| s-801
| nišē māt Aššur anhāte ša ištu pān sunqi bubūte hušahhi ālānišunu bītātišunu uššerūni ana mātāti šaniāte ēliʾūni utēraššunu |
| s-802
| ālānišunu bītātišunu naṭûte ušaṣbissunu šubtu nēhtu ušbū |
| s-803
| ēkallāti ina šiddī mātiya arṣip |
| s-804
| epinnāti ina šiddi mātiya arkus še’ū tabkāni eli ša pāna ušāter atbuk |
| s-805
| Ninurta u Nergal ša šangûtī irammū būl ṣērī ušatlimūnima epēš buʾʾuri iqbûnimma |
| s-806
| 1 līm šeš mē rīmī adūk |
| s-807
| 2 puhālu rīmī dannūte ina šubte uṣabbita |
| s-808
| 56 pīrī adūk |
| s-809
| enūma Ekallu-eššetu ša Baltil ša ina pān x iššak Aššur mār x iššak Aššurma rubû ālik pāniya ēpušu ēkallu šuʾātu ēnahuma anhūssa unekkir ašarša umessi dannassa akšuda |
| s-810
| ištu uššēša adi gabadibbēša arṣip ušeklil eli mahrīti ussime |
| s-811
| narêya alṭur ina qerbiša aškun |
| s-812
| ša narêya u šumī šaṭru ipaššiṭuma šumšu išaṭṭaru |
| s-813
| likkalmušu |
| s-814
| {ITI}x UD.x.KAM |
| s-815
| līmu x-dannani ša-pān-ēkalli |
| s-816
| Aššur-naṣir-apli šar māt Aššur mār Tukulti-Ninurta šar māt Aššur mār Adad-nerari šar māt Aššurma |
| s-817
| makkūr bīt Ninurta |
| s-818
| x Til-ša-Zabdani u Til-ša-Abatani x |
| s-819
| ultu uššēšu adi gabadibbīšu arṣip ušeklil ussim ušarrih eli ša pāna ušātir |
| s-820
| maddattu ša {m}x hurāṣī annakī erî parzillī x taphi erî x.MEŠ erî x amhur |
| s-821
| ša siqrišu |
| s-822
| anhūssu x |
| s-823
| maddattu ša {m} x |
| s-824
| Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šarru rabû šarru dannu šar kiššati šar māt Aššur mār Adad-nerari šarru rabû šarru dannu šar kiššati šar māt Aššurma eṭlu qardu ša ina tukulti Aššur bēlišu ittallakuma ina malkī ša kibrāt erbetta šāninšu lā īšû šarru ša ultu ebertān Idiqlat adi Labnana u Tamti-rabite Laqe ana sihirtiša Suhi adi Rapiqi ana šēpīšu ušekniša |
| s-825
| ultu rēš ēni Subnat adi nērebī ša Habruri adi Gilzani ultu ebertān Zaba-šapliti adi Til-Bari ša ellān Zaban ultu Til-ša-Abtani adi Til-ša-Zabdani Hirimu Harutu birāte ša Karduniaš ana miṣri mātiya utēr |
| s-826
| u rapšāte mātāt Nairi ana paʾaṭ gimriša apēl |
| s-827
| āla šū ana eššūte aṣbat |
| s-828
| Imgur-Enlil šumšu abbi |
| s-829
| ēkurra šī ina libīt ēkalliya lū addi |
| s-830
| ṣalam Mamu bēliya ina libbi lū ušēšib |
| s-831
| ana Labnana lū allik gušūrī erēni šurmēni daprāni akkis |
| s-832
| gušūrī erēni eli ēkurri šī uṣabbit dalāt erēni ēpuš |
| s-833
| ina mesir siparri urakkis ina bābāniša urette |
| s-834
| ēkurra šī ussim ušarrih Mamu bēlu rabû ina libbi ušēšib |
| s-835
| narûwa ašṭur ina ēkurrišu aškun |
| s-836
| rubû arkû ina šarrāni mārīya ša Aššur inabbûšu |
| s-837
| Aššur bēlu rubû Mamu āšib ēkurri šī ina nīši īnīšunu kīniš liṭṭulūšu šumšu zēršu ina mātišunu lukinnū |
| s-838
| ša narûwa emmaruma annâ mīna iqabbû |
| s-839
| Ištar bēlat qabli u tāhāzi kakkīšu lū tušabbir kussâšu lū tēkimšu |
| s-840
| ša narûwa emmaruma išassū šamnī ipaššašu nīqa inaqqû ana ašrišu uterru |
| s-841
| Aššur bēlu rabû ikribīšu išemme |
| s-842
| ina tāhāzi ša šarrāni ašar taqrubte ammar libbišu ušamṣâšu |
| s-843
| ēkal Aššur-naṣir-apli šar māt Aššur mār Tukulti-Ninurta šar kiššati šar māt Aššurma |
| s-844
| bīt Ištar ša Ninua ēpušma arṣip |
| s-845
| Magarisu ša Bit-Iahiri akšud |
| s-846
| ēkal Aššur-naṣir-apli šar kiššati šar māt Aššur mār Tukulti-Ninurta šar māt Aššur mār Adad-nerari šar māt Aššurma |
| s-847
| maddattu ša Suhi |
| s-848
| ṣalam Aššur-naṣir-apli šar kiššati šar māt Aššur mār Tukulti-Ninurta šar kiššati šar māt Aššur mār Adad-nerari šar māt Aššurma |
| s-849
| Marduk apkal ilāni bēl têrēte Ninurta qarrād Igigi u Anunnaki Nergal gitmālu šar tamhāri Nusku nāš haṭṭi elleti ilu multālu Ninlil hīrti Enlil ummi ilāni rabûti Ištar rēštīti šamê erṣeti ša paraṣ qardūte šuklulat |
| s-850
| ilāni rabûte gāmerūt purussî mušimmū šīmāti |
| s-851
| ana šadê Hamani ēli |
| s-852
| Hatte ana sihirtiša x |
| s-853
| ultu Gargamiš ša Hatte Laqe ana sihirtiša Suhi adi Rapiqi ana šēpīya ušekniša |
| s-854
| ultu rēš ēni Subnat |
| s-855
| adi Nirib ša bētāni |
| s-856
| kīma Adad rāhiṣi elišunu ašgum |
| s-857
| ultu nērebē ša Habruri adi Gilzani Hubuškia ana šēpīya ušekniša |
| s-858
| Zamua ana pāṭ gimriša ana nišī mātiya amnu |
| s-859
| ṣābit līṭē šākin līte |
| s-860
| ša kalîšina mātāti |
| s-861
| ana Tamti-rabite ša Amurri allik |
| s-862
| ina Tamdi-rabite kakkīya lū ullil nīqī ana ilāniya lū aṣbat |
| s-863
| šarru ṣīru ša mātāti kalîšina ultu ṣīt Šamši adi ereb Šamši x |
| s-864
| Kalhu ana eššūte aṣbat |
| s-865
| tīlu labēru lū unakkir adi muhhi mê lū ušappil |
| s-866
| 1 mē 20 tikpī ana mušpali uṭabbi |
| s-867
| nišī kišitti qātīya ša mātāti ša apēlušinani ša Suhi Laqe ana sihirtiša ša Sirqu ša nēberti Puratte Zamua ana pāṭ gimriša alqâ ina libbi ušaṣbit |
| s-868
| nārtu ultu Zaba-eliti ahrâ Pattu-hegalli šumša abbi |
| s-869
| kirâti ina limētušša azqup |
| s-870
| inbī karānī ana Aššur bēliya u ēkurrāt mātiya aqqi |
| s-871
| āla šū ana Aššur bēliya aqīš |
| s-872
| rubû arkû ina šarrāni mārīya ša Aššur šumšuma ana rēʾût māt Aššur inabbûšu |
| s-873
| x Qatanaya amēlē šīmī naši |
| s-874
| maddattu ša {m}x-x kaspī hurāṣī annakī erî taphī erî x-x-x erî x-x-x.MEŠ lubulti birme u kitê amhur |
| s-875
| x Šamšu kiššat nišī rubû iššak Aššur |
| s-876
| ana pāṭ gimriša |
| s-877
| maddattu ša Sarugaya |
| s-878
| x rēmēnû |
| s-879
| x māt Aššur rubû ālik pāniya |
| s-880
| ša {URU}x |
| s-881
| x arkû |
| s-882
| ina šarrāni |
| s-883
| ēkal Tukulti-Ninurta šar kiššati šar māt Aššur mār Adad-nerari šar kiššati šar māt Aššur mār Aššur-dan šar kiššati šar māt Aššurma |
| s-884
| qarrādāku labbāku u zikarāku ašarēdāku ṣīrāku šitmurāku |
| s-885
| ana zakār šumiya danni malkī kibrāt erbetti kīma qanî mehê išubbū ana ṣabāt gerriya kakkīšunu kīma kitekittê iṣuddū |
| s-886
| eṭlu qardu ša ina tukulti Aššur bēlišu ištu ebertān Zabe-šupali šiddi Lullume Habhi ša bītāni māt Zamua adi nērebī ša Namri illikuma Qumani rapšāte adi Mehri Salua u Uraṭri ana šēpīšu ušekniš |
| s-887
| ana nērārūte ša Kumme lū allik |
| s-888
| nīqī ana pān Adad ša Kumme bēliya lū ēpuš |
| s-889
| sītāt ālāni ša māt Habhi nakrīšu ša Kumme ina kakkī ušamqit |
| s-890
| kišitte x |
| s-891
| Katmuhi ana pāṭ gimriša ipēluma ana miṣir mātišu utēru |
| s-892
| biltu u maddattu elišunu ukīn |
| s-893
| dabdâ Šamaš-mudammiq |
| s-894
| sugullu ša pīrī tarbīt āli sugullu ša rīmī tarbīt āli sugullu ša x-x-x x-i-te x-x-te amhur |
| s-895
| Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šarru rabû šarru dannu šar kiššati šar māt Aššur mār Adad-nerari šarru rabû šarru dannu šar kiššati šar māt Aššurma kāšid ultu ebertān Idiqlat adi Labnana u Tamti-rabiti mātāti kalîšina ištu ṣīt Šamši adi ereb Šamši ana šēpīšu ušekniša |
| s-896
| ēkal Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šar kiššati šar māt Aššur mār Adad-nerari šar kiššati šar māt Aššurma |
| s-897
| makkūr Kalhi |
| s-898
| ultu rēš ēni Subnat adi Niribe ša bītāni qāssu ikšudu |
| s-899
| ultu nērebē ša Habruri adi Gilzani ultu ebertān Zaba-šapliti adi Til-Bari ša ellān Zaban ultu Til-ša-Abatani adi Til-ša-Zabdani Hirimu Harutu birāte ša Karduniaš ana miṣri mātiya utēr |
| s-900
| u rapšāte mātāt Nairi ana pāṭ gimriša apēl |