| s-902
| jah swa allai Israel ganisand |
| s-903
| swaswe gameliþ ist |
| s-904
| urrinniþ us Sion sa lausjands du afwandjan afgudein af Iakoba |
| s-905
| jah so im fram mis triggwa þan afnima frawaurhtins ize |
| s-906
| aþþan bi aiwaggeljon fijandans in izwara iþ bi gawaleinai liubai ana attans |
| s-907
| inu idreiga sind auk gibos jah laþons gudis |
| s-908
| swaswe raihtis jus suman ni galaubideduþ guda iþ nu gaarmaidai waurþuþ þizai ize ungalaubeinai swa jah þai nu ni galaubidedun izwarai armaion ei jah eis gaarmaindau |
| s-909
| galauk auk guþ allans in ungalaubeinai ei allans gaarmai |
| s-910
| o diupiþa gabeins handugeins |
| s-911
| ƕas auk ufkunþa fraþi fraujins aiþþau ƕas imma ragineis was |
| s-912
| aiþþau ƕas imma fruma gaf jah fragildaidau imma |
| s-913
| unte us imma jah þairh ina jah in imma alla |
| s-914
| imm uh wulþus du aiwam amen |
| s-915
| Galeikondans meinai wairþaiþ swaswe ik Xristaus |
| s-916
| hazj uþ þan izwis broþrjus þei allata mein gamunandans sijuþ jas swaswe anafalh izwis anabusnins gafastaiþ |
| s-917
| wiljau þ þan izwis witan þatei allaize abne haubiþ Xristus ist |
| s-918
| iþ haubiþ qinons aba |
| s-919
| iþ haubiþ Xristaus guþ |
| s-920
| ƕazuh abne bidjands aiþþau praufetjands gahulidamma haubida gaaiwiskoþ haubiþ sein |
| s-921
| iþ ƕoh qinono bidjandei aiþþau praufetjandei andhulidamma haubida gaaiwiskoþ haubiþ sein |
| s-922
| ain auk ist jah þata samo þizai biskabanon |
| s-923
| unte jabai ni huljai sik qino skabaidau |
| s-924
| iþ jabai agl ist qinon du kapillon aiþþau skaban gahuljai |
| s-925
| seinamma faursniwiþ du matjan jah þan sums gredags sumz uþ þan drugkans ist |
| s-926
| ibai auk gardins ni habaiþ du matjan jah drigkan |
| s-927
| þau aikklesjon gudis frakunnuþ jah gaaiwiskoþ þans unhabandans |
| s-928
| ƕa qiþau izwis |
| s-929
| hazjau izwis |
| s-930
| in þamma ni hazja |
| s-931
| unte ik andnam at fraujin þatei jah anafalh izwis þatei frauja Iesus in þizaiei naht galewiþs was nam hlaif jah awiliudonds gabrak jah qaþ |
| s-932
| nimiþ |
| s-933
| matjiþ |
| s-934
| þata ist leik mein þata in izwara gabrukano |
| s-935
| þata waurkjaiþ du meinai gamundai |
| s-936
| swah samaleiko jah stikl afar nahtamat qiþands |
| s-937
| sa stikls so niujo triggwa ist in meinamma bloþa |
| s-938
| þata waurkjaiþ swa ufta swe drigkaiþ du meinai gamundai |
| s-939
| swa ufta auk swe matjaiþ þana hlaif jaþ þana stikl drigkaiþ dauþau fraujins gakannjaiþ unte qimai |
| s-940
| eiþan ƕazuh saei matjiþ þana hlaif aiþþau drigkai þana stikl fraujins unwairþaba fraujins skula wairþiþ leikis jah bloþis fraujins |
| s-941
| aþþan gakiusai sik silban manna jah swa þis hlaibis matjai jaþ þis stiklis drigkai |
| s-942
| saei auk matjiþ jah drigkiþ unwairþaba staua sis silbin matjiþ jah drigkiþ ni domjands leik fraujins |
| s-943
| duþþe in izwis managai siukai jah unhailai jag gaslepand ganohai |
| s-944
| iþ jabai silbans uns stauidedeima ni þau |
| s-945
| Aþþan kannja izwis broþrjus anst gudis þo gibanon in aikklesjom Makidonais þatei in managamma kustau aglons managduþs fahedais ize jaþ þata diupo unledi ize usmanagnoda du gabein ainfalþeins ize |
| s-946
| unte bi mahtai weitwodja jah ufar maht silbawiljos wesun miþ managai usbloteinai bidjandans uns niman anst seina jah gamainein andbahtjis in þans weihans |
| s-947
| jaþ ni swaswe wenidedum ak sik silbans atgebun frumist fraujin þaþroþ þan uns þairh wiljan gudis swaei bedeima Teitaun ei swaswe faura dustodida swah ustiuhai in izwis jah þo anst |
| s-948
| akei swe raihtis in allamma managniþ galaubeinai jah waurda jah kunþja jah in allai usdaudein jah ana þizai us izwis in uns frijaþwai ei jah in þizai anstai managnaiþ |
| s-949
| ni swaswe fraujinonds qiþa izwis ak in þizos anþaraize usdaudeins jah izwaraizos frijaþwos airkniþa kiusands |
| s-950
| unte kunnuþ anst fraujins unsaris Iesuis Xristaus þatei in izwara gaunledida sik gabigs wisands ei jus þamma is unledja gabigai wairþaiþ |
| s-951
| jar ragin in þamma giba |
| s-952
| unte þata izwis batizo ist juzei ni þatainei taujan ak jah wiljan dugunnuþ af fairnin jera |
| s-953
| iþ nu sai jah taujan ustiuhaiþ ei swaswe fauraïst muns du wiljan swa jah du ustiuhan us þammei habaiþ |
| s-954
| jabai auk wilja in gagreftai ist swaswe habai waila andanem ist ni swaswe ni habai |
| s-955
| ni swa auk ei anþaraim iusila iþ izwis aglo ak us ibnassau |
| s-956
| in þamma nu mela izwar ufarassus du jainaize þarbom ei jah jainaize ufarassus wairþai du izwaraim þarbom ei wairþai ibnassus swaswe gameliþ ist |
| s-957
| jas saei filu ni managizo jah saei leitil ni fawizo |
| s-958
| aþþan awiliuþ guda ize gaf þo samon usdaudein faur izwis in hairto Teitaus |
| s-959
| unte raihtis bida andnam aþþan usdaudoza wisands silba wiljands galaiþ du izwis |
| s-960
| ga-sandidedum h þan miþ imma broþar þizei hazeins in aiwaggeljons and allos aikklesjons |
| s-961
| aþþan ni þat-ain ak jah gatewiþs fram aikklesjom miþ gasinþam uns miþ anstai þizai andbahtidon fram uns du fraujins wulþau jah gairnein unsarai biwandjandans þata ibai ƕas uns fairinodedi in digrein þizai andbahtidon fram uns |
| s-962
| garedandans auk goda ni þatainei in andwairþja gudis ak jah in andwairþja manne |
| s-963
| insandidedum þan miþ im broþar unsarana þanei gakausidedum in managaim ufta usdaudana wisandan aþþan nu sai filu usdaudozan trauainai managai in izwis |
| s-964
| jaþþe broþrjus unsarai apaustauleis aikklesjono wulþaus Xristaus |
| s-965
| aþþan ustaiknein frijaþwos izwaraizos jah unsaraizos ƕoftuljos faur izwis in im ustaiknjandans in andwairþja aikklesjono |
| s-966
| þaþroh bi fidwortaihun jera usiddja aftra in Iairusaulwma miþ Barnabin ganimands miþ mis jah Teitu |
| s-967
| uz-iddja uþ þan bi andhuleinai jah ussok im aiwaggeli þatei merja in þiudos |
| s-968
| iþ sundro þaimei þuhta ibai sware rinnau aiþþau runnjau |
| s-969
| akei nih Teitus sa miþ mis Kreks wisands baidiþs was bimaitan |
| s-970
| aþþan in þize ufsliupandane galiugabroþre þaiei innufslupun biniuhsjan freijhals unsarana þanei aihum in Xristau Iesu ei unsis gaþiwaidedeina |
| s-971
| þaimei nih ƕeilohun gakunþedum ufhnaiwein ei sunja aiwaggeljons gastandai at izwis |
| s-972
| aþþan af þaim þugkjandam wisan ƕa ƕileikai simle wesun ni waiht mis wulþrais ist |
| s-973
| guþ mans andwairþi ni andsitiþ |
| s-974
| aþþan mis þai þugkjandans ni waiht anainsokun |
| s-975
| ak þata wiþrawairþo gasaiƕandans þatei gatrauaida was mis aiwaggeljo faurafilljis swaswe Paitru bimaitis unte saei waurstweig gatawida Paitrau du apaustaulein bimaitis waurstweig gatawida jah mis in þiudos jah ufkunnandans anst þo |
| s-976
| þatainei þizei unledane ei gamuneima þatei usdaudida þata silbo taujan |
| s-977
| aþþan þan qam Paitrus in Antiokjai in andwairþi imma andstoþ unte gatarhiþs was |
| s-978
| unte faurþizei qemeina sumai fram Iakobau miþ þiudom matida |
| s-979
| iþ biþe qemun ufslaup jah afskaiskaid sik ogands þans us bimaita |
| s-980
| jah miþlitidedun imma þai anþarai Iudaieis swaei Barnabas miþgatauhans warþ þizai litai ize |
| s-981
| ake biþe ik gasaƕ þatei ni raihtaba gaggand du sunjai aiwaggeljons qaþ du Paitrau faura allaim |
| s-982
| jabai þu Iudaius wisands þiudisko libais jah ni iudaiwisko ƕaiwa þiudos baideis iudaiwiskon |
| s-983
| weis raihtis wistai Iudaieis wisandans jah ni us þiudom frawaurhtai |
| s-984
| aþþan witandans þatei ni wairþiþ garaihts manna us waurstwam witodis alja þairh galaubein Iesuis Xristaus jah weis in Xristau Iesua galaubidedum ei garaihtai wairþaima us galaubeinai Xristaus Iesuis jah ni us waurstwam witodis |
| s-985
| unte ni wairþiþ garaihts us waurstwam witodis ainhun leike |
| s-986
| sokjandans ei garaihtai domjaindau in Xristau bigitanai sijum jas silbans frawaurhtai þannu Xristus frawaurhtais andbahts |
| s-987
| nis sijai |
| s-988
| unte jabai þatei gatar þata aftra timrja missataujandan mik silban ustaiknja |
| s-989
| unte ik þairh witoþ witoda gaswalt ei guda libau |
| s-990
| Xristau miþushramiþs warþ iþ liba nu ni þanaseiþs ik iþ libaiþ in mis Xristus |
| s-991
| aþþan þatei nu liba in leika in galaubeinai liba sunus gudis þis frijondins mik jah atgibandins sik silban faur mik |
| s-992
| ni faurqiþa anstai gudis |
| s-993
| unte jabai þairh witoþ garaihtei aiþþau jah Xristus sware gaswalt |
| s-994
| Jah izwis wisandans dauþans missadedim jah frawaurhtim izwaraim in þaimei simle iddjeduþ bi þizai aldai þis fairƕaus bi reik waldufnjis luftaus ahmins þis nu waurkjandins in sunum ungalaubeinais in þaimei jah weis allai usmetum suman in lustum leikis unsaris taujandans wiljans leikis jah gamitone jah wesum wistai barna hatize swaswe jah þai anþarai |
| s-995
| iþ guþ gabigs wisands in armahairtein in þizos managons frijaþwos þizaiei frijoda uns jah wisandans uns dauþans frawaurhtim miþgaqiwida uns Xristau anstai sijuþ ganasidai jah miþurraisida jah miþgasatida in himinakundaim in Xristau Iesu ei ataugjai in aldim þaim anagaggandeim ufarassu gabeins anstais seinaizos in selein bi uns in Xristau Iesu |
| s-996
| unte anstai siuþ ganasidai þairh galaubein jah þata ni us izwis ak gudis giba ist |
| s-997
| ni us waurstwam ei ƕas ni ƕopai ak is sium taui gaskapanai in Xristau Iesu du waurstwam godaim þoei fauragamanwida guþ ei in þaim gaggaima |
| s-998
| duþþe gamuneiþ þatei jus þiudos simle wesuþ in leika þai namnidans unbimaitanai fram þizai namnidon bimait in leika handuwaurht |
| s-999
| unte wesuþ þan in jainamma mela inu Xristu framaþjai usmetis Israelis jah gasteis gahaite trausteis wen ni habandans jah gudalausai in manasedai |
| s-1000
| iþ nu sai in Xristau Iesu jus juzei simle wesuþ fairra waurþuþ neƕa in bloþa Xristaus |
| s-1001
| sa auk ist gawairþi unsar saei gatawida þo ba du samin jah midgardiwaddju faþos gatairands fijaþwa ana leika seinamma witoþ anabusne garaideinim gatairands ei þans twans gaskopi in sis silbin du ainamma niujamma mann waurkjands gawairþi jah gafriþodedi þans bans in ainamma leika guda þairh galgan afslahands fijaþwa in sis silbin |