Universal Dependencies - Ancient Greek - Perseus

s-501

tlg0008.tlg001.perseus-grc1.13.tb.xml@759

ἥτις καὶ νόμον συσσιτικὸν συνέγραψεν, καθ̓ ὃν δεῖ τοὺς ἐραστὰς ὡς αὐτὴν καὶ τὴν θυγατέρα εἰσιέναι, κατὰ ζῆλον τῶν τὰ τοιαῦτα συνταξαμένων φιλοσόφων.

s-502

tlg0008.tlg001.perseus-grc1.13.tb.xml@760

ἀνέγραψε δ̓ αὐτὸν Καλλίμαχος ἐν τῷ τρίτῳ πίνακι τῶν Νόμων καὶ ἀρχὴν αὐτοῦ τήνδε παρέθετο·

s-503

tlg0008.tlg001.perseus-grc1.13.tb.xml@761

ὅδε ὁ νόμος ἴσος ἐγράφη καὶ ὅμοιος, στίχων τριακοσίων εἴκοσι τριῶν.

s-504

tlg0008.tlg001.perseus-grc1.13.tb.xml@762

Καλλίστιον δὲ τὴν ἐπικληθεῖσαν Πτωχελένην μαστιγίας ἐμισθώσατο.

s-505

tlg0008.tlg001.perseus-grc1.13.tb.xml@764

εἶπε.

s-506

tlg0008.tlg001.perseus-grc1.13.tb.xml@767

Μενάνδρῳ τῷ ποιητῇ δυσημερήσαντι καὶ εἰσελθόντι εἰς τὴν οἰκίαν Γλυκέρα προσενέγκασα γάλα παρεκάλει ῥοφῆσαι·

s-507

tlg0008.tlg001.perseus-grc1.13.tb.xml@768

ὁ δ̓ οὐ θέλω εἶπεν.

s-508

tlg0008.tlg001.perseus-grc1.13.tb.xml@769

ἦν γὰρ ἐφεστηκυῖα γραῦς αὐτῷ.

s-509

tlg0008.tlg001.perseus-grc1.13.tb.xml@770

ἡ δὲ ἀποφύσα, εἶπε, καὶ τῷ κάτω χρῶ.

s-510

tlg0008.tlg001.perseus-grc1.13.tb.xml@771

Θαὶς ἐραστοῦ τινος αὐτῆς ἀλαζόνος παρὰ πολλῶν ποτήρια χρησαμένου καὶ λέγοντος θέλειν ταῦτα συγκόψαι, ἄλλα δὲ κατασκευάσαι, ἀπολεῖς, ἔφη, ἑκάστου τὸ ἴδιον.

s-511

tlg0008.tlg001.perseus-grc1.13.tb.xml@772

Λεόντιον κατακειμένη μετ̓ ἐραστοῦ, ἐπεισελθούσης εἰς τὸ συμπόσιον Γλυκέρας καὶ τοῦ ἐραστοῦ αὐτῆς ταύτῃ μᾶλλον προσέχοντος, κατάστυγνος ἦν.

s-512

tlg0008.tlg001.perseus-grc1.13.tb.xml@773

ὡς δ̓ ἐπιστρέψας ὁ γνώριμος αὐτὴν ἠρώτησε τί λυπεῖται, ἡ ὑστέρα με λυπεῖ ἔφη.

s-513

tlg0008.tlg001.perseus-grc1.13.tb.xml@774

πρὸς Λαίδα τὴν Κορινθίαν ἐραστὴς ἀποσφράγισμα πέμψας ἐκέλευε παραγίνεσθαι.

s-514

tlg0008.tlg001.perseus-grc1.13.tb.xml@775

ἡ δ̓ οὐ δύναμαι εἶπε·

s-515

tlg0008.tlg001.perseus-grc1.13.tb.xml@776

πηλὸς ἐστι.

s-516

tlg0008.tlg001.perseus-grc1.13.tb.xml@777

Θαῒς πρὸς γράσωνα πορευομένη ἐραστήν, ἐπεί τις αὐτὴν ἠρώτα ποῦ πορεύεται, εἶπεν·

s-517

tlg0008.tlg001.perseus-grc1.13.tb.xml@779

Φρύνη συνδειπνοῦσά ποτε γράσωνι ἄρασα φορίνην λαβέ, εἶπε, καὶ ταῦτα τράγε.

s-518

tlg0008.tlg001.perseus-grc1.13.tb.xml@781

ζητουμένου δὲ ἔν τινι συμποσίῳ διὰ τίνα αἰτίαν οἱ στέφανοι κρήμνανται, εἶπεν ὅτι ψυχαγωγοῦσιν.

s-519

tlg0008.tlg001.perseus-grc1.13.tb.xml@782

μαστιγίου δέ τινος μειρακιευομένου πρὸς αὐτὴν καὶ φαμένου πολλαῖς συμπεπλέχθαι, καθ̓ ὑπόκρισιν ἐσκυθρώπασεν.

s-520

tlg0008.tlg001.perseus-grc1.13.tb.xml@783

ἐπερωτήσαντος δὲ τὴν αἰτίαν ὀργίζομαί σοι, εἶπεν, ὅτι πολλὰς ἔχεις.

s-521

tlg0008.tlg001.perseus-grc1.13.tb.xml@784

φιλάργυρος δέ τις ἐραστὴς ὑποκοριζόμενος αὐτὴν εἶπεν Ἀφροδίσιον εἶ Πραξιτέλους·

s-522

tlg0008.tlg001.perseus-grc1.13.tb.xml@787

Δημοσθένης μὲν γὰρ ἐν τῷ κατὰ Ἀνδροτίωνος Σινώπης μέμνηται καὶ Φανοστράτης.

s-523

tlg0008.tlg001.perseus-grc1.13.tb.xml@790

περὶ δὲ τῆς Φανοστράτης Ἀπολλόδωρός φησιν ἐν τῷ περὶ τῶν Ἀθήνησιν Ἑταιρίδων ὅτι Φθειροπύλη ἐπεκαλεῖτο, ἐπειδήπερ ἐπὶ τῆς θύρας ἑστῶσα ἐφθειρίζετο.

s-524

tlg0008.tlg001.perseus-grc1.13.tb.xml@791

Ὑπερείδης δ̓ ἐν τῷ κατὰ Ἀρισταγόρας φησί·

s-525

tlg0008.tlg001.perseus-grc1.13.tb.xml@792

καὶ πάλιν τὰς Ἀφύας καλουμένας τὸν αὐτὸν τρόπον ἐκαλέσατε.

s-526

tlg0008.tlg001.perseus-grc1.13.tb.xml@795

αὗται Ἀφύαι ἐκαλοῦντο, ὅτι λευκαὶ καὶ λεπταὶ οὖσαι τοὺς ὀφθαλμοὺς μεγάλους εἶχον.

s-527

tlg0008.tlg001.perseus-grc1.13.tb.xml@796

Ἀντιφάνης δὲ ἐν τῷ περὶ Ἑταιρῶν Νικοστρατίδα φησὶν Ἀφύην ἐπικληθῆναι διὰ τὴν αὐτὴν αἰτίαν.

s-528

tlg0008.tlg001.perseus-grc1.13.tb.xml@797

ὁ δ̓ αὐτὸς Ὑπερείδης ἐν τῷ κατὰ Μαντιθέου αἰκίας περὶ Γλυκέρας τάδε λέγει·

s-529

tlg0008.tlg001.perseus-grc1.13.tb.xml@800

περὶ ἧς φησιν Θεόπομπος ἐν τοῖς περὶ τῆς Χίας Ἐπιστολῆς, ὅτι μετὰ τὸν τῆς Πυθιονίκης θάνατον ὁ Ἅρπαλος μετεπέμψατο τὴν Γλυκέραν Ἀθήνηθεν·

s-530

tlg0008.tlg001.perseus-grc1.13.tb.xml@804

τὰ ὅμοια δ̓ εἴρηκε καὶ Κλείταρχος ἐν ταῖς περὶ Ἀλέξανδρον Ἱστορίαις.

s-531

tlg0008.tlg001.perseus-grc1.13.tb.xml@805

ὁ δὲ γράψας τὸν Ἀγῆνα τὸ σατυρικὸν δραμάτιον, εἴτε Πύθων ἐστὶν ὁ Καταναῖος ἢ αὐτὸς ὁ βασιλεὺς Ἀλέξανδρος, φησίν·

s-532

tlg0008.tlg001.perseus-grc1.13.tb.xml@806

καὶ μὴν ἀκούω μυριάδας τὸν Ἅρπαλον αὐτοῖσι τῶν Ἀγῆνος οὐκ ἐλάττονας σίτου παραπέμψαι καὶ πολίτην γεγονέναι.

s-533

tlg0008.tlg001.perseus-grc1.13.tb.xml@808

Γλυκέρας ὁ σῖτος οὗτος ἦν·

s-534

tlg0008.tlg001.perseus-grc1.13.tb.xml@811

Φιλύρα γέ τοι ἐπαύσατο πορνευομένη ἔτι νέα οὖσα καὶ Σκιώνη καὶ Ἱππάφεσις καὶ Θεόκλεια καὶ Ψαμάθη καὶ Λαγίσκα καὶ Ἄνθεια.

s-535

tlg0008.tlg001.perseus-grc1.13.tb.xml@812

μήποτε δὲ δεῖ γράφειν ἀντὶ τῆς Ἀνθείας Ἄντειαν.

s-536

tlg0008.tlg001.perseus-grc1.13.tb.xml@813

οὐ γὰρ εὑρίσκομεν παῤ οὐδενὶ Ἄνθειαν ἀναγεγραμμένην ἑταίραν, ἀπὸ δὲ Ἀντείας καὶ ὅλον δρᾶμα ἐπιγραφόμενον, ὡς προεῖπον, Εὐνίκου ἢ Φιλυλλίου Ἄντειά ἐστιν.

s-537

tlg0008.tlg001.perseus-grc1.13.tb.xml@814

καὶ ὁ τὸν κατὰ Νεαίρας δὲ λόγον γράψας μνημονεύει αὐτῆς.

s-538

tlg0008.tlg001.perseus-grc1.13.tb.xml@816

ἐπώνυμον δ̓ ἐστὶ τοῦτο ἑταίρας·

s-539

tlg0008.tlg001.perseus-grc1.13.tb.xml@818

καὶ Λυκοῦργος ἐν τῷ κατὰ Λεωκράτους Εἰρηνίδος ἑταίρας μέμνηται ὡς ἑταιρούσης τῷ Λεωκράτει.

s-540

tlg0008.tlg001.perseus-grc1.13.tb.xml@819

Ναννίου δὲ Ὑπερείδης μνημονεύει ἐν τῷ κατὰ Πατροκλέους.

s-541

tlg0008.tlg001.perseus-grc1.13.tb.xml@820

αὕτη δὲ ὅτι Αἲξ ἐπεκαλεῖτο προείπομεν, διὰ τὸ Θαλλὸν τὸν κάπηλον ἐξαναλῶσαι.

s-542

tlg0008.tlg001.perseus-grc1.13.tb.xml@821

ὅτι δὲ θαλλῷ χαίρουσιν αἱ αἶγες, διόπερ οὐδ̓ εἰς ἀκρόπολιν ἄνεισι τὸ ζῷον οὐδ̓ ὅλως Ἀθηνᾷ θύεται διὰ τοῦτο, ἄλλος ἔσται λόγος·

s-543

tlg0008.tlg001.perseus-grc1.13.tb.xml@822

ἀλλ̓ ὅ γε Σοφοκλῆς ἐν Ποιμέσιν ὅτι θαλλοφαγεῖ τὸ ζῷόν φησιν οὕτως·

s-544

tlg0008.tlg001.perseus-grc1.13.tb.xml@823

ἑωθινὸς γάρ, πρίν τιν̓ αὐλιτῶν ὁρᾶν, θαλλὸν χιμαίρᾳ προσφέρων νεοσπάδα εἶδον στρατὸν στείχοντα παραλίαν ἄκραν.

s-545

tlg0008.tlg001.perseus-grc1.13.tb.xml@824

μνημονεύει τῆς Ναννίου καὶ Ἄλεξις ἐν Ταραντίνοις οὕτως·

s-546

tlg0008.tlg001.perseus-grc1.13.tb.xml@826

Μένανδρος δ̓ ἐν Ψευδηρακλεῖ φησιν οὐκ ἐπείρα Νάννιον;

s-547

tlg0008.tlg001.perseus-grc1.13.tb.xml@828

ἦν δὲ Κορώνη τῆς Ναννίου θυγάτηρ, τὸ τῆς Τήθης ἀναφέρουσα ἐκ τριπορνείας ὄνομα.

s-548

tlg0008.tlg001.perseus-grc1.13.tb.xml@829

καὶ Νεμεάδος δὲ τῆς αὐλητρίδος Ὑπερείδης μνημονεύει ἐν τῷ κατὰ Πατροκλέους.

s-549

tlg0008.tlg001.perseus-grc1.13.tb.xml@831

ἐκεκώλυτο γὰρ τὰ τοιαῦτα τίθεσθαι ὀνόματα οὐ μόνον ταῖς ἑταιρούσαις, ἀλλὰ καὶ ταῖς ἄλλαις δούλαις, ὥς φησι Πολέμων ἐν τοῖς περὶ Ἀκροπόλεως.

s-550

tlg0008.tlg001.perseus-grc1.13.tb.xml@832

καὶ Ὠκίμου δὲ τῆς ἐμῆς, ὡς σὺ φής, Κύνουλκε, καὶ Ὑπερείδης μέμνηται ἐν τῷ κατὰ Ἀρισταγόρας β̓ λέγων οὕτως·

s-551

tlg0008.tlg001.perseus-grc1.13.tb.xml@836

Μένανδρος δ̓ ἐν Κόλακι τάσδε καταλέγει ἑταίρας·

s-552

tlg0008.tlg001.perseus-grc1.13.tb.xml@837

Χρυσίδα, Κορώνην, Ἀντίκυραν, Ἰσχάδα, καὶ Ναννάριον ἔσχηκας ὡραίαν σφόδρα.

s-553

tlg0008.tlg001.perseus-grc1.13.tb.xml@840

Θεολύτην δ̓ οὐδ̓ οἶδεν οὐδεὶς ὅτε τὸ πρῶτον ἐγένετο.

s-554

tlg0008.tlg001.perseus-grc1.13.tb.xml@841

οὐχὶ Λαὶς μὲν τελευτῶσ̓ ἀπέθανεν βινουμένη, Ἰσθμιὰς δὲ καὶ Νέαιρα κατασέσηπε καὶ Φίλα;

s-555

tlg0008.tlg001.perseus-grc1.13.tb.xml@842

Κοσσύφας δὲ καὶ Γαλήνας καὶ Κορώνας οὐ λέγω·

s-556

tlg0008.tlg001.perseus-grc1.13.tb.xml@843

περὶ δὲ Ναίδος σιωπῶ·

s-557

tlg0008.tlg001.perseus-grc1.13.tb.xml@844

γομφίους γὰρ οὐκ ἔχει.

s-558

tlg0008.tlg001.perseus-grc1.13.tb.xml@848

κἀμοὶ μὲν τὰ καλὰ τῶν ἑταιρῶν ἀποφθέγματα πεπεράνθω μέχρι τούτων·

s-559

tlg0008.tlg001.perseus-grc1.13.tb.xml@849

ἐπ̓ ἄλλο δ̓ εἶδος μεταβήσομαι λόγων.

s-560

tlg0008.tlg001.perseus-grc1.13.tb.xml@850

καὶ πρῶτον γε μνησθήσομαι τοῦ φιλαληθεστάτου Ἐπικούρου·

s-561

tlg0008.tlg001.perseus-grc1.13.tb.xml@851

ὅστις ἐγκυκλίου παιδείας ἀμύητος ὢν ἐμακάριζε καὶ τοὺς ὁμοίως αὐτῷ ἐπὶ φιλοσοφίαν παρερχομένους, τοιαύτας φωνὰς προιέμενος·

s-562

tlg0008.tlg001.perseus-grc1.13.tb.xml@852

μακαρίζω σε, ὦ οὗτος, ὅτι καθαρὸς πάσης παιδείας ἐπὶ φιλοσοφίαν ὥρμησαι.

s-563

tlg0008.tlg001.perseus-grc1.13.tb.xml@854

οὗτος οὖν ὁ Ἐπίκουρος οὐ Λεόντιον εἶχεν ἐρωμένην τὴν ἐπὶ ἑταιρείᾳ διαβόητον γενομένην;

s-564

tlg0008.tlg001.perseus-grc1.13.tb.xml@855

ἡ δὲ οὐδ̓ ὅτε φιλοσοφεῖν ἤρξατο ἐπαύσατο ἑταιροῦσα, πᾶσι δὲ τοῖς Ἐπικουρείοις συνῆν ἐν τοῖς κήποις, Ἐπικούρῳ δὲ καὶ ἀναφανδὸν;

s-565

tlg0008.tlg001.perseus-grc1.13.tb.xml@858

Ἀπελλῆς δὲ ὁ ζωγράφος ἔτι παρθένον οὖσαν τὴν Λαίδα θεασάμενος ἀπὸ τῆς Πειρήνης ὑδροφοροῦσαν καὶ θαυμάσας τὸ κάλλος ἤγαγέν ποτε αὐτὴν εἰς φίλων συμπόσιον.

s-566

tlg0008.tlg001.perseus-grc1.13.tb.xml@859

χλευασάντων δ̓ αὐτὸν τῶν ἑταίρων ὅτι ἀνθ̓ ἑταίρας παρθένον εἰς τὸ συμπόσιον ἀγάγοι, μὴ θαυμάσητε, εἶπεν·

s-567

tlg0008.tlg001.perseus-grc1.13.tb.xml@860

ἐγὼ γὰρ αὐτὴν μέλλουσαν εἰς ἀπόλαυσιν μετ̓ οὐδ̓ ὅλην τριετίαν καλὴν δείξω.

s-568

tlg0008.tlg001.perseus-grc1.13.tb.xml@861

τὸ δ̓ αὐτὸ καὶ Σωκράτης ἐμαντεύσατο περὶ Θεοδότης τῆς Ἀθηναίας, ὥς φησι Ξενοφῶν ἐν Ἀπομνημονεύμασιν·

s-569

tlg0008.tlg001.perseus-grc1.13.tb.xml@862

ὅτι δὲ καλλίστη εἴη καὶ στέρνα κρείττω λόγου παντὸς ἔχοι λέγοντός τινος ἰτέον ἡμῖν, ἔφη, θεασομένοις τὴν γυναῖκα·

s-570

tlg0008.tlg001.perseus-grc1.13.tb.xml@864

οὕτω δ̓ ἦν ἡ Λαὶς καλὴ ὡς καὶ τοὺς ζωγράφους ἐρχομένους πρὸς αὐτὴν ἀπομιμεῖσθαι τῆς γυναικὸς τοὺς μαστοὺς καὶ τὰ στέρνα.

s-571

tlg0008.tlg001.perseus-grc1.13.tb.xml@865

διαζηλοτυπουμένη δέ ποτε ἡ Λαὶς τῇ Φρύνῃ πολὺν ἐραστῶν ἔσχηκεν ὅμιλον, οὐ διακρίνουσα πλούσιον ἢ πένητα οὐδ̓ ὑβριστικῶς αὐτοῖς χρωμένη.

s-572

tlg0008.tlg001.perseus-grc1.13.tb.xml@866

Ἀρίστιππος δὲ κατ̓ ἔτος δύο μῆνας, συνδιημέρευεν αὐτῇ ἐν Αἰγίνῃ τοῖς Ποσειδωνίοις·

s-573

tlg0008.tlg001.perseus-grc1.13.tb.xml@870

Ἀρίστιππε, κοινῇ συνοικεῖς πόρνῃ.

s-574

tlg0008.tlg001.perseus-grc1.13.tb.xml@872

ἆρά γε μὴ τί σοι ἄτοπον δοκεῖ εἶναι, Διόγενες, οἰκίαν οἰκεῖν ἐν ᾗ πρότερον ᾤκησαν ἄλλοι;

s-575

tlg0008.tlg001.perseus-grc1.13.tb.xml@873

οὐ γάρ ἔφη.

s-576

tlg0008.tlg001.perseus-grc1.13.tb.xml@876

οὕτως οὖν οὐδὲ γυναικὶ συνεῖναι ἄτοπόν ἐστιν ᾗ πολλοὶ κέχρηνται.

s-577

tlg0008.tlg001.perseus-grc1.13.tb.xml@878

Στράττις δ̓ ἐν Μακεδόσιν ἢ Παυσανίᾳ Κορινθίαν αὐτὴν εἶναί φησιν διὰ τούτων·

s-578

tlg0008.tlg001.perseus-grc1.13.tb.xml@879

εἰσὶν δὲ πόθεν αἱ παῖδες αὗται καὶ τίνες;

s-579

tlg0008.tlg001.perseus-grc1.13.tb.xml@881

νυνὶ μὲν ἥκουσιν Μεγαρόθεν, εἰσὶ δὲ Κορίνθιαι·

s-580

tlg0008.tlg001.perseus-grc1.13.tb.xml@884

καθὰ καὶ Πολέμων εἴρηκεν, ἀναιρεθῆναι φάσκων αὐτὴν ὑπό τινων γυναικῶν ἐν Θετταλίᾳ, ἐρασθεῖσάν τινος Παυσανίου Θετταλοῦ, κατὰ φθόνον καὶ δυσζηλίαν ξυλίναις χελώναις τυπτομένην ἐν Ἀφροδίτης ἱερῷ.

s-581

tlg0008.tlg001.perseus-grc1.13.tb.xml@887

τῆσδὲ ποθ̓ ἡ μεγάλαυχος ἀνίκητός τε πρὸς ἀλκὴν Ἑλλὰς ἐδουλώθη κάλλεος ἰσοθέου, Λαίδος·

s-582

tlg0008.tlg001.perseus-grc1.13.tb.xml@888

ἣν ἐτέκνωσεν Ἔρως, θρέψεν δὲ Κόρινθος·

s-583

tlg0008.tlg001.perseus-grc1.13.tb.xml@889

κεῖται δ̓ ἐν κλεινοῖς Θετταλικοῖς πεδίοις.

s-584

tlg0008.tlg001.perseus-grc1.13.tb.xml@890

αὐτοσχεδιάζουσιν οὖν οἱ λέγοντες αὐτὴν ἐν Κορίνθῳ τεθάφθαι πρὸς τῷ Κρανείῳ.

s-585

tlg0008.tlg001.perseus-grc1.13.tb.xml@891

Ἀριστοτέλης δ̓ ὁ Σταγιρίτης οὐκ ἐξ Ἑρπυλλίδος τῆς ἑταίρας ἐπαιδοποίησε Νικόμαχον καὶ συνῆν ταύτῃ μέχρι θανάτου, ὥς φησιν Ἕρμιππος ἐν τῷ περὶ Ἀριστοτέλους πρώτῳ, ἐπιμελείας φάσκων τῆς δεούσης τετυχηκέναι ἐν ταῖς τοῦ φιλοσόφου διαθήκαις.

s-586

tlg0008.tlg001.perseus-grc1.13.tb.xml@892

ὁ δὲ καλὸς ἡμῶν Πλάτων οὐκ Ἀρχεάνασσαν τὴν Κολοφωνίαν ἑταίραν ἠγάπα;

s-587

tlg0008.tlg001.perseus-grc1.13.tb.xml@894

Ἀρχεάνασσαν ἔχω τὴν ἐκ Κολοφῶνος ἑταίρην, ἧς καὶ ἐπὶ ῥυτίδων πικρὸς ἔπεστιν ἔρως.

s-588

tlg0008.tlg001.perseus-grc1.13.tb.xml@895

ἆ δειλοὶ νεότητος ἀπαντήσαντες ἐκείνης πρωτοπόρου, δἰ ὅσης ἤλθετε πυρκαιῆς.

s-589

tlg0008.tlg001.perseus-grc1.13.tb.xml@897

ἦν δ̓ οὗτος ἀνὴρ πρὸς ἀφροδίσια πάνυ καταφερής·

s-590

tlg0008.tlg001.perseus-grc1.13.tb.xml@898

ὅστις καὶ τῇ τοῦ υἱοῦ γυναικὶ συνῆν, ὡς Στησίμβροτος ὁ Θάσιος ἱστορεῖ, κατὰ τοὺς αὐτοὺς αὐτῷ χρόνους γενόμενος καὶ ἑωρακὼς αὐτόν, ἐν τῷ ἐπιγραφομένῳ περὶ Θεμιστοκλέους καὶ Θουκυδίδου καὶ Περικλέους.

s-591

tlg0008.tlg001.perseus-grc1.13.tb.xml@902

Πύρρου δὲ τοῦ Ἠπειρωτῶν βασιλέως, ὃς ἦν τρίτος ἀπὸ Πύρρου τοῦ ἐπ̓ Ἰταλίαν στρατεύσαντος, ἐρωμένη ἦν Τίγρις ἡ Λευκαδία·

s-592

tlg0008.tlg001.perseus-grc1.13.tb.xml@903

ἣν Ὀλυμπιὰς ἡ τοῦ νεανίσκου μήτηρ φαρμάκοις ἀπέκτεινεν.

s-593

tlg0008.tlg001.perseus-grc1.13.tb.xml@905

Φιλήμονα γὰρ οἶδα τοῦτ̓ εἰρηκότα ἐν Νεαίρᾳ·

s-594

tlg0008.tlg001.perseus-grc1.13.tb.xml@906

ὥσπερ Σέλευκος δεῦῤ ἔπεμψε τὴν τίγριν, ἣν εἴδομεν ἡμεῖς, τῷ Σελεύκῳ πάλιν ἔδει ἡμᾶς τι παῤ ἡμῶν ἀντιπέμψαι θηρίον.

s-595

tlg0008.tlg001.perseus-grc1.13.tb.xml@909

οὐ γὰρ γίγνεται τοῦτ̓ αὐτόθι.

s-596

tlg0008.tlg001.perseus-grc1.13.tb.xml@910

πρὸς ὃν ὁ Μυρτίλος ἔφη·

s-597

tlg0008.tlg001.perseus-grc1.13.tb.xml@911

ἐπείπερ ἡμῖν ἐμποδὼν ἐγένου κατάλογον γυναικῶν ποιουμένοις, οὐ κατὰ τοὺς Σωσικράτους τοῦ Φαναγορείτου Ἠοίους ἢ τὸν τῶν γυναικῶν κατάλογον Νικαινέτου τοῦ Σαμίου ἢ Ἀβδηρίτου, μικρὸν ἐπισχὼν ἐπὶ τὴν παρὰ σοῦ τρέψομαι πεῦσιν, Φοῖνιξ ἄττα γεραιέ.

s-598

tlg0008.tlg001.perseus-grc1.13.tb.xml@912

μάθε οὖν ὅτι ἀρσενικῶς εἴρηκε τὸν τίγριν Ἄλεξις ἐν Πυραύνῳ οὕτως·

s-599

tlg0008.tlg001.perseus-grc1.13.tb.xml@913

ἄνοιγ̓, ἄνοιγε τὴν θύραν·

s-600

tlg0008.tlg001.perseus-grc1.13.tb.xml@914

ἐλάνθανον πάλαι περιπατῶν ἀνδριάς, ἀλέτων ὄνος, ποτάμιος ἵππος, τοῖχος, ὁ Σελεύκου τίγρις.