Universal Dependencies - Latin - Perseus

s-101

phi0959.phi006.perseus-lat1.tb.xml@69

Sternuntur segetes et deplorata coloni vota iacent, longique perit labor inritus anni.

s-102

phi0959.phi006.perseus-lat1.tb.xml@70

Nec caelo contenta suo est Iovis ira, sed illum caeruleus frater iuvat auxiliaribus undis.

s-103

phi0959.phi006.perseus-lat1.tb.xml@71

Convocat hic amnes.

s-104

phi0959.phi006.perseus-lat1.tb.xml@73

Vires effundite vestras:

s-105

phi0959.phi006.perseus-lat1.tb.xml@76

Iusserat;

s-106

phi0959.phi006.perseus-lat1.tb.xml@77

hi redeunt ac fontibus ora relaxant et defrenato volvuntur in aequora cursu.

s-107

phi0959.phi006.perseus-lat1.tb.xml@78

Ipse tridente suo terram percussit:

s-108

phi0959.phi006.perseus-lat1.tb.xml@79

at illa intremuit motuque vias patefecit aquarum.

s-109

phi0959.phi006.perseus-lat1.tb.xml@80

Exspatiata ruunt per apertos flumina campos cumque satis arbusta simul pecudesque virosque tectaque cumque suis rapiunt penetralia sacris.

s-110

phi0959.phi006.perseus-lat1.tb.xml@81

Iamque mare et tellus nullum discrimen habebant:

s-111

phi0959.phi006.perseus-lat1.tb.xml@82

omnia pontus erant;

s-112

phi0959.phi006.perseus-lat1.tb.xml@83

deerant quoque litora ponto.

s-113

phi0959.phi006.perseus-lat1.tb.xml@85

Figitur in viridi, si fors tulit, ancora prato, aut subiecta terunt curvae vineta carinae;

s-114

phi0959.phi006.perseus-lat1.tb.xml@86

et, modo qua graciles gramen carpsere capellae, nunc ibi deformes ponunt sua corpora phocae.

s-115

phi0959.phi006.perseus-lat1.tb.xml@89

Quaesitisque diu terris, ubi sistere possit, in mare lassatis volucris vaga decidit alis.

s-116

phi0959.phi006.perseus-lat1.tb.xml@90

Obruerat tumulos inmensa licentia ponti, pulsabantque novi montana cacumina fluctus.

s-117

phi0959.phi006.perseus-lat1.tb.xml@91

Maxima pars unda rapitur;

s-118

phi0959.phi006.perseus-lat1.tb.xml@92

quibus unda pepercit, illos longa domant inopi ieiunia victu.

s-119

phi0959.phi006.perseus-lat1.tb.xml@94

Mons ibi verticibus petit arduus astra duobus, nomine Parnasus, superantque cacumina nubes.

s-120

phi0959.phi006.perseus-lat1.tb.xml@98

Nec maris ira manet, positoque tricuspide telo mulcet aquas rector pelagi supraque profundum exstantem atque umeros innato murice tectum caeruleum Tritona vocat conchaeque sonanti inspirare iubet fluctusque et flumina signo iam revocare dato.

s-121

phi0959.phi006.perseus-lat1.tb.xml@105

possedit cetera pontus.

s-122

phi0959.phi006.perseus-lat1.tb.xml@106

Haec quoque adhuc vitae non est fiducia nostrae certa satis;

s-123

phi0959.phi006.perseus-lat1.tb.xml@107

terrent etiam nunc nubila mentem.

s-124

phi0959.phi006.perseus-lat1.tb.xml@109

quo sola timorem ferre modo posses?

s-125

phi0959.phi006.perseus-lat1.tb.xml@110

quo consolante doleres?

s-126

phi0959.phi006.perseus-lat1.tb.xml@112

O utinam possim populos reparare paternis artibus atque animas formatae infundere terrae!

s-127

phi0959.phi006.perseus-lat1.tb.xml@114

Dixerat, et flebant.

s-128

phi0959.phi006.perseus-lat1.tb.xml@115

Placuit caeleste precari numen et auxilium per sacras quaerere sortes.

