Universal Dependencies - Old East Slavic - RNC

s-1

Simon_1501-1

Послание Симона митрополита всея Русии в Великую Пермь.

s-2

Simon_1501-2

Благословение Симона, митрополита всея Русии, в отчину великаго государя, царя русского, о святем дусе възлюбленнаго господина и сына нашего смирения, благороднаго и благовернаго, и христолюбиваго великого князя Иоанна Васильевича, всеа Русии самодръжца, в Великую Пермь, сына моего, великого князя, слузе князю Матфею Михайловичю Пермьскому да и всем пермичем, болшим людем и меншим, мужем и женам, юношам и младенцем, всем православным християном, новопросвещеным господним людем всея области Пермьския земли.

s-3

Simon_1501-3

Благодать и мир вам, и милость от господа бога вседръжителя и его пречистыя матери владычица нашея богородица и приснодевыя Мария, еже есть прибежище всем християном и пристанище тихое обуреваемым во гресех, и всем спасительное упокоение.

s-4

Simon_1501-4

О сем, чада, пишу вам, что есте божиею милостию въсприяли истинную православную християнскую веру греческаго закона и пришли есте от тмы на свет, от неверия в веру и от идолослужения на благочестие, и познали есте истиннаго бога, творца небу и земли, и всей твари, яже суть на небеси и на земли, и породилися есте в купели святым крещением во имя отца и сына и святого духа, и вы бы, сынове, имели велию веру к господу богу, Спасу нашему Исусу Христу, и пречистой его богоматери, да и ко всем святым, и к церквам божиим.

s-5

Simon_1501-5

А держали бы есте веру християнскую честно и твердо, и неподвижно, а к церквам божьим к вечерне и к заутрени, и к обедне приходите с молитвою и милостыню по силе давайте, а святого пения слушайте с страхом.

s-6

Simon_1501-6

А священников, игуменов и попов, и дияконов чтите и слушайте о всем и повинуйтеся им о всех духовных делех по апостольскому словеси, якоже рече: 'Братья, повинуйтеся наставником вашим и покаряйтеся, тии бо бдят о душах ваших, яко слово въздати хотяще, да с радостию се творят, а не воздыхающе', понеже тии суть ходатаи к богу о ваших прегрешениих, а по правилом святых апостол и святых отець и по нашему благословению имеют власть вязати и решати своих детей духовных.

s-7

Simon_1501-7

И вы бы к своим отцом духовным, к священником, на покаяние приходили почасту.

s-8

Simon_1501-8

А что вам заповедают держать по правилом святых апостол и святых отець пост или молитву, или ино что, и вы то приимайте с любовью и держите крепко.

s-9

Simon_1501-9

А во вся бы есте говения постилися и мясных брашен и млека и яиць не ели.

s-10

Simon_1501-10

Также и межь говениев в среду и в пяток мяса и млека, и яиць не ясте.

s-11

Simon_1501-11

А кумиром бы есте не служили, ни треб их не приимали, ни Войпелю болвану не молитеся по древнему обычяю и всех богу ненавидимых тризнищ не творите идолом.

s-12

Simon_1501-12

Ни женитв незаконных не чините богумерскых, якоже слышу о вас, что деи у вас поимаются в племени по ветхому по татарскому обычаю: хто у вас умрет, и вторы[й] деи его брат жену его поимает, и третьи деи брат его такожде творит.

s-13

Simon_1501-13

А жены деи ваши ходят простовласы, непокровеными главами.

s-14

Simon_1501-14

Ино то чините не по закону християнскому, то есть развратно вере нашой православной, и вы бы от сих мест напред так не чинили, как невернии чинят.

s-15

Simon_1501-15

А которым у вас женитися, и они бы женилися с благословением от священника, с обручянием и с венчанием, по закону християнскому, ни в роду, ни в племяни.

s-16

Simon_1501-16

А жены бы ваши имели покровены главы.

s-17

Simon_1501-17

Да и о всем управлении християнском въспрашивайтеся своими отци духовными с священники, чтобы есте жили по закону великаго нашего православья, занеже кто от вас незаконно что учинят, и за то божий гнев приходит на християнство - овогда рати, иногда же глади, овогда падение человеком и скотом, сиречь смерть.

s-18

Simon_1501-18

И вы бы о всем в благочестии и в управлении были, как всякии сущии православнии християне.

s-19

Simon_1501-19

А сию бы есте грамоту прочет, положили в церкви у своих отцов духовных у священников, а священници сию грамоту прочитали бы вам почясту на подкрепление вере християнстей божественаго закона.

s-20

Simon_1501-20

А вы, вси людие Пермьския земли, сее грамоты слушайте со вниманием и творите вся повеленная спасения ради своих душь единородных и бесмертных.

s-21

Simon_1501-21

А священником всем великопермьским также учительная глаголю, чтобы есте о своем священьстве и о душевней ползе, колико мочно, и о своей от бога врученной пастве всегда попечение имели по своему священническому долгу, по господню словеси, глаголющему: 'Ему же бо, рече, много дасться, и много взыщется от него', да не осуждени быхом пред богом были, да возмогли быхом пред господем богом кииждо нас рещи: 'Се яз и дети, яже ми еси дал.

s-22

Simon_1501-22

'А милость божия и пречистые богородици, и святых великых чюдотворцов Петра и Алексея, и Леонтия, и Стефана епископа пермьскаго, и Сергия, и Кирила, и Варлаама, и всех святых молитва, и нашего смирения благословение да есть со всеми вами, с новопросвещенными господними людьми Христова стада словесных овець.

s-23

Simon_1501-23

Аминь.

s-24

Simon_1501-24

А писана на Москве, лета седмь тысящ девятаго, августа в 22 день.