Universal Dependencies - Bavarian - MaiBaam

s-1

wiki_Haberertanz_2

Da Haberertanz is a haftiga Schuahplattler (Schuhplattler) bei dem stoarke Aggressionen ausglebt wean.

s-2

wiki_Haberertanz_3

Er soi um 1900 entstandn sein und wiard nua vo Burschn tanzt.

s-3

wiki_Haberertanz_4

Beim Haberer stäht ned des Wearbn um des Diandl im Vordagrund sondan de Bedrohung von dena Rivoin.

s-4

wiki_Haberertanz_5

Beim Haberertanz wean Hassgfui ausdruckt.

s-5

wiki_Haberertanz_6

Es wean Grimassn gschnittn, de Faust zoagt, auf'n Hintan gschlogn und sogoa Messa zogn.

s-6

wiki_Haberertanz_7

Im friahn 20.Joahrhundat soi dabei eftas Bluad gflossn sein.

s-7

wiki_Haberertanz_8

Da Watschntanz is aa entfernta Verwaundta vum Haberer.

s-8

wiki_Lamma_2

D'Lomma is a rechta Nemfluss vo da Soizach im Dennangau im Soizburga Lond.

s-9

wiki_Lamma_3

Se fongd im Dennangebirg af uma 1.700 Meta üwan Meer drüwa au und gehd donn in an Bogen üwa Annaberg-Lungötz, Abtenau und Scheffau am Dennangebirg noch Nordwestn.

s-10

wiki_Lamma_4

Noch 41 Kilometa rinnds bei Golling, 480 Meta üwan Meer drüwa, ind Soizach eini.

s-11

wiki_Lamma_5

Bei Owascheffau rinnds durch a Glomm durch, zu der wos ma Lommaöfm sogt.

s-12

wiki_Lamma_6

D'Lomma hod a rechd a sauwas Wossa und is a fian Wüidwossasport rechd beliabt.

s-13

wiki_Fruchtschnittn_2

A Fruchtschnittn is a Siaßigkeit in Rieglfoam, de aus aner oda mehraren Sortn Obst und zwa Oblatn besteht.

s-14

wiki_Fruchtschnittn_3

Je noch Sortn werdn übawiegnd Rosinan, Äpfl, diverse Bean (z.B. Himmba, Bromba, Schwoazba, Erdba, Ribisl etc.), Dottln, Orangn und Mangos verwendat.

s-15

wiki_Fruchtschnittn_4

Nebn den reinen Fruchtschnittn gibts a Variationen denan Droad, Schogglad, Kafääh, Nussn, Honf, Gewiaze, Griantee und Marzipan beigmengt wiad.

s-16

wiki_Fruchtschnittn_5

In monchn Gegenden vasteht man unta dem Begriff Fruchtschnittn a an Blechkuchn, dea mit Fruchtstickln belegt is.

s-17

wikisource_Hansl-und-Gretl_1

Vor am groußn Woid do hod a arma Hoizhauer gwohnt, der nix zum beißn und brecha ghobt hod und's dagig Broud kaam fia sei Wei und seine zwoa Kinda Hansl und Gretl glangt hod.

s-18

wikisource_Hansl-und-Gretl_2

Amoi hod a aa des nimma gschafft und hod nimma weidda gwußt in seina Nout.

s-19

wikisource_Hansl-und-Gretl_3

Wiara se in da Nocht im Bett umadumdraht hod, da hat sei Wei zu eam gsogt:

s-20

wikisource_Hansl-und-Gretl_4

'Mo, bass auf, moing in da Fria nimmst de zwoa Kinda, gibst jedn no a Stückal Broud und gehst auße ins Hoiz mit eana, diaf eine, do wos am dichtasten is, kendst a Feia o, gehst weg und losst se dortn, mia kinnan se ned lenga dafuadern.'

s-21

wikisource_Hansl-und-Gretl_5

'Na Wei', hod da Mo gsogt, 'des bring i ned über's Herz, meine eigna Kinda zu de wuiden Viecha zbringa, de wos boid im Hoiz dareißn dadn.'

s-22

wikisource_Hansl-und-Gretl_6

'Wennst as ned machst, miassma olle dahungern.'

s-23

wikisource_Hansl-und-Gretl_7

Sie hod rumbenzt, bis a Ja gsogt hod.

s-24

wikisource_Hansl-und-Gretl_8

De zwoa Kinda warn a no wach zwecks dem Hunga und hom ois ghert, wos d'Muadda zum Vadda gsogt hod.

s-25

wikisource_Hansl-und-Gretl_9

De Gretl hod denkd, es war um se gscheng und hod furchtbar trenzt.

s-26

wikisource_Hansl-und-Gretl_10

Da Hansl oba hod gsogt:

s-27

wikisource_Hansl-und-Gretl_11

'Sei staad, Gretl, mach da nix draus, i woaß scho wos.'

s-28

wikisource_Hansl-und-Gretl_12

So is a aufgstandn, hod sei Röckerl ozogn, Dia aufgmocht und is rausgschlicha.

s-29

wikisource_Hansl-und-Gretl_13

Da Mondschei war häj und de weißn Kieslstoana hom gleicht wia laudda Gäjdstückerl.

s-30

wikisource_Hansl-und-Gretl_14

Da Hansl hod se buckt und se de Roggdaschn voigstopft, so väj einebasst hom.

s-31

wikisource_Hansl-und-Gretl_15

Drauf is a hoam und hod zua Gretl gsogt: 'tröst di, Gretl, schlof nua brav', hod se ins Bett glegt und is eigschlofa.

s-32

wikisource_Hansl-und-Gretl_16

In der Friah, ois Sonn no gar ned aufganga war, is d'Muadda kemma und hod oi zwoa gweckt:

s-33

wikisource_Hansl-und-Gretl_17

'Stähts auf, Kinda, mia mechan ins Hoiz geh.

s-34

wikisource_Hansl-und-Gretl_18

Da habt's a Stickerl Broud, owa wart's damit bis Mittog.'

s-35

wikisource_Hansl-und-Gretl_19

D'Gretel hod's Broud unter d'Schiazn gnumma, weil da Hansl ja d'Stoana in da Daschn ghobt hod.

s-36

wikisource_Hansl-und-Gretl_20

Dann hom sa se aufn Weg ins Hoiz gmacht.

s-37

wikisource_Hansl-und-Gretl_21

Nach am Stick gangan Weg is da Hansl steh blim und hod se nach zuhaus umgschaut und des immer wieder moi.

s-38

wikisource_Hansl-und-Gretl_22

Da Vadda hod gsogt:

s-39

wikisource_Hansl-und-Gretl_23

'Hansl, wos schaugst'n ollawei und kimmst ned weida, bass auf und geh zua.'

s-40

wikisource_Hansl-und-Gretl_24

- 'A, Babba, i schuag bloß nach meina kloanan weißn Katz, de wo obm aufm Doch sitz und mia Bfiade song wui.'

s-41

wikisource_Hansl-und-Gretl_25

D'Muadda hod gsagt:

s-42

wikisource_Hansl-und-Gretl_26

'Du Depp, des is doch koa Katz, sondan d'Sonn, de üban Kamin scheint.'

s-43

wikisource_Hansl-und-Gretl_27

Da Hansel hod aba ned nach ana Katz gschaut, sondan immer oan vo de glanzande Kieselstoana aufn Weg gworfa.

s-44

wikisource_Hansl-und-Gretl_28

Ois nacha mitn im Woid akemma san, hod da Vadda gsagt: 'sammets iatzad a Hoiz, Kinda, i mechat a Feier akendn, das ma ned friarn.'

s-45

wikisource_Hansl-und-Gretl_29

Da Hansel und de Gretl hom an kloana Haufa voia Wied zsamdrong.

s-46

wikisource_Hansl-und-Gretl_30

Dann habnses ankent und ois de Feier gscheit brennt hod, hod d'Muadda gsogt: 'iatz legts eich ans Feier und schlofts, mia gengan inn Woid, Hoiz haun.

s-47

wikisource_Hansl-und-Gretl_31

Ia warts, bis ma wieda da sand und eich abhoin.'

s-48

wikisource_Hansl-und-Gretl_32

Da Hansel und d Gretl sand bis Mittag am Feier gsessen, dann hod a jetz sei Stickerl Broud gessn und dann habns wieder bis af d'Nacht gwart, aber da Babba und d'Mama sand ned kemma, nämad is kemma, se abzhoin.

s-49

wikisource_Hansl-und-Gretl_33

Ois dann dumpere Nacht wordn is, hod de Gretl ofangt z'trenzn, owa da Hansl hod gsogt: 'wart no a weng, bis da Mondschei kimmt.'

s-50

wikisource_Hansl-und-Gretl_34

Und wia da Mond aufzong is, hod a de Gretl an da Hand backt und is de Kieslstoana noch, de wo do gleng san wia neie Geidstückal und gleicht habn und so an Weg zoagt habn.

s-51

wikisource_Hansl-und-Gretl_35

De ganze Nocht durch sands ganga und wia's Friah wordn is, sand's wieda dahoam akemma.

s-52

wikisource_Hansl-und-Gretl_36

Da Vadda hod se richte gfreit, ois a seine Kinda wieder gseng hod, wei er sie nua ungrn alloa glossn hod.

s-53

wikisource_Hansl-und-Gretl_37

De Muadda hod aa so do ois wanns sa se greiad, owa war hoamle grantig.

s-54

wiki_Minga_2

Minga (amtli: München) Aussproch: [ˈmɪŋ(:)ɐ] is d'Haptstod vo Bayern.

s-55

wiki_Minga_3

In da Umgebung (20–30 km) hoaßt ma s'Minga oda oft aa oafach d'Stod.

s-56

wiki_Minga_4

Minga is mid mehra wia 1,5 Milliona Eihwohna d'gresste Stod vo Bayern und hinta Berlin und Hamburg d'drittgresste Stod vo Deitschland.

s-57

wiki_Minga_5

D'Stod g'head zua d'wichtigstn Wirtschofts-, Vakeas- und Kuituazentren vo Eiropa.

s-58

wiki_Minga_6

Minga is aa da Vawoitungssitz vom Regiarungsbeziak Owabayern.

s-59

wiki_Minga_7

Minga is in da ganzen woid aa zwengs da Wiesn und am Hofbraihaus bekannt.

s-60

wiki_Minga_8

Dazua hods no vui andane Sengswiadigkeitn wias Glocknspui am Rathaus am Marienplotz, d'Residenz und s'Schloss Nymphenburg.

s-61

wiki_Minga_9

Z'Minga gibt 's aa an Hauffa Museen, wias Deitsche Museum, oda d'oide, d'neie und d'Pinakothek vo da Modeane.

s-62

wiki_Minga_10

Minga liegt af da owaboarischn Hochebene, ebba 50 km neadli vo d'Oipm.

s-63

wiki_Minga_11

D'Hächn ligt duachschnittli bei 520 m iwa NN.

s-64

wiki_Minga_12

Da hechste Punkt vo da Stod is da Warnberg im 19. Stodbeziak mit 579 m iwa NN, da tiafste Punkt liegt mit 482 m iwa NN im neadlichn Schwoazhejzl (amtli: Schwarzhölzel) im Stodtei Fejdmoching.

s-65

wiki_Minga_13

D'Isar duachfliasst as Stodgebiet af a Leng vo 13,7 km vo Sidwest noch Noadost.

s-66

wiki_Minga_14

Bekonnte Flussinsln san d'Museumsinsl midn Deitschn Museum und d'Protainsl in unmiddlboara Nachn.

s-67

wiki_Minga_15

Im Umland gibt 's an Hauffa grosse Seen, wia z. B. in Ammersee, in Werthsee oda in Starnberga See.

s-68

wiki_Minga_16

Nebm da Isar hod Minga ois fliassende Gwessa no d'Wiam, d'wo aus'n Starnberga See kimmt, an Hachinga Bach und a boar Stodbachal, wo vo da Isar obzweign, wia da Eisboch, da Auer Miiboch und da Brunnboch.

s-69

wiki_Minga_17

Im Mingara Stodgebiet liegn aa Seen, wia zum Beispui da Kloahesseloha See im Englischn Gartn, da See im Olympiaglanda und d'Dreiseenplottn (Lerchenaua, Fasanerie- und Fejdmochinga See) im Noadn vo da Stod.

s-70

wiki_Haferltarock_2

Haferltarock is a Koartnspui fia drei Leit.

s-71

wiki_Haferltarock_3

Trotzdem, dass's „Tarock“ hoißt, ghearts ned zu de Tarock-Variantn.

s-72

wiki_Haferltarock_4

Desweng spuit ma's aa ned mid Tarockkoartn, sondan mid ganz noamale Spuikoartn, wouma owa d'Sechsa drin loun mou.

s-73

wiki_Haferltarock_5

Wej scho gsagt, spuit ma Haferltarock mid ganz noamale Spuikoartn, owa mid Sechsa.

s-74

wiki_Haferltarock_6

Es gibt vier Foama: Gras, Herz, Schölln und Oichadl.

s-75

wiki_Haferltarock_7

In ana nejdn Foa gibt's nei Koartn, de wej vo da hejchstn zu da niadrigstn sordiad dan: Sau, Zehner, Kini, Ober, Unta, Neiner, Ochter, Siemer, Sechser.

s-76

wiki_Haferltarock_8

Wej vom Schafkopf zejt a nejde Koartn bstimmte Bungde, de owa ned Bungde sondan Aung hoissnd:

s-77

wiki_Haferltarock_9

Miedernand giz also 120 Aung.

s-78

wiki_Haferltarock_10

Deajenige, de wej inloinz spüllt, braucht zun Gwinga mea wej de holwadn Aung, also mindastns 61.

s-79

wiki_Haferltarock_11

Da Geba mischt olle 36 Koartn und lout den oheem, der wej rechts vo eam sitzt.

s-80

wiki_Haferltarock_12

Nachand gitta an nejdn in Uazoiglsinn vier Koartn, nachernd an nejdn drei Koartn.

s-81

wiki_Haferltarock_13

Dann moua in d'Mitt vo Diisch drei Koartn leng, de wej ma Stock hoißt.

s-82

wiki_Haferltarock_14

Nachand grejgt anejda nomml vier Koartn ausdaalt.

s-83

wiki_Haferltarock_15

Dea wej links vom Geba hockt mou ejtzad als easchta song, obba a Spui hod oda ned.

s-84

wiki_Haferltarock_16

Dann is dea rachts vom Geba dro, dann de Geba sölba.

s-85

wiki_Haferltarock_17

Wenn koana spuin wui wiad zamgschmissn und da naxde mou gem.

s-86

wiki_Haferltarock_18

Wenn sched oana spuit, nachern kann dea aafoch sei Spui oosong.

s-87

wiki_Haferltarock_19

Wenn meara Leit spuin wölln, nachernd kann dea wej weida hint sitzt „fimfe mea“ oosong.

s-88

wiki_Haferltarock_20

Des hoaßt, dassa moint, ea grejgt 66 Aung zamm, also fimf Aung mea, wej 61.

s-89

wiki_Haferltarock_21

Des konn dea wej voahea sitzt midgej oda ned.

s-90

wiki_Haferltarock_22

Wenna midgejt, konn da Hintane wiedarum „zehne mehr“ osong, des wej da Voadane wiedarum midgej kann owa ned.

s-91

wiki_Haferltarock_23

Des gejt in Fimfaschrittn aso zou.

s-92

wiki_Haferltarock_24

Wenn da Voadane nimma midgejt, mou da Hintane spuin.

s-93

wiki_Haferltarock_25

Wenn da Hintane nimmer mehr osong mog, mou da Voadane spuin.

s-94

wiki_Haferltarock_26

Es gitt ano de Meglichkeit, dassma an andan mid an Handspüll iwareitzt.

s-95

wiki_Haferltarock_27

Wenns mea wej oa Handspui gitt, nachand gejts genau aso weida wej vo normaln Spui.

s-96

wiki_Haferltarock_28

Wennse oana gfundn hod, dea wej spuit, nachand deaf dea an Stock nemma und mou owa dann drei vo seine 14 Koartn wieda in Stock einedou.

s-97

wiki_Haferltarock_29

Nachand mou oane vo de vier Foama als Trumpf osong.

s-98

wiki_Haferltarock_30

Wenn oana a Handspui gspuit hod, nachand deafa'n Stock ned oschaun.

s-99

wiki_Haferltarock_31

Nachand is dea links vom Geba aussa und de andan zwoa mejssnd zougem.

s-100

wiki_Haferltarock_32

Beim Haferltarock mou wej beim Schofkopf Foa zougem wean.