s-129

phi0959.phi006.perseus-lat1.tb.xml@117

adeunt pariter Cephisidas undas, ut nondum liquidas, sic iam vada nota secantes.

s-130

phi0959.phi006.perseus-lat1.tb.xml@118

Inde ubi libatos inroravere liquores vestibus et capiti, flectunt vestigia sanctae ad delubra deae, quorum fastigia turpi pallebant musco stabantque sine ignibus arae.

s-131

phi0959.phi006.perseus-lat1.tb.xml@119

Ut templi tetigere gradus, procumbit uterque pronus humi gelidoque pavens dedit oscula saxo atque ita ' si precibus ' dixerunt ' numina iustis victa remollescunt, si flectitur ira deorum, dic, Themi, qua generis damnum reparabile nostri arte sit, et mersis fer opem, mitissima, rebus. '

s-132

phi0959.phi006.perseus-lat1.tb.xml@122

Obstipuere diu, rumpitque silentia voce Pyrrha prior iussisque deae parere recusat, detque sibi veniam pavido rogat ore, pavetque laedere iactatis maternas ossibus umbras.

s-133

phi0959.phi006.perseus-lat1.tb.xml@123

Interea repetunt caecis obscura latebris verba datae sortis secum inter seque volutant.

s-134

phi0959.phi006.perseus-lat1.tb.xml@125

Magna parens terra est, lapides in corpore terrae ossa reor dici;

s-135

phi0959.phi006.perseus-lat1.tb.xml@128

adeo caelestibus ambo diffidunt monitis.

s-136

phi0959.phi006.perseus-lat1.tb.xml@129

Sed quid temptare nocebit?

s-137

phi0959.phi006.perseus-lat1.tb.xml@130

Discedunt velantque caput tunicasque recingunt et iussos lapides sua post vestigia mittunt.

s-138

phi0959.phi006.perseus-lat1.tb.xml@135

quod solidum est flectique nequit, mutatur in ossa;

s-139

phi0959.phi006.perseus-lat1.tb.xml@136

quae modo vena fuit, sub eodem nomine mansit;

s-140

phi0959.phi006.perseus-lat1.tb.xml@140

Sic ubi deseruit madidos septemfluus agros Nilus et antiquo sua flumina reddidit alveo aetherioque recens exarsit sidere limus, plurima cultores versis animalia glaebis inveniunt, et in his quaedam modo coepta per ipsum nascendi spatium, quaedam inperfecta suisque trunca vident numeris;

s-141

phi0959.phi006.perseus-lat1.tb.xml@142

Quippe ubi temperiem sumpsere umorque calorque , concipiunt, et ab his oriuntur cuncta duobus;

s-142

phi0959.phi006.perseus-lat1.tb.xml@143

cumque sit ignis aquae pugnax, vapor umidus omnes res creat, et discors concordia fetibus apta est.

s-143

phi0959.phi006.perseus-lat1.tb.xml@145

Illa quidem nollet, sed te quoque, maxime Python, tum genuit, populisque novis, incognite serpens, terror eras:

s-144

phi0959.phi006.perseus-lat1.tb.xml@146

tantum spatii de monte tenebas.

s-145

phi0959.phi006.perseus-lat1.tb.xml@147

Hunc deus arquitenens, et numquam talibus armis ante nisi in dammis capreisque fugacibus usus, mille gravem telis exhausta paene pharetra perdidit effuso per vulnera nigra veneno.

s-146

phi0959.phi006.perseus-lat1.tb.xml@148

Neve operis famam posset delere vetustas, instituit sacros celebri certamine ludos, Pythia perdomitae serpentis nomine dictos.

s-147

phi0959.phi006.perseus-lat1.tb.xml@149

Hic iuvenum quicumque manu pedibusve rotave vicerat, aesculeae capiebat frondis honorem:

s-148

phi0959.phi006.perseus-lat1.tb.xml@153

dixerat, ' ista decent umeros gestamina nostros, qui dare certa ferae, dare vulnera possumus hosti, qui modo pestifero tot iugera ventre prementem stravimus innumeris tumidum Pythona sagittis.

s-149

phi0959.phi006.perseus-lat1.tb.xml@157

Dixit et eliso percussis aere pennis inpiger umbrosa Parnasi constitit arce eque sagittifera prompsit duo tela pharetra diversorum operum:

s-150

phi0959.phi006.perseus-lat1.tb.xml@158

fugat hoc, facit illud amorem.

s-151

phi0959.phi006.perseus-lat1.tb.xml@159

Quod facit, auratum est et cuspide fulget acuta;

s-152

phi0959.phi006.perseus-lat1.tb.xml@162

Protinus alter amat, fugit altera nomen amantis silvarum tenebris captivarumque ferarum exuviis gaudens innuptaeque aemula Phoebes.

s-153

phi0959.phi006.perseus-lat1.tb.xml@163

Vitta coercebat positos sine lege capillos.

s-154

phi0959.phi006.perseus-lat1.tb.xml@166

illa, velut crimen taedas exosa iugales, pulchra verecundo suffunditur ora rubore, inque patris blandis haerens cervice lacertis ' da mihi perpetua, genitor carissime, ' dixit ' virginitate frui:

s-155

phi0959.phi006.perseus-lat1.tb.xml@169

Votoque tuo tua forma repugnat:

s-156

phi0959.phi006.perseus-lat1.tb.xml@170

Phoebus amat visaeque cupit conubia Daphnes, quodque cupit, sperat, suaque illum oracula fallunt.

s-157

phi0959.phi006.perseus-lat1.tb.xml@173

ait.

s-158

phi0959.phi006.perseus-lat1.tb.xml@174

Videt igne micantes sideribus similes oculos, videt oscula, quae non est vidisse satis;

s-159

phi0959.phi006.perseus-lat1.tb.xml@175

laudat digitosque manusque bracchiaque et nudos media plus parte lacertos.

s-160

phi0959.phi006.perseus-lat1.tb.xml@177

Fugit ocior aura illa levi neque ad haec revocantis verba resistit:

s-161

phi0959.phi006.perseus-lat1.tb.xml@179

Non insequor hostis:

s-162

phi0959.phi006.perseus-lat1.tb.xml@180

nympha, mane!

s-163

phi0959.phi006.perseus-lat1.tb.xml@182

amor est mihi causa sequendi.

s-164

phi0959.phi006.perseus-lat1.tb.xml@185

Aspera, qua properas, loca sunt.

s-165

phi0959.phi006.perseus-lat1.tb.xml@186

Moderatius, oro, curre fugamque inhibe;

s-166

phi0959.phi006.perseus-lat1.tb.xml@187

moderatius insequar ipse.

s-167

phi0959.phi006.perseus-lat1.tb.xml@188

Cui placeas, inquire tamen.

s-168

phi0959.phi006.perseus-lat1.tb.xml@190

Nescis, temeraria, nescis quem fugias, ideoque fugis.

s-169

phi0959.phi006.perseus-lat1.tb.xml@191

Mihi Delphica tellus et Claros et Tenedos Patareaque regia servit, Iuppiter est genitor;

s-170

phi0959.phi006.perseus-lat1.tb.xml@193

per me concordant carmina nervis.

s-171

phi0959.phi006.perseus-lat1.tb.xml@195

Inventum medicina meum est, opiferque per orbem dicor, et herbarum subiecta potentia nobis:

s-172

phi0959.phi006.perseus-lat1.tb.xml@197

Plura locuturum timido Peneia cursu fugit cumque ipso verba inperfecta reliquit, tum quoque visa decens.

s-173

phi0959.phi006.perseus-lat1.tb.xml@202

Qui tamen insequitur pennis adiutus Amoris, ocior est requiemque negat tergoque fugacis inminet et crinem sparsum cervicibus adflat.

s-174

phi0959.phi006.perseus-lat1.tb.xml@203

Viribus absumptis expalluit illa citaeque victa labore fugae spectans Peneidas undas ' fer pater ' inquit ' opem si flumina numen habetis.

s-175

phi0959.phi006.perseus-lat1.tb.xml@205

Vix prece finita torpor gravis occupat artus:

s-176

phi0959.phi006.perseus-lat1.tb.xml@207

remanet nitor unus in illa.

s-177

phi0959.phi006.perseus-lat1.tb.xml@208

Hanc quoque Phoebus amat, positaque in stipite dextra sentit adhuc trepidare novo sub cortice pectus conplexusque suis ramos, ut membra, lacertis oscula dat ligno:

s-178

phi0959.phi006.perseus-lat1.tb.xml@209

refugit tamen oscula lignum.

s-179

phi0959.phi006.perseus-lat1.tb.xml@210

Cui deus ' at quoniam coniunx mea non potes esse, arbor eris certe ' dixit ' mea.

s-180

phi0959.phi006.perseus-lat1.tb.xml@212

tu ducibus Latiis aderis, cum laeta triumphum vox canet et visent longas Capitolia pompas:

s-181

phi0959.phi006.perseus-lat1.tb.xml@214

Finierat Paean:

s-182

phi0959.phi006.perseus-lat1.tb.xml@217

vocant Tempe.

s-183

phi0959.phi006.perseus-lat1.tb.xml@218

Per quae Peneus ab imo effusus Pindo spumosis volvitur undis, deiectuque gravi tenues agitantia fumos nubila conducit summisque adspergine silvis inpluit et sonitu plus quam vicina fatigat.

s-184

phi0959.phi006.perseus-lat1.tb.xml@221

Conveniunt illuc popularia flumina primum, nescia, gratentur ne consolentur parentem, populifer Sperchios et inrequietus Enipeus Apidanusque senex lenisque Amphrysos et Aeas, moxque amnes alii, qui, qua tulit impetus illos, in mare deducunt fessas erroribus undas.

s-185

phi0959.phi006.perseus-lat1.tb.xml@224

sed quam non invenit usquam.

s-186

phi0959.phi006.perseus-lat1.tb.xml@226

Viderat a patrio redeuntem Iuppiter illam flumine et ' o virgo Iove digna tuoque beatum nescio quem factura toro, pete ' dixerat ' umbras altorum nemorum ' ( et nemorum monstraverat umbras ), ' dum calet et medio sol est altissimus orbe.

s-187

phi0959.phi006.perseus-lat1.tb.xml@230

Iam pascua Lernae consitaque arboribus Lyrcea reliquerat arva, cum deus inducta latas caligine terras occuluit tenuitque fugam rapuitque pudorem.

s-188

phi0959.phi006.perseus-lat1.tb.xml@233

Quem postquam caelo non repperit, ' aut ego fallor, aut ego laedor ' ait, delapsaque ab aethere summo constitit in terris nebulasque recedere iussit.

s-189

phi0959.phi006.perseus-lat1.tb.xml@234

Coniugis adventum praesenserat inque nitentem Inachidos vultus mutaverat ille iuvencam.

s-190

phi0959.phi006.perseus-lat1.tb.xml@235

Bos quoque formosa est.

s-191

phi0959.phi006.perseus-lat1.tb.xml@237

Petit hanc Saturnia munus.

s-192

phi0959.phi006.perseus-lat1.tb.xml@238

Quid faciat?

s-193

phi0959.phi006.perseus-lat1.tb.xml@240

Pudor est qui suadeat illinc, hinc dissuadet amor.

s-194

phi0959.phi006.perseus-lat1.tb.xml@246

Constiterat quocumque modo, spectabat ad Io.

s-195

phi0959.phi006.perseus-lat1.tb.xml@247

ante oculos Io, quamvis aversus, habebat:

s-196

phi0959.phi006.perseus-lat1.tb.xml@248

Luce sinit pasci;

s-197

phi0959.phi006.perseus-lat1.tb.xml@249

cum sol tellure sub alta est, claudit et indigno circumdat vincula collo.

s-198

phi0959.phi006.perseus-lat1.tb.xml@250

frondibus arboreis et amara pascitur herba, proque toro terrae non semper gramen habenti incubat infelix limosaque flumina potat.

s-199

phi0959.phi006.perseus-lat1.tb.xml@252

Venit et ad ripas, ubi ludere saepe solebat, Inachidas ripas;

s-200

phi0959.phi006.perseus-lat1.tb.xml@253

novaque ut conspexit in unda cornua, pertimuit seque exsternata refugit.