Universal Dependencies - Classical_Armenian - CAVaL

s-1

MATT_1.1

Գիրք ծննդեան Յիսուսի Քրիստոսի որդւոյ Դաւթի որդւոյ Աբրահամու:

s-2

MATT_1.2a

Աբրահամ ծնաւ զԻսահակ:

s-3

MATT_1.2b

Իսահակ ծնաւ զՅակովբ:

s-4

MATT_1.2c

Յակովբ ծնաւ զՅուդա՝ եւ զեղբարս նորա:

s-5

MATT_1.3a

Յուդա ծնաւ զՓարես եւ զԶարա ի Թամարա:

s-6

MATT_1.3b

Փարես ծնաւ զԵզրովն:

s-7

MATT_1.3c

Եզրովն ծնաւ զԱրամ:

s-8

MATT_1.4a

Արամ ծնաւ զԱմինադաբ:

s-9

MATT_1.4b

Ամինադաբ ծնաւ զՆաասսովն:

s-10

MATT_1.4c

Նաասսովն ծնաւ զՍաղմովն:

s-11

MATT_1.5a

Սաղմովն ծնաւ զԲոոս ի Հռեքաբայ:

s-12

MATT_1.5b

Բոոս ծնաւ զՈվբէդ ի Հռութայ:

s-13

MATT_1.5c

Ովբէդ ծնաւ զՅեսսե:

s-14

MATT_1.6a

Յեսսե ծնաւ զԴաւիթ արքայ:

s-15

MATT_1.6b

Դաւիթ ծնաւ զՍաղովմովն ի կնոջէն Ուրիա:

s-16

MATT_1.7a

Սաղոմովն ծնաւ զՐոբովամ:

s-17

MATT_1.7b

Րոբովամ ծնաւ զԱբիա:

s-18

MATT_1.7c

Աբիա ծնաւ զԱսափ:

s-19

MATT_1.8a

Ասափ ծնաւ զՅովսափաթ:

s-20

MATT_1.8b

Յովսափաթ ծնաւ զՅովրամ:

s-21

MATT_1.8c

Յովրամ ծնաւ զՈզիա:

s-22

MATT_1.9a

Ոզիա ծնաւ զՅովաթամ:

s-23

MATT_1.9b

Յովաթամ ծնաւ զԱքազ:

s-24

MATT_1.9c

Աքազ ծնաւ զԵզեկիա:

s-25

MATT_1.10a

Եզեկիա ծնաւ զՄանասսէ:

s-26

MATT_1.10b

Մանասսէ ծնաւ զԱմովս:

s-27

MATT_1.10c

Ամովս ծնաւ զՅովսիա:

s-28

MATT_1.11

Յովսիա ծնաւ զՅեքոնիա եւ զեղբարս նորա առ գերութեամբն Բաբեղացւոց:

s-29

MATT_1.12a

Յետ գերութեանն Բաբեղացւոց ծնաւ Յեքոնիա զՍաղաթիէղ:

s-30

MATT_1.12b

Սաղաթիէղ ծնաւ զԶորոբաբէղ:

s-31

MATT_1.13a

Զորոբաբէղ ծնաւ զԱբիուդ:

s-32

MATT_1.13b

Աբիուդ ծնաւ զԵղիակիմ:

s-33

MATT_1.13c

Եղիակիմ ծնաւ զԱզովր:

s-34

MATT_1.14a

Ազովր ծնաւ զՍադովկ:

s-35

MATT_1.14b

Սադովկ ծնաւ զԱքին:

s-36

MATT_1.14c

Աքին ծնաւ զԵղիուդ:

s-37

MATT_1.15a

Եղիուդ ծնաւ զԵղեազար:

s-38

MATT_1.15b

Եղեազար ծնաւ զՄատթան:

s-39

MATT_1.15c

Մատթան ծնաւ զՅակովբ:

s-40

MATT_1.16

Յակովբ ծնաւ զՅովսէփ զայրն Մարիամա, որում խաւսեցեալ զՄարիամ կոյս յորմէ ծնաւն որ անուանեցաւ Քրիստոս:

s-41

MATT_1.17

Արդ ամենայն ազգքն յԱբրահամէ մինչեւ ի Դաւիթ՝ ազգք չորեքտասանք: Եւ ի Դաւթէ մինչեւ ի գերութիւնն Բաբեղացւոց. ազգք չորեքտասանք: Եւ ի գերութենէն Բաբեղացւոց մինչեւ ի Քրիստոս. ազգք չորեքտասանք:

s-42

MATT_1.18a

Եւ Յիսուսի Քրիստոսի ծնունդն էր այսպէս

s-43

MATT_1.18b

Խաւսեալ զմայր նորա Մարիամ Յովսէփու՝ մինչչեւ եկեալ առ միմեանս. գտաւ յղացեալ ի հոգւոյն սրբոյ:

s-44

MATT_1.19

Եւ Յովսէփ այրն նորա քանզի արդար էր. եւ ոչ կամէր առակել զնա. խորհեցաւ լռելեայն արձակել զնա:

s-45

MATT_1.20

Եւ մինչդեռ նա զայս ածէր զմտաւ. ահա հրեշտակ Տեառն ի տեսլեան երեւեցաւ նմա եւ ասէ՝ Յովսէփ որդի Դաւթի, մի երկնչիր առնուլ առ քեզ զՄարիամ կին քո՝ քանզի որ ի նմայն ծնեալ է. ի հոգւոյ սրբոյ է՝

s-46

MATT_1.21

ծնցի որդի եւ կոչեսցես զանուն նորա Յիսուս՝ զի նա փրկեսցէ զժողովուրդ իւր ի մեղաց իւրեանց:

s-47

MATT_1.22

Այղ այս ամենայն եղեւ զի լցցի որ ասացաւն ի Տեառնէ ի ձեռն Էսայայ մարգարէի՝

s-48

MATT_1.23

ահա կոյս յղասցի. եւ ծնցի որդի. եւ կոչեսցեն զանուն նորա Եմմանուէղ՝ որ թարգմանի ընդ մեզ Աստուած:

s-49

MATT_1.24

Եւ զարթուցեալ Յովսէփ ի քնոյ անտի. արար որպէս հրամայեաց նմա հրեշտակն Տեառն եւ առ յինքն զկինն իւր

s-50

MATT_1.25a

եւ ոչ գիտէր զնա, մինչեւ ծնաւ զորդին իւր զանդրանիկ,

s-51

MATT_1.25b

եւ կոչեաց զանուն նորա Յիսուս:

s-52

MATT_2.1-2

Եւ ի ծնանելն ի Բեթղեեմ Հրէաստանի յաւուրս Հէրովդի արքայի Ահա մոգք յարեւելից եկին յԷրուսաղէմ եւ ասեն՝ ո՞ւր է որ ծնաւ արքայն հրէից՝ զի տեսաք զաստղն նորա յարեւելս. եւ եկաք երկիր պագանել նմա:

s-53

MATT_2.3-4

Եւ իբրեւ լուաւ արքայ Հէրոդէս, խռովեցաւ. եւ ամենայն Երուսաղէմ ընդ նմա՝ եւ ժողովեալ զամենայն զքահանայապետս՝ եւ զդպիրս ժողովրդեանն. հարցանէր ի նոցանէ թե ուր ծնանիցի Քրիստոսն:

s-54

MATT_2.5-6

Եւ նոքա ասեն ցնա՝ ի Բեթղեեմ Հրէաստանի: Զի այսպէս գրեալ է ի ձեռն մարգարէին՝ եւ դու Բէթղեեմ երկիր Յուդայ, ոչ ինչ կրտսեր ես յիշխանս յուդա՝ ի քէն ելցէ ինչ իշխան. որ հովուեսցէ զժողովուրդ իմ զԻսրայեղ:

s-55

MATT_2.7-8

Յայնժամ Հէրովդէս գաղտ կոչեաց զմոգսն՝ եւ ստուգեաց ի նոցանէ զժամանակ աստեղն երեւելոյ եւ արձակեալ զնոսա ի Բեթղեեմ. ասէ՝ գնացէք ստուգեցէք վասն մանկանն՝ եւ յորժամ գտանիցէք ազդ արասջիք ինձ. զի եւ ես եկեալ երկիր պագից նմա:

s-56

MATT_2.9

Եւ նոքա իբրեւ լուան ի թագաւորէն գնացին՝ եւ ահա աստղն զոր տեսին յարեւելս. առաջնորդեաց նոցա, մինչ եկեալ եկաց ի վերայ ուր էր մանուկն:

s-57

MATT_2.10

Իբրեւ տեսին զաստղն. խնդացին յոյժ ուրախութիւն մեծ:

s-58

MATT_2.11

Եւ իբրեւ մտին ի տուն տեսին զմանուկն հանդերձ Մարիամաւ մարբն իւրով՝ եւ անկեալ երկիր պագանեին նմա՝ եւ բացեալ զգանձս իւրեանց. մատուցին նմա պատարագս, ոսկի, եւ կնդրուկ, եւ զմուռս:

s-59

MATT_2.12

Եւ հրաման առեալ ի տեսլեան չդառնալ անդրէն առ Հերովդէս. ընդ այղ ճանապարհ գնացին յաշխարհ իւրեանց:

s-60

MATT_2.13

Եւ իբրեւ գնացին նոքա անտի. ահա հրեշտակ Տեառն երեւէր ի տեսլեան Յովսէփու եւ ասէ՝ արի առ զմանուկդ եւ զմայր իւր, եւ փախիր յԵգիպտոս, եւ անդ լինիջիր ցորժամ ասացից քեզ, քանզի ի խնդիր է Հէրովդէս կորուսանել զմանուկդ:

s-61

MATT_2.14-15

Եւ նա յարուցեալ առ զմանուկն եւ զմայր իւր գիշերի, եւ գնաց յԵգիպտոս. եւ անդ էր մինչեւ ցվախճան Հէրովդի: Զի լցցի ասացեալն ի Տեառնէ ի ձեռն մարգարէին որ ասէ. յԵգիպտոսէ կոչեցից զորդի իմ:

s-62

MATT_2.16

Յայնժամ իբրեւ ետես Հէրովդէս թե խաբեցաւ ի մոգուց անտի բարկացաւ յոյժ՝ եւ առաքեաց կոտորեաց զամենայն մանկունս որ եին ի Բէթղեեմ եւ յամենայն սահմանս նորա՝ յերկեմենից եւ ի խոնարհ. ըստ ժամանակին զոր ստուգեաց ի մոգուցն:

s-63

MATT_2.17-18a

Յայնժամ կատարեցաւ ասացեալն ի ձեռն Երեմիայի մարգարէի որ ասէ՝ ձայն գուժեաց ի Հռամա՝ ողբումն՝ եւ լալումն եւ աշխարումն յոյժ,

s-64

MATT_2.18b

Հռաքէղ լայր զորդիս իւր, եւ ոչ կամէր մխիթարել, զի ոչ էին:

s-65

MATT_2.19-20

Եւ ի վախճանելն Հէրովդի, ահա հրեշտակ Տեառն ի տեսլեան երեւէր Յովսէփայ յԵգիպտոս եւ ասէր՝ արի առ զմանուկդ եւ զմայր իւր եւ գնա յերկիրն Իսրայեղի, զի մեռան որ խնդրեին զանձն մանկանդ:

s-66

MATT_2.21

Եւ նա յարուցեալ առ զմանուկն եւ զմայր նորա. եւ եկն յերկիրն Իսրայեղի:

s-67

MATT_2.22a

Եւ իբրեւ լուաւ եթե Արքեղաոս թագաւորեաց Հրէաստանի փոխանակ Հէրովդի հաւրն իւրոյ. երկեաւ երթալ անդր՝

s-68

MATT_2.22b

եւ հրաման առեալ ի տեսլեան՝ գնաց ի կողմանս Գաղիղեացւոց՝

s-69

MATT_2.23

եւ եկեալ բնակեցաւ ի քաղաքին որ կոչէր Նազարեթ զի լցցի բան մարգարէին. թե Նազովրեցի կոչեսցի:

s-70

MATT_9.1

Եւ մտեալ ի նաւ անց յայնկոյս. եւ եկն ի քաղաք իւր:

s-71

MATT_9.2a

Եւ ահա մատուցին առ նա անդամալոյծ մի որ դնէր ի մահիճս:

s-72

MATT_9.2b

Եւ տեսեալ Յիսուսի զհաւատս նոցա, ասէ ցանդամալոյծն,

s-73

MATT_9.2c

թողեալ լիցին քեզ մեղք քո:

s-74

MATT_9.3

Եւ ահա ոմանք ի դպրացն ասեն ընդ միտս, հայհոյէ դա:

s-75

MATT_9.4-5

Եւ ծանուցեալ Յիսուսի զխորհուրդս նոցա, ասէ ցնոսա՝ ընդէ՞ր խորհիք դուք չարիս ի սիրտս ձեր՝ զի՞նչ դիւրին է՝ ասել թողեալ լիցին քեզ մեղք քո, եթե ասել արի եւ շրջեաց:

s-76

MATT_9.6a

Այղ զի գիտասջիք եթե իշխանութիւն ունի որդի մարդոյ յերկրի թողուլ զմեղս՝

s-77

MATT_9.6b

յայնժամ ասէ ցանդամալոյծն արի առ զմահիճս քո. եւ երթ ի տուն քո:

