| s-302
| 2 mē immerī 30 alpī akalī šikarī ê tibnī |
| s-303
| nāmurtu ša Usala attahar |
| s-304
| issakan bēde |
| s-305
| ištu Usala ittumša ana Dur-Katlimmu aqṭirib |
| s-306
| ana sihirtišu |
| s-307
| ištu Dur-Katlimmu ittumša ina {URU}x issakan bēde |
| s-308
| ištu x-ma ittumuš ana Qatni aqṭirib |
| s-309
| ištu Qatni ittumša ina Latihi ša Dikannaya issakan bēde |
| s-310
| ištu Latihi ittumša ana Šadikanni aqṭirib |
| s-311
| ištu Šadikanni ittumša ina Ṭabite issakan bēde |
| s-312
| ištu Ṭabite ittumuš ina Magarisi issakan bēde |
| s-313
| ištu Magarisi ittumuš ina Gurete issakan bēde |
| s-314
| ištu Gurete ittumuš ina Tabite issakan bēde |
| s-315
| ištu Tabite ittumuš ina Kahat issakan bēde |
| s-316
| ištu Kahat ittumuš ina Naṣipina issakan bēde |
| s-317
| ištu Naṣipina ittumuš ina Huzirina issakan bēde |
| s-318
| ina UD.4.KAM₂ |
| s-319
| ālānišunu ina išātāti assarāpa ebūrāni kirâtišunu akkis |
| s-320
| ina gerri šanêma |
| s-321
| ultu Šubari |
| s-322
| adi Gilzani u Nairi |
| s-323
| naphar 2 līm 7 mē 2 |
| s-324
| sisê ṣimdat nīri |
| s-325
| ēkallāti ina šiddi mātiya arṣip |
| s-326
| epinnāti ina šiddi mātiya arkus ê tabkāni ana erišti mātiya eli ša pān ušātir atbuk |
| s-327
| eli māt Aššur māta eli nišīša nišī uraddi |
| s-328
| Ninurta u Nergal ša šangûtī irammū |
| s-329
| būl ṣēri ušatlimūnima epēš baʾʾuri iqbûni |
| s-330
| 60 nēšē dannūti ina narkabtiya pattūti ina libbiya ekdi ina qitrub meṭlūtiya ina pašhi addâk |
| s-331
| enūma dūru ša tamlê rabê ša ēkal bēlūtiya ša ištu pān šarrāni mahrûte ālikūt pāniya ēpušū ēnahma Aššur-bel-kala iššak Aššur ēpuš itūr īnahma Tukulti-Ninurta iššak Aššur mār Adad-nerari iššak Aššurma ašaršu umessi dannassu akšud |
| s-332
| uššīšu ina muhhi kiṣir šadê danni addi |
| s-333
| 3 mē tibkī ana 20 libnāti rapšāti ištu kīdi eli mahrišu muhhišu uraddi ukabbir |
| s-334
| ištu uššīšu adi gabadibbīšu arṣip ušeklil |
| s-335
| eli mahrî ussime ušarrih |
| s-336
| narê aškun |
| s-337
| narê ša šarrāni abbīya mahrûte šamnī apšuš nīqī aqqi ana ašrišunu utēr |
| s-338
| narê ištu ašrišunu lā ušamsak šamnī lipšuš nīqa liqqi ana ašrišunu lutēr |
| s-339
| Aššur Adad ikribīšu išemmû |
| s-340
| ša šumī šaṭra ipaššiṭu u narê ištu ašrišunu ušamsaku |
| s-341
| Aššur Adad šumšu u zēršu ina māti luhalliqū |
| s-342
| Arahsamnu UD.9.KAM₂ līmu Naʾidi-ili šakin māt Katmuhi |
| s-343
| ana Enlil šar šīmāti u uṣurāti munarriṭ huršānī āšib bīt Kidmuri bēli rabê bēliya |
| s-344
| Aššur-naṣir-apli iššak Aššur mār Tukulti-Ninurta iššak Aššurma |
| s-345
| ana balāṭ napšātiya arāk ūmēya šumʾud šanātiya šalām zērīya mātiya aqīš |
| s-346
| x Aššur mār Aššur-dan iššak Aššurma |
| s-347
| lū ulli |
| s-348
| 35 tibkī |
| s-349
| ēkal Aššur-naṣir-apli šar kiššati šar māt Aššur mār Tukulti-Ninurta šar māt Aššur mār Adad-nerari šar māt Aššurma |
| s-350
| Rugulutu ša Bit-Adini akšud |
| s-351
| ēkal Aššur-naṣir-apli šar kiššati šar māt Aššur mār Tukulti-Ninurta šar māt Aššur mār Adad-nerari šar māt Aššurma |
| s-352
| rīmī ina muhhi Puratte adūk |
| s-353
| ēkal Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šar kiššati šar māt Aššur mār Adad-nerari šar kiššati šar māt Aššurma |
| s-354
| makkūr bīt Ninurta |
| s-355
| Aššur-naṣir-apli šar māt Aššur mār Tukulti-Ninurta šar māt Aššurma |
| s-356
| Aššur-naṣir-apli šarru rabû šarru dannu šar kiššati šar māt Aššur mār Tukulti-Ninurta šarru rabû šarru dannu šar kiššati šar māt Aššur mār Adad-nerari šarru rabû šarru dannu šar kiššati šar māt Aššurma eṭlu qardu ša ina tukulti Aššur bēlišu ittallakuma ina malkī ša kibrāt erbetta šāninšu lā īšû šarru |
| s-357
| ša ultu ebertān Idiqlat adi Labnana u Tamti-rabite Laqe ana sihirtiša Suhi adi Rapiqi ana šēpīšu ušaknišu |
| s-358
| ultu rēš ēni Subnat adi Nirbi ša bētāni qāssu ikšud |
| s-359
| ultu nērebē ša Habruri adi Gilzani ultu ebertān Zaba-šapliti adi Til-Bari ša ellān Zaban ultu Til-ša-Abtani adi Til-ša-Zabdani Hirimu Harutu birāte ša Karduniaš ana miṣir mātiya utēr |
| s-360
| u rapšāte mātāt Nairi ana pāṭ gimriša apēl |
| s-361
| ēnahma iṣlal ana arkât ūmē ana tīli u karmē itūr |
| s-362
| tīlu labēru unakkir adi muhhi mê ušappil |
| s-363
| 1 mē 20 tikpī ana mušpali lū uṭabbi |
| s-364
| bīt Ninurta Šarrat-niphi Gula Sin ina qerebšu lū addi |
| s-365
| ēkurru šī ana nalbân lū akṣur šubat ilāni rabûti ina libbi ukīn |
| s-366
| ēkurru šī ana nanmar malkī u rubê ša dārâte ēpuš |
| s-367
| ina pīt uznī hasīsi ina hišihti ilāni rabûti ša irammuni lamassat Ištar bēltiya ša ina pān lā bašû ilūssa rabītu lū ušarrih |
| s-368
| ina dumuq abnī ṣāriri u hurāṣi huššê lū abniš |
| s-369
| ina parakkiša ana dārâte ina libbi lū addi |
| s-370
| ēkurru šī ussim ušarrih |
| s-371
| gušūrī erēni šitrāhūti ina muhhiša lū ukīn |
| s-372
| dalāt erēni ṣīrāte in bābāniša urette |
| s-373
| nēšē ekdūte ša pīli peṣê ēpuš ina bābiša ušezziz |
| s-374
| enūma Šarrat-niphi bēltu rabītu ina parakkiša elli ina bīt atmaniša ša ruʾāme uššabu kīniš lū tappardâ |
| s-375
| arāk ūmēya lū taqbi šumʾud šanātiya lū tattasqar |
| s-376
| šangûti lū tarâm |
| s-377
| ana nadān zībīya lū tahdu |
| s-378
| ēma qabli u tāhāzi |
| s-379
| uṣammaru ṣumrāt libbiya lū tušakšidanni |
| s-380
| rubû arkû ina šarrāni mārīya ša Aššur šumšu ana rēʾût māt Aššur inabbûšu nēšē šuātunu ultu bābāniša lā tunakkar |
| s-381
| šumī šaṭra lā tapaššiṭ |
| s-382
| anhūssunu uddiš šumī šaṭra ana ašrišu tēr |
| s-383
| Aššur bēlu rabû Ninurta u Ištar āšib ēkurri šuātu nuhšu ṭuhdu hegallu ina mātišu lukinnū |
| s-384
| ša šumī šaṭra ipaššiṭu nēšē šuātunu unakkaru ina mê inaddû ina išātāti iqallû ina bīt kīli lā amāri išakkanu u mimma amāt maruṣti pān ēkurri šuātu ušapraku |
| s-385
| Ninurta bēl mehî u šaggašte Ištar bēlat qabli u tāhāzi šarrūssu liskipū kussîšu līkimūšu ina pān nakrīšu kamîš lušēšibūšu sunqu bubūtu u nibrātu ina mātišu lukinnū šumšu zēršu ina māti luhalliqū |
| s-386
| ultu rēš ēni Subnat adi Urarṭi qāssu ikšud |
| s-387
| ultu nērebē ša Habruri adi Gilzani ultu ebertān Zaba-šapliti adi Til-Bari ša ellān Zaban ultu Til-ša-Abatani adi Til-ša-Zabdani Hirimu Harutu birāte ša Karduniaš ana miṣri mātiya utēr |
| s-388
| ultu nērebe ša Babite adi Hašmar ana nišī mātiya amnu |
| s-389
| Aššur bēlu rabû ina nīše īnīšu ēmurannima malkūtī kiššūtī ina pîšu elli ūṣâ |
| s-390
| Aššur-naṣir-apli šarru ša tanattašu danānu |
| s-391
| ina hissat libbiya ša Ea šar apsî uznu rapaštu iqīšanni Kalhu ana eššūte aṣbat |
| s-392
| tīlu labēru unakkir adi muhhi mê ušappil |
| s-393
| ultu muhhi mê ana elēna 1 mē 20 tikpī tamlâ umalli |
| s-394
| ēkal taskarinnī ēkal meskanni ēkal erēni ēkal šurmīni ēkal buṭni ēkal ṭarpiʾi ēkal mehri 8 ēkallāti ana mūšab šarrūtiya ana multaʾʾīt bēlūtiya ina qerebša addi ussim ušarrih |
| s-395
| dalāt erēni šurmīni daprāni taskarinnī meskanni ina mesir siparri urekkis ina bābānišina uretti |
| s-396
| sikkāt karri siparri almešina |
| s-397
| tanatti qardūtiya ša pirik huršānī mātāti u tâmāti attallaku kišittu ša mātāti kalîšina ina zagindurê ina igārīšina ēṣir |
| s-398
| agurrī ina uqnî ušabšil ana elēna bābānišina ukīni |
| s-399
| nišī kišitti qātiya ša mātāti ša apēlušinani ša Suhi Kaprabi Zamua ana pāṭ gimriša ša Bit-Zamani u Šubre Sirqu ša nībirti Puratte u ma’dūte Laqaya ša Hatti u ša Lubarna Patinaya alqâ ina libbi ušaṣbit |
| s-400
| nārtu ultu Zaba-eliti ahrâ šadû ana ziqpišu abtuqu Patti-hegalli šumša abbi |
| s-401
| ušallāte ša Idiqlat mikru umakkir kirâti ina limētušša ašqup inbī kalāma |