛⲟⲩϫⲛⲁϩ ϣⲁⲛⲧⲟⲩⲟⲩⲃⲁϣ · |
| s-72
| ⲧⲁⲓ ⲧⲉ ⲧϩⲉ ⲛⲧⲉⲯⲩⲭⲏ ⲉⲧϫⲟⲟⲣ ϩⲛⲧⲙⲛⲧϩⲏⲕⲉ ϩⲁⲡⲉⲩϩⲧⲟⲣ ⲉϣⲁⲩⲁⲙⲁϩⲧⲉ ⲛϩⲟⲩⲟ . |
| s-73
| ⲁϥϫⲟⲟⲥ ⲛϭⲓⲁⲡⲁ ϩⲩⲡⲉⲣⲉⲭⲓⲟⲥ ϫⲉⲡⲁϩⲟ ⲙ ⲡⲙⲟⲛⲁⲭⲟⲥ ⲡⲉ ⲧⲙϫⲡⲉⲗⲁⲁⲩ ⲛϩⲩⲗⲏ ⲛⲁϥ . |
| s-74
| ⲱⲧⲡ ⲛⲁⲕ ⲉϩⲟⲩⲛ · ⲁⲩⲱ ⲛⲅⲥⲱⲟⲩϩ ⲛⲁⲕ ⲉϩⲟⲩⲛ ϩⲛⲙⲡⲏⲩⲉ · |
| s-75
| ⲟⲩⲁⲧⲟⲩⲱ ⲅⲁⲣ ⲛⲁⲕ ⲡⲉ ⲡⲙⲧⲟⲛ ⲛϣⲁ ⲉⲛⲉϩ . |
| s-76
| ⲛⲉⲟⲩⲛⲟⲩⲁ ⲇⲉ ⲛⲧⲉⲛⲉⲧⲟⲩⲁⲁⲃ ⲉϣⲁⲩⲙⲟⲩⲧⲉ ⲉⲣⲟϥ ϫⲉⲫⲓⲗⲁⲅⲣⲓⲟⲥ · ⲉϥⲟⲩⲏϩ ϩⲛⲧϩⲓⲉⲣⲟⲩⲥⲁⲗⲏⲙ · ⲉϥⲣϩⲱⲃ ϩⲛⲟⲩϩⲓⲥⲉ · ϣⲁⲛⲧⲉϥϫⲡⲟ ⲛⲁϥ ⲙⲡⲉϥⲟⲉⲓⲕ ⲙⲙⲓⲛⲙⲙⲟϥ . |
| s-77
| ⲛϩⲱⲥⲟⲛ ⲇⲉ ϥⲁϩⲉⲣⲁⲧϥ ϩⲛⲧⲁⲅⲱⲣⲁ ⲉϯ ⲙⲡⲉϥϩⲱⲃ ⲛϭⲓϫ ⲉⲃⲟⲗ · ⲉⲓⲥϩⲏⲏⲧⲉ ϩⲛⲟⲩϣⲥⲛⲉ ⲁϥϭⲓⲛⲉ ⲛⲟⲩⲃⲁⲗⲗⲁⲧⲓⲟⲛ ⲉⲩⲛⲙⲏⲧ ⲛϣⲉ ⲛϩⲟⲗⲟⲕⲟⲧⲧⲓⲛⲟⲥ ϩⲓⲱⲱⲥ . |
| s-78
| ⲁϥⲁϩⲉⲣⲁⲧϥ ϩⲙⲡⲉϥⲙⲁ ⲉϥϫⲱ ⲙⲙⲟⲥ · ϫⲉϩⲁⲡⲥ ⲡⲉ ⲉⲧⲣⲉⲡⲉⲛⲧⲁϥⲥⲟⲣⲙⲉⲥ ⲉⲓ . |
| s-79
| ⲁⲩⲱ ⲉⲓⲥ ⲡⲉⲧⲙⲙⲁⲩ ⲁϥⲉⲓ ⲉϥⲣⲓⲙⲉ . |
| s-80
| ⲁϥϭⲟⲡϥ ⲇⲉ ⲛϭⲓ ⲡϩⲗⲗⲟ ⲁϥϫⲓⲧϥ ⲛⲥⲁⲟⲩⲥⲁ ⲁϥⲧⲁⲁⲥ ⲛⲁϥ · |
| s-81
| ⲡⲉⲧⲙⲙⲁⲩ ⲇⲉ ⲁϥⲁⲙⲁϩⲧⲉ ⲙⲙⲟϥ ⲉϥⲟⲩⲱϣ ⲉϯ ⲛⲟⲩⲱⲛ ⲛⲁϥ · ⲡϩⲗⲗⲟ ⲇⲉ ⲙⲡⲉϥⲟⲩⲱϣ ⲉϫⲓ . |
| s-82
| ⲧⲟⲧⲉ ⲁϥϩⲓⲧⲟⲟⲧϥ ⲉϫⲓϣⲕⲁⲕ ⲉⲃⲟⲗ ⲉϥϫⲱ ⲙⲙⲟⲥ · ϫⲉⲁⲙⲏⲓⲧⲛ ⲛⲧⲉⲧⲛⲛⲁⲩ ⲉⲩⲣⲱⲙⲉ ⲛⲧⲉⲡⲛⲟⲩⲧⲉ ϫⲉⲛⲧⲁϥⲣⲟⲩ . |
| s-83
| ⲡϩⲗⲗⲟ ⲇⲉ ⲁϥⲡⲱⲧ ⲛϫⲓⲟⲩⲉ ⲁϥⲉⲓ ⲉⲃⲟⲗ ϩⲛⲧⲡⲟⲗⲓⲥ · ϫⲉⲛⲛⲉⲩⲥⲟⲩⲱⲛϥ |
| s-84
| ⲛϭⲓⲁⲡⲁ ⲃⲉⲛⲓⲁⲙⲓⲛ ⲙⲛⲛⲉϥⲙⲁⲑⲏⲧⲏⲥ · ϫⲉⲙⲟⲟϣⲉ ϩⲛⲧⲉϩⲓⲏ ⲙⲡⲣⲣⲟ · |
| s-85
| ⲁⲩⲱ ⲱⲡ ⲛⲥⲁⲙⲙⲓⲗⲓⲟⲛ ⲁⲩⲱ ⲛⲧⲉⲧⲛⲁϣⲱⲥⲙ ⲁⲛ . |
| s-86
| ⲧⲁⲣⲭⲏ ⲙⲡⲉⲩⲁⲅⲅⲉⲗⲓⲟⲛ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ [ ⲡϣⲏⲣⲉ ⲙⲡⲛⲟⲩⲧⲉ ] . |
| s-87
| ⲕⲁⲧⲁⲡⲉⲧⲥⲏϩ ϩⲛⲏⲥⲁⲓⲁⲥ ⲡⲉⲡⲣⲟⲫⲏⲧⲏⲥ ϫⲉⲉⲓⲥϩⲏⲏⲧⲉ ϯⲛⲁϫⲉⲩⲡⲁⲁⲅⲅⲉⲗⲟⲥ ϩⲓϩⲏ ⲙⲙⲟⲕ ⲛϥⲥⲃⲧⲉ ⲧⲉⲕϩⲓⲏ . |
| s-88
| ⲡⲉϩⲣⲟⲟⲩ ⲙⲡⲉⲧⲱϣ ⲉⲃⲟⲗ ϩⲛⲧⲉⲣⲏⲙⲟⲥ ϫⲉⲥⲟⲩⲧⲛ ⲧⲉϩⲓⲏ ⲙⲡϫⲟⲉⲓⲥ ⲛⲧⲉⲧⲛⲥⲟⲩⲧⲛ ⲛⲉϥⲙⲟⲉⲓⲧ . |
| s-89
| ⲁϥϣⲱⲡⲉ ⲇⲉ ⲛϭⲓⲓⲱϩⲁⲛⲛⲏⲥ ⲉϥϯⲃⲁⲡⲧⲓⲥⲙⲁ ⲙⲡϫⲁⲓⲉ ⲉϥⲕⲏⲣⲩⲥⲥⲉ ⲛⲟⲩⲃⲁⲡⲧⲓⲥⲙⲁ ⲙⲙⲉⲧⲁⲛⲟⲓⲁ ⲉⲡⲕⲱ ⲉⲃⲟⲗ ⲛⲛⲛⲟⲃⲉ . |
| s-90
| ⲁⲩⲱ ⲁⲥⲃⲱⲕ ⲛⲁϥ ⲉⲃⲟⲗ ⲛϭⲓⲧⲉⲭⲱⲣⲁ ⲧⲏⲣⲥ ⲛⲧⲓⲟⲩⲇⲁⲓⲁ ⲛⲙⲛⲁ ⲧϩⲓⲉⲣⲟⲥⲟⲗⲩⲙⲁ ⲧⲏⲣⲟⲩ ⲁⲩϫⲓⲃⲁⲡⲧⲓⲥⲙⲁ ⲛⲧⲟⲟⲧϥ ϩⲙⲡⲓⲟⲣⲇⲁⲛⲏⲥ ⲡⲓⲉⲣⲟ ⲉⲩⲉⲝⲟⲙⲟⲗⲟⲅⲓ ⲛⲛⲉⲩⲛⲟⲃⲉ . |
| s-91
| ⲁⲩⲱ ⲓⲱϩⲁⲛⲛⲏⲥ ⲛⲉⲣⲉϩⲉⲛϥⲱ ⲛϭⲁⲙⲟⲩⲗ ⲧⲟ ϩⲓⲱⲱϥ ⲉⲣⲉⲟⲩⲙⲟϫ ⲛϣⲁⲁⲣ ⲙⲏⲣ ⲉⲧⲉϥϯⲡⲉ . ⲉϥⲟⲩⲉⲙϣϫⲉ ϩⲓⲉⲃⲓⲱ ⲛϩⲟⲟⲩⲧ . |
| s-92
| ⲁⲩⲱ ⲛⲉϥⲧⲁϣⲉⲟⲉⲓϣ ⲉϥϫⲱ ⲙⲙⲟⲥ ϫⲉϥⲛⲏⲩ ⲙⲛⲛⲥⲱⲓ ⲛϭⲓⲡⲉⲧϫⲟⲟⲣ ⲉⲣⲟⲓ ⲉⲁⲛⲅⲟⲩϩⲓⲕⲁⲛⲟⲥ ⲁⲛ ⲉⲡⲁϩⲧ ⲉⲃⲱⲗ ⲉⲃⲟⲗ ⲙⲡⲙⲟⲩⲥ ⲙⲡⲉϥⲧⲟⲟⲩⲉ . |
| s-93
| ⲁⲛⲟⲕ ⲁⲓϯⲃⲁⲡⲧⲓⲥⲙⲁ ⲛⲏⲧⲛ ϩⲛⲟⲩⲙⲟⲟⲩ . |
| s-94
| ⲛⲧⲟϥ ⲇⲉ ⲉϥⲛⲁⲃⲁⲡⲧⲓⲍⲉ ⲙⲙⲱⲧⲛ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ . |
| s-95
| ⲁⲩⲱ ⲁⲥϣⲱⲡⲉ ϩⲛⲛⲉϩⲟⲟⲩ ⲉⲧⲙⲙⲁⲩ ⲁϥⲉⲓ ⲛϭⲓⲓⲏⲥⲟⲩⲥ ⲉⲃⲟⲗ ϩⲛⲛⲁⲍⲁⲣⲉⲑ ⲛⲧⲉⲧⲅⲁⲗⲓⲗⲁⲓⲁ ⲁⲩⲱ ⲁϥϫⲓⲃⲁⲡⲧⲓⲥⲙⲁ ϩⲙⲡⲓⲟⲣⲇⲁⲛⲏⲥ ⲛⲧⲛⲓⲱϩⲁⲛⲛⲏⲥ |
| s-96
| ⲛⲧⲉⲩⲛⲟⲩ ⲇⲉ ⲉϥⲛⲏⲩ ⲉϩⲣⲁⲓ ⲙⲡⲙⲟⲟⲩ ⲁϥⲛⲁⲩ ⲉⲙⲡⲏⲩⲉ ⲉⲁⲩⲟⲩⲱⲛ ⲁⲩⲱ ⲡⲉⲡⲛⲉⲩⲙⲁ ⲉϥⲛⲏⲩ ⲉⲡⲉⲥⲏⲧ ⲉϫⲱϥ ⲛⲧϩⲉ ⲛⲟⲩϭⲣⲟⲟⲙⲡⲉ |
| s-97
| ⲁⲩⲱ ⲟⲩⲥⲙⲏ ⲁⲥϣⲱⲡⲉ ⲉⲃⲟⲗ ϩⲛⲙⲡⲏⲩⲉ ϫⲉⲛⲧⲟⲕ ⲡⲉ ⲡⲁϣⲏⲣⲉ ⲡⲁⲙⲉⲣⲓⲧ ⲉⲛⲧⲁⲡⲁⲟⲩⲱϣ ϣⲱⲡⲉ ⲛϩⲏⲧⲕ ⲁⲩⲱ ⲧⲉⲩⲛⲟⲩ ⲡⲉⲡⲛⲉⲩⲙⲁ ⲁϥϫⲓⲧϥ ⲉⲃⲟⲗ ⲉⲧⲉⲣⲏⲙⲟⲥ |
| s-98
| ⲁⲩⲱ ⲛⲉϥϩⲛⲧⲉⲣⲏⲙⲟⲥ ⲛϩⲙⲉ ⲛϩⲟⲟⲩ ⲉⲣⲉⲡⲥⲁⲧⲁⲛⲁⲥ ⲡⲉⲓⲣⲁⲍⲉ ⲙⲙⲟϥ ⲉϥϣⲟⲟⲡ ⲙⲛⲛⲉⲑⲏⲣⲓⲟⲛ . |
| s-99
| ⲁⲩⲱ ⲛⲁⲅⲅⲉⲗⲟⲥ ⲛⲉⲩⲇⲓⲁⲕⲟⲛⲓ ⲛⲁϥ . |
| s-100
| ⲙⲛⲛⲥⲁⲛⲥⲉⲡⲁⲣⲁⲇⲓⲇⲟⲩ ⲛⲓⲱϩⲁⲛⲛⲏⲥ ⲁϥⲉⲓ ⲛϭⲓⲓⲏⲥⲟⲩⲥ ⲉⲧⲅⲁⲗⲓⲗⲁⲓⲁ ⲉϥⲕⲏⲣⲩⲥⲥⲉ ⲙⲡⲉⲩⲁⲅⲅⲉⲗⲓⲟⲛ ⲙⲡⲛⲟⲩⲧⲉ ϫⲉⲁⲡⲉⲩⲟⲉⲓϣ ϫⲱⲕ ⲉⲃⲟⲗ ⲁⲩⲱ ⲁⲥϩⲱⲛ ⲉϩⲟⲩⲛ ⲛϭⲓⲧⲙⲛⲧⲣⲣⲟ ⲙⲡⲛⲟⲩⲧⲉ ⲙⲉⲧⲁⲛⲟⲉⲓ ⲛⲧⲉⲧⲛⲡⲓⲥⲧⲉⲩⲉ ϩⲙⲡⲉⲩⲁⲅⲅⲉⲗⲓⲟⲛ . |