s-78

MATT_9.7

Եւ յարուցեալ գնաց ի տուն իւր:

s-79

MATT_9.8

Իբրեւ տեսին ժողովուրդքն զարմացան՝ եւ փառաւոր առնեին զԱստուած. զտուիչ այնպիսի իշխանութեան մարդկան:

s-80

MATT_9.9a

Եւ անցեալ ընդ այն ետես այր մի զի նստէր ի մաքսաւորութեան Մատթեոս անուն՝ եւ ասէ ցնա եկ զկնի իմ:

s-81

MATT_9.9b

Եւ յարուցեալ գնաց զկնի նորա:

s-82

MATT_9.10

Եւ եղեւ իբրեւ բազմեալ էր նա ի տանն. եւ ահա բազում մաքսաւորք եւ մեղաւորք եկեալ եւ բազմեալ եին ընդ Յիսուսի եւ ընդ աշակերտս նորա:

s-83

MATT_9.11

Իբրեւ տեսին Փարիսեցիքն, ասեն ցաշակերտս նորա՝ ընդէ՞ր ընդ մաքսաւորս եւ ընդ մեղաւորս ուտէ վարդապետն ձեր:

s-84

MATT_9.12

Իսկ Յիսուս իբրեւ լուաւ. ասէ ցնոսա՝ ոչ պիտոյ է բժիշկ կարողաց՝ այլ հիւանդաց:

s-85

MATT_9.13a

Երթայք ուսարուք՝ զի՞նչ է

s-86

MATT_9.13b

զողորմութիւն կամիմ եւ ոչ զզոհ՝ զի ոչ եկի կոչել զարդարս. այլ զմեղաւորս:

s-87

MATT_9.14

Յայնժամ մատեան առ նա աշակերտքն Յովհաննու եւ ասեն՝ ընդէ՞ր մեք եւ Փարիսեցիքն պահեմք յաճախ, եւ քո աշակերքդ ոչ պարհեն:

s-88

MATT_9.15a

Ասէ ցնոսա Յիսուս՝ մի եթե մարթ ի՞նչ իցէ մանկանց առագաստի սուգ առնուլ, մինչ փեսայն ընդ նոսա իցէ,

s-89

MATT_9.15b

այղ եկեցեն աւուրքն՝ յորժամ բարձցի ի նոցանէ փեսայն. եւ ապա պարհեսցեն:

s-90

MATT_9.16

ոչ ոք արկանէ կապերտ անթափ ի վերայ հնացեալ ձորձոյ՝ զի առնու ելանէ զլրութիւն նորա ի հանդերձէն, եւ եւս չար պատառումն լինի:

s-91

MATT_9.17a

Եւ ոչ արկանեն գինի նոր ի տիկս հինս՝

s-92

MATT_9.17b

ապա թե ոչ տիկքն պատառին՝ եւ գինին հեղու, եւ տիկքն կորնչին՝

s-93

MATT_9.17c

այղ արկանեն զգինի նոր ի տիկս նորս, եւ երկոքին պահին:

s-94

MATT_9.18

Մինչդեռ նա զայս խաւսէր ընդ նոսա, ահա իշխան մի մատուցեալ երկիր պագանէր նմա եւ ասէր, դուստր իմ արդ եւս վախճանեցաւ՝ այղ եկեալ դիցէս զձեռն քո ի վերայ նորա՝ եւ կեցցէ:

s-95

MATT_9.19

Յարեաւ Յիսուս եւ գնաց զկնի նորա աշակերտաւքն հանդերձ:

s-96

MATT_9.20-21

Եւ ահա կին մի տեռատես երկոտասանամեայ, մատուցեալ յետոյ մերձեցաւ ի դրաւշակ հանդերձի նորա՝ քանզի ասէր ի մտի իւրում. թե միայն մերձենամ ի հանդերձս նորա, փրկիմ:

s-97

MATT_9.22a

Իսկ Յիսուս իբրեւ դարձաւ եւ ետես զնա, ասէ՝ քաջալերեաց դուստր՝

s-98

MATT_9.22b

հաւատք քո կեցուցին զքեզ:

s-99

MATT_9.22c

Եւ փրկեցաւ կինն ի ժամէն յայնմանէ:

s-100

MATT_9.23-24a

Իբրեւ եկն Յիսուս ի տուն իշխանին՝ եւ ետես զփողարսն՝ եւ ամբոխ յոյժ, ասէ ցնոսա ի բաց գնացէք, զի ոչ եթե մեռեալ է աղջիկդ այղ ննջէ: