| s-1001
| sa auk ist gawairþi unsar saei gatawida þo ba du samin jah midgardiwaddju faþos gatairands fijaþwa ana leika seinamma witoþ anabusne garaideinim gatairands ei þans twans gaskopi in sis silbin du ainamma niujamma mann waurkjands gawairþi jah gafriþodedi þans bans in ainamma leika guda þairh galgan afslahands fijaþwa in sis silbin |
| s-1002
| jah qimands wailamerida gawairþi izwis juzei fairra jah gawairþi þaim ize neƕa |
| s-1003
| unte þairh ina habam atgagg bajoþs in ainamma ahmin du attin |
| s-1004
| sai nu ni sijuþ gasteis jah aljakonjai ak sijuþ gabaurgjans þaim weiham jah ingardjans gudis anatimridai |
| s-1005
| in þammei alla gatimrjo gagatiloda wahseiþ du alh weihai in fraujin |
| s-1006
| in þammei jah jus miþgatimridai sijuþ du bauainai gudis in ahmin |
| s-1007
| frawaurhte leikis in bimaita Xristaus miþ ganawistrodai imma in daupeinai in þizaiei jah miþurrisuþ þairh galaubein waurstwis gudis saei urraisida ina us dauþaim |
| s-1008
| jah izwis dauþans wisandans missadedim jah unbimaita leikis izwaris miþgaqiwida miþ imma fragibands uns allos missadedins afswairbands þos ana uns wadjabokos raginam seinaim þatei was andaneiþo uns jah þata usnam us midumai ganagljands ita du galgin |
| s-1009
| andhamonds sik leika reikja jah waldufnja gatarhida balþaba gablauþjands þo bairhtaba in sis |
| s-1010
| ni manna nu izwis bidomjai in mata aiþþau in draggka aiþþau in dailai dagis dulþais aiþþau fulliþe aiþþau sabbatum þatei ist skadus þize anawairþane |
| s-1011
| iþ leik Xristaus |
| s-1012
| ni ƕashun izwis gajiukai wiljands in hauneinai jah blotinassau aggile þatei ni saƕ ushafjands sik sware ufblesans fram fraþja leikis seinis jah ni habands haubiþ us þammei all leik þairh gawissins jah gabindos auknando jah þeihando wahseiþ du wahstau gudis |
| s-1013
| þis fairƕaus ƕa þanaseiþs swe qiwai in þamma fairƕau urrediþ |
| s-1014
| ni teikais nih atsnarpjais nih kausjais |
| s-1015
| þatei ist all du riurein þairh þatei is brukjaidau bi anabusnim jah laiseinim manne þoei sind sweþauh waurd habandona handugeins in fastubnja jah hauneinai hairtins jah unfreideinai leikis ni in sweriþo ƕizai du soþa leikis |
| s-1016
| Triggw þata waurd |
| s-1017
| jabai ƕas aipiskaupeins gairneiþ godis waurstwis gairneiþ |
| s-1018
| skal nu aipiskaupus ungafairinonds wisan ainaizos qenais aba andaþahts froþs gafaurs gastigods laiseigs ni weinnas nis slahuls ak sutis ni sakuls ni faihufriks seinamma garda waila fauragaggands barna habands ufhausjandona miþ allai anawiljein |
| s-1019
| iþ jabai ƕas seinamma garda fauragaggan ni mag ƕaiwa aikklesjon gudis gakaroþ |
| s-1020
| nih niujasatidana ibai aufto ufarhauhiþs in stauai atdriusai unhulþins |
| s-1021
| skal auk is weitwodiþa goda haban fram þaim uta ei ni atdriusai in idweit jah hlamma unhulþins |
| s-1022
| jah swa diakaununs gariudans nih faihufrikans ni weina filu haftjandans nih aglaitgastaldans habandans runa galaubeinais in hrainjai gahugdai |
| s-1023
| jaþ þai þan gakiusaindau frumist jas swa andbahtjaina ungafairinodai wisandans |
| s-1024
| qinons samaleiko gariudos ni diabulos gafaurjos triggwos in allamma |
| s-1025
| diakaunjus sijaina ainaizos qenais abans barnam waila fauragaggandans jah seinaim gardim |
| s-1026
| þai auk waila andbahtjandans grid goda sis fairwaurkjand jah managa balþein in galaubeinai þizai in Xristau Iesu |
| s-1027
| þata þus melja wenjands qiman at þus sprauto |
| s-1028
| aþþan jabai sainjau ei witeis ƕaiwa skuld ist in garda gudis usmitan saei ist aikklesjo gudis libandins sauls jah tulgiþa sunjos |
| s-1029
| jah unsahtaba mikils ist gagudeins runa saei gabairhtiþs warþ in leika garaihts gadomiþs warþ in ahmin ataugids warþ þaim aggilum merids warþ in þiudom galaubiþs warþ in fairƕau andnumans warþ in wulþau |