| s-15
| Партизантнэ пштистэ кулсоность Маскинэнь. |
| s-16
| Рябов юксизе мешоконть, таргась эйстэнзэ тюжа конёвсо тапардавт бинт, ловонь кондямо ашо ватка, ды кеменьшка эрьва кодамо лекарства марто суликат. |
| s-17
| ― Вана, Звездов кучсь отрядонтень оптечка... |
| s-18
| ― Да, эряви капшамс! ― кежей ладсо пшкадсь Ясребов. |
| s-19
| ― Эшо а мезть учомс, давайте седе курок таргадо ды оймседе, а вандый чопудава тевенть тейсынек, можот Любаяк вейке пе теи, ― сонсь саизе Звездовонь кучозь гостинецтнэде папироска пачканть ды панжизе. |
| s-20
| ― Явшесь папироскатнень ялганзо туртов. |
| s-21
| Роштятнень пряст удыть вень чопудасонть, мик сырк-сырк а теить, прок чувтомсть пингень-пингэзэст. |
| s-22
| Кавто партизант яксесть лишметнень перть, Юрченко кутмордызе пулемётонть, прок вечкима од козиканзо ды уды корнозь, сонзэ марто. |
| s-23
| Овсе мештензэ ёжос лепштизе пулемётонь прикладонть, турванзо токасть патрондо эцезь пачалгонтень. |
| s-24
| Ястребов куватьс эзь матедевть, колмо ниле папироска пултась апак лотксе. |
| s-25
| Тарадтнэ апак жаля, риштьнесть Любань чама ланга, сельме ланга. |
| s-26
| Сонзэ прясонзо коткудавонь пизэкс лакасть эрьва кодамо превтне, прок нарошной а кадыксэлизь оймамо ― аштеме. |
| s-27
| Сон уш колмо-ниле раз чаравтсь отрядонть перька, буто горясо сявордазь ава комавсь кулома лангсо сэредиця пакшанзо вельксэс. |
| s-28
| Тол пандясь лоткась пукштордомадо, сятконь оровтось почодовсь куловсо. |
| s-29
| Толонь ципыркай якстере сельмензэ панжтневсть ды пекстневсть вармадонть. |
| s-30
| Весе тайгась уды кеме, плотна удомасо. |
| s-31
| Тайгань штере пря, пиже кудря марто пичетне, комсесть вейкест-вейкест малав. |
| s-32
| Лоткась сынст лажнозь морамост, увтозь увномаст. |
| s-33
| Матедевсь тайгась. |
| s-34
| Прок арасельгак тесэ кодамояк эрямо чи, буто эзь сявордькштне колеяк сядодо ламо иесэ пиже пичетне, одерьвань коньдят пихтатне, пиже ваткасо оршазь кузтнэ. |
| s-35
| Буто арасельгак эрьва кодамо ламо вальгейсэ урниця тайгань бурясь, конадонть перть-пельга мольсь синтревкс цятордома. |
| s-36
| Мельганзо мольсть вейке-вейке мельга кадовикс партизантнэ. |
| s-37
| Матедевсь тайгась. |
| s-38
| Весе пичетне, прок ёвксонь яга-бабань мереманзо коряс кукорнясть, костояк цят а маряви... |
| s-39
| А куш, а каш... чувтомсь... кулось тайгась... |
| s-40
| Но кулось ли?.. |
| s-41
| Чувтомсь ли? |
| s-42
| Виде ли кияк косояк мезтькак а тейни?.. |
| s-43
| Цю! каятодсь косто бути васолдо пиже пакшань авардемань вайгель... весть, омбоцеде... колмоцеде... |
| s-44
| Те тайганть венть чопуданзо ванстыцясь ― покш пря коршось, ильцясь вишка эйднекс. |
| s-45
| Цю! кекшнезевсть мезе бути латконть маласто, ― те идем олень паразевсь, ― тердсь кадовозь ялганзо... |
| s-46
| А ламос аштезь, секень пес тыжнозь ― лажнозь керизе тайганть ардыця поездэсь. |
| s-47
| ― Ох ― ох! ― сергедевсь Люба ды кавто кедьсэнзэ тапардызе пекензэ. |
| s-48
| Те таго нать ускить Колчакнэнь оружия ды снарежения, а можот розорязь велестэ атят ― од цёрат... |
| s-49
| Тайгась теке матедевсь... |
| s-50
| А куш, а каш. |
| s-51
| Сэтьместэ сэтьместэ чи лисема ёнксось кирвайсь, ды тулкадизе чопуданть тайганть вельксстэ. |
| s-52
| ― Ох! ох! ― сергедевсь Люба стомавозь вальгейсэ ― Ох! |
| s-53
| ― Сёма, кулан! |
| s-54
| ― Ох, авинем-корминем ! |
| s-55
| ― Ох кулан! ― таго сергедсь Люба а паро вайгельсэ. |
| s-56
| Ястребов ёртозь ёртовсь, чиезь совась кудонтень Любань ваксс. |
| s-57
| ― Люба, Люба, мейс истя рангат?.. |
| s-58
| ― Ох! ― апаро вайгельсэ пижакадсь Люба. |
| s-59
| Любань вайгельденть сыргозсть весе удыця партизантнэ, талакадозь ванность кудонть ёнов. |
| s-60
| Лиссь Ястребов, седеяк нусманясто. |
| s-61
| ― А цидярды, кулы, давайте, цёрат, ведь эждеде. |
| s-62
| ― Сонсь таго совась кудонтень. |
| s-63
| ― Седеезэ нать эзь кирдть. |
| s-64
| Любань маштсть превензэ, сельмень ашотне велявтовсть лангс, корты месть бути а чаркодевемат, велявтсь копорензэ лангс. |
| s-65
| Ястребов аштесь пульзядо, вадешась Любань чертнень, конянзо, прок арсесь максоманзо весе виензэ Любанень. |
| s-66
| Ансяк бу сонензэ кирдевель те сэредьксэсь. |
| s-67
| Чись поводевсь роштятнень вельксс, прок сырнень сувтем, парсеень струят новольсть эйстэнзэ чувто прятнева ды нолсесть лембесэст тайганть. |
| s-68
| Косто бути васолдо-васолдо сергедсь гудок, ине вайгель чудесь тусто тайганть потмова, прок стявты, нусманясто арсезевезь тайганть эйсэ. |
| s-69
| ― Седе васов молемс вием арась, ох, пран! ― таго сергедевсь. |
| s-70
| ― У-у-у!!! ― увнось валскень зорява гудокось те увтонть мельга кудостонть каятотсь: |
| s-71
| ― Увэ-увэ-увэ! ― пиже эйкакшонь човине вайгельне. |
| s-72
| ― Весе партизантнэ дуборсо чийсть кудыненть кенкшенть икелев. |
| s-73
| ― Чиемстэ эшксевсть вейкест-вейкест лангс. |
| s-74
| ― Ястребов лиссь каршост, мизолдсь сонзэ кургозо. |
| s-75
| ― Кенярдомась валовсь чаманзо кувалт. |
| s-76
| ― Ялгат! |
| s-77
| ― Люба жив. |
| s-78
| ― Пакшаськак шумбра, ужодо аламос... |
| s-79
| ― Алкукс! |
| s-80
| Чамазо седеяк ашолгадсь, прок кулозь ломанень, кургозо пурдавсь а мазыйстэ, сельмензэ конявсть. |
| s-81
| ― Ура! цёрат, ура!.. ― ве вальгейсэ сергедсть весе партизантнэ, цяпасть кедь ладошкаст, пек весёласто ванность карадо каршо. |
| s-82
| ― Яла теке минек пек ламо уцясканок. |
| s-83
| ― Часиянок ― пшкадсь Юрченко. |
| s-84
| ― Виде, виде... |
| s-85
| ― Ура! ― таго весе скокаесть кенкшенть икеле, кутморясть, вейкест вейкест палсесть. |
| s-86
| ― Весёлгалесть ды радовакшность. |
| s-87
| ― Кенярдомаст ульнесь певтеме. |
| s-88
| ― Минь масторонть лангсо весемеде часиявт, ялгат. |
| s-89
| ― Пек стака ульнесь печтемс чопода весь, ней, ялгат!.. |
| s-90
| ― Гримов эщо месть бути ёвтыксэль, но вайгелезэ човоргадсь весемень «ура» сеереманть марто. |
| s-91
| ― Ястребов вирень урокс кившкадсь роштятнень юткова, ардсь Любань ваксс. |
| s-92
| ― Ялгат, ― пшкадсь Юрченко, ― минек отрядсо зыян арась, минек рядтнэ целат. |
| s-93
| ― Коть Громов ялганть маштызь ашотне, ну тарказонзо касы сонзо ансяконь шачовт цёразо. |
| s-94
| Громов ульнесь отрядонь командир, Любань мирдезэ, пек боевой цёрась сехте малавикс ялга ульнесь весеменень ды вечкевикс. |
| s-95
| Сон весемеде икелев эцель туремстэ Колчаконь бандитнэнь каршо. |
| s-96
| Весеменень а стувтови, кода сисем чиде икеле вейке станция маласо, судодо-судос эшкевсь Громовонь отрядозо ашотнень марто, ашотнестэ ульнесть пек ламонест. |
| s-97
| Арьсеме арасель шка. |
| s-98
| Янось ульнесь виде, пурдамс а ков, кулома ашотнеде, эли изнямот сынст. |
| s-99
| Громов остаткадояк васеньцекс каявсь ашотнень лангс, ардтсь юткозост, мельганзо весе отрядось пек псистэ ютась ашотнень строест пачк зяро понгсть икелест ашотнеде, весе тапизь керсизь. |
| s-100
| Се туремастонть Громов кадовсь апокш губор пряс оймевтеме. |
| s-101
| Ястребов ульнесь сонзэ помошникезэ. |
| s-102
| ― Омбоце ёндо истя жо кившкадсь Вострин. |
| s-103
| Громовдо мейле сон кеместэ кундась командирэнь тевентень. |
| s-104
| Збой чизэ Ястребовоньгак пек ламоль, военно стратегиянть содылиссе парсте, а стяк Германской войнасонть ульнесь унтер. |
| s-105
| Ламоксть совсесь тол потс отрядонть марто ды яла ливтнелизе весе отрядонть шумбрасто. |
| s-106
| Ансяк вейке туремасо томбавсь Люба ― Громовонь козиказо, секс пек стакат ульнесть сонзэ шачтоманзо... |
| s-107
| Маскин кандсь содов чайниксэнть пси ведь, максызе кенкшенть трокс кудос. |
| s-108
| Партизантнэ седеяк весёласто яксесть кудонть перька, учость Ястребов марто Любань лисемаст, сехте пек учость од ялганть. |
| s-109
| Конатань кандызе Люба седеензэ ало, коната марто аволь весть якась Люба ашотнень лангс пшти шашканть марто ды тунь чопода вене якась тайганть тусто роштятнень потмова. |
| s-110
| Колмо частнэ марявсть колмо чинь кувалмосот учомс партизантнэнень пек стакаль. |
| s-111
| Чись нолаштсь певтеме менелень сэньганть, тайганть велькска. |
| s-112
| Шкась малав обед. |
| s-113
| Лопатнень пестэ пиземень петнявксокс певерьсть лангозост росанть байгетне. |
| s-114
| ― Кавонест кундызь Любань кавто ёндо. |