| s-204
| Piiplijašša on šanottu, jotta šuvaiče läššäolijie kuin omua iččie. |
| s-205
| Konša šuvaičet iččie, šilloin paremmin maltat toisie ihmisie. |
| s-206
| Patriotismi on aivan šamua: konša tiijät ta šuvaičet omua muata ta omua kulttuurie, šilloin paremmin maltat ta kunnivoičet toisie maita ta toisie kulttuurija. |
| s-207
| Kuin mie voisin šuvaija omua kotimuata, još mie šitä en tuntis, još en tietäis šen kulttuurie ta istorijua?. |
| s-208
| Anna, kanšalaisjärještön johtajana šie toimit yhteistyöššä erilaisien kanšallisien järještöjen kera. |
| s-209
| Otatko šie huomijoh, min kanšallisuon etuštajan kera šie olet yhteistoiminnašša? |
| s-210
| Vaikuttauko kanšallisuš ihmisen luontoh, hänen näkömykših ta teijän šuhtehih?. |
| s-211
| – Mie olen yhteistyöššä ukrainalaisien, puolalaisien, azerbaidžanilaisien, armenijalaisien, moldavijalaisien ta i čikanojen kera. |
| s-212
| Kyllä, kanšallisuš vaikuttau ihmiseh luontoh. |
| s-213
| Yhet luajitah piätökšie heti, toiset mietitäh pitän aikua. |
| s-214
| Yhet ollah kiivašluontoset, toiset – rauhalliset. |
| s-215
| Miun mieleštä, pitäy olla rehellisenä toisen ihmisen kera. |
| s-216
| Konša pakajat avomielisešti, niin šiun ehotukšie otetah vaštah hyvin. |
| s-217
| Konša ihmini tuntou valehušta, niin tuškin hiän avuau omua šieluo ta rupieu ruatamah šiun kera. |
| s-218
| Yhteistyöššä kanšallisien järještöjen kera mie šain šelvän, jotta meijän pitäy enämmän paissa keškenäh. |
| s-219
| Meilä kaikilla on šamat proplemat. |
| s-220
| Yhteisruavošša myö šuamma paremmat tulokšet. |
| s-221
| Meijän pitäy ajatella tulijašta šukupolvešta, niistä, ket tullah tähä ruatoh meijän tilah. |
| s-222
| Miun poika kašvau täššä kaupunkissa, niin mie ajattelen, mih ympäristöh ta mih šeurah hiän joutuu, kun mänöy mamman šiiven alta. |
| s-223
| Mie tahon tarita omalla pojalla vaihtoehtoja. |
| s-224
| Mitein mie voisin šuojella häntä alkoholista tai huumehista? |
| s-225
| Kyllä, mie voisin šanuo kovalla iänellä: “Ei šua!”, “Elä kuottele!” “Elä mäne!”, ka tuškinpa še auttau. |
| s-226
| Mie vain näytän hänellä muuta miellyttävyä, mitä täššä elämäššä on ta missä hiän vois kehittyä omie neroja, löytyä yštävie ta šamanmielisie. |
| s-227
| Mie ušon, jotta pahan ieštä hiän valiččou tämän. |
| s-228
| Kieltämällä ta šalpuamalla et varjele lapšie pahašta, pitäy tarita lapšilla ta nuorilla muita parempie vaihtoehtoja